Гимназиядә мәртәбәле кунаклар: Халык шагыйре , публицист, драматург, прозаик, М.Җәлил hәм Г. Тукай исемендәге дәүләт премияләре лауреаты, Татарстан Язучылар берлеге рәисе, Татарстан Республикасы Дәүләт Советы депутаты Ркаил Зәйдулла; танылган шагыйрь, прозаик, композитор, Г.Исхакый hәм Г.Тукай премияләре лауреаты, Яр Чаллы шәһәре Язучылар берлеге рәисе Факил Сафин; язучылар берлеге әгъзасы, язучы-шагыйрэ Зимфира Исламова; яшь шагыйрэ, ,,Шәhри Чаллы" газетасы хезмәткәре Айзирә Имамова килде. Очрашуда Татарстаннын атказанган җырчысы Азат Тимершәех, Татаринформ хезмэткәрләре: журналист Зилә Мөбәрәкшина hәм фотокорреспондент Расих Фәсхетдинов та катнашты. Килгән кунаклар ,,Тылсым" театр студиясе яшь артистлары башкаруында Мостай Кәримнен,,Озын озак балачак" әсәре буенча әзерләнгән тамашаны карадылар. Аннан очрашуны әзерләүче hәм алып баручы Нурисламова Энҗе Әзhәм кызы кунакларның иҗатларына кыскача күзәтү ясады. Авторларның әсәрләрен гимназиянең 7в сыйныф укучылары Хәмәтшина Альзана, Абдуллина Инзилә, Валеева Наилә, Мөхәммәтова Эльвина, Исорова Диләрә, Хамзин Самат hәм Габдрахманов Самат бик яратып башкардылар. Килгән кунаклар узлэренең әйтер сүзләрен житкергәннән сон, Азат Тимершәех шагыйрь Ркаил Зәйдулла шигырьләренә язылган бик матур җырларны башкарды. Кичә бик җылы, куңелләргә үтеп керерлек итеп узды.

Гимназиянең ,,Мизаж " вокаль ансамбле Рөстәм Бикмуллин исемендәге ХХl республикакүләм яшьләр җыр-шигърият фестивалендә беренче урын яулады. Вәлиев Марат Минсабир улы җитәкләгән ,,Ике яр", ,,Мизаж" вокаль ансамбльләрен әлеге фестивальдэ көтеп алалар, аларның чыгышларын алкышларга күмәләр. ,,Мизаж" вокаль ансамблендә шөгыльләнүче кызлар - Ишалина Айсылу, Вәлиева Мәликә, Солтанова Гүзәл, Шакирова Әминә, Ибрагимова Рената- яшьләр яратып тыңлый торган популяр җырларны инглиз теленнән татар теленә тәрҗемә итәләр, узлэре татарча, русча, инглизчэ жырлар башкаралар. ,,Мизаж" вокаль ансамбленең уңышлы чыгышы белән ихлас котлыйбыз, алар белән горурланабыз.

Гимназиянең сәләтле яшь җырчысы Адилә Ишалина Рөстәм Бикмуллин исемендәге ХХl республикакүләм яшьләр җыр-шигърият фестивале призеры булды. Адилә 13 нче сәнгать мәктәбенең вокал бүлегендә укый, укытучысы Госманова Ләйсән Сәлимҗан кызы. Адилә ,,Татар җыры стилизациясе" hәм ,,Татар халык җырларын оста башкаручы" номинацияләрендә икенче - өченче урыннарга лаек булды. Гимназиядә узган hәр чарада матур итеп җырлар башкаручы Адилә Ишалинаны, аның остазы Ләйсән Сәлимҗановнаны чын күңелдән котлыйбыз!

Физкультура укытучысы Хәбибуллин Илнур Рафаэл улы гимназия укучыларын армрестлинг спорт төре белән кызыксындырып кына калмады, ә инде берничә ел рәттән шәһәр турнирында жиңүчеләр тәрбияләде. Гибадуллин Адель, Муллаяров Нияз, Гайнуллин Адель, Нуруллин Газиз, Хәсәнова Ләйлә быел да әлеге спорт төре буенча шәhәр турнирында жиңүчеләр булдылар. Афәрин, сез булдырасыз!

7б сыйныфы укучылары "Экология hәм табигатьне саклау"музеенда булдылар. Әлеге музейда барлыгы 4 бүлек эшләп килә: "Татарстанның үсемлекләр дөньясы" Татарстанның файдалы казылмалары", " Экология", "Хайваннар дөньясы" Музейда 11387 экспонат теркәлгән. Укучылар табигать залында ,төрле төрдәге кошлар, бөҗәкләр, кыргый җәнлекләрне күрделәр. Музей буенча сәяхәт барлык укучыларга белемнәрен ныгытырга, яңалыклар тупларга ярдәм итте.

Гимназиянең "Замба" ("Замана балалары") командасы кызлары: Нотфуллина Мәликә, Акмалетдинова Румия, Җамалиева Зәлинә "ШаяРТ" шаяннар hәм тапкырлар клубы бәйгесендә катнаштылар. Команда бик матур чыгыш ясады. Гимназия командасы сәхнэдә үзен иркен тотуы, узләренә юмор хисе белән карый белүлэре белән гаҗәеп матур уен курсәттеләр. "Елның иң кызык мәзәге" номинациясендә чыгышлары югары бәя алды. Тамашачы мәхәббәте казанган команда буларак та буләкләнделәр. Гимназиянең күп еллык казанышы буларак билгеле ,,Замба" командасы эшен дәвам итүче әлеге актив, гүзәл кызларга уңышлар телибез. Афәрин!

10 класс укучылары башкалабыз Казанга экскурсиягә бардылар. Казанның океанариумына кереп, төрле-төрле балыклар һәм су җәнлекләренең яшәу үзенчәлекләре белән танышып чыктылар. Әлбәттә, Колшәриф мәчетенә керергэ, Казанның Бауман урамы буйлап тамаша кылып йөрергэ дә вакытлары булды. Бик кызык сәяхәттэн укучылар канәгать калды.

Бүген гимназиябезнең 7-8 нче сыйныф кызларыннан торган "13+бер легенда төркеме  "Танцевальный бум" шәhәркүләм бәйгесендә катнаштылар. Искиткеч матур кызлардан торган бию төркеме белән гимназия горурлана. Биюне кызлар сәхнәгә үзләре әзерләделәр. Иҗади дәрт, сыгылмалы гәүдә, тигез ритмда хәрәкәт, үзара дуслык, бердәм тырышлык матур нәтиҗәләр бирер, дип ышанабыз. Афәрин, кызлар!

10 сыйныф укучысы Ишалина Айсылу укучылар өчен ,,Экология. Шәһәр hәм без" дип аталган республикакүләм фәнни-гамәли конференция призеры булды. Айсылуны hэм аның фәнни җитәкчесе Сахбутдинова Раушания Роберт кызын унышлары белән котлыйбыз !

1 нче сыйныфлар юл иминлеге кагыйдэлэрен кызыклы итеп ойрэнэлэр. Зебра Пешеходовнанын мода йорты очен эскизлар эзерлилэр, киемнэр тегэлэр. Ышанмасагыз, 1б сыйныф укучылары Шериев Кэрим белэн Зарипов Арсланнан сорагыз, алар элеге бэйгедэ 2 урын алганнар! Афэрин!