ТАТАР ТЕЛЕННӘН республикакүләм олимпиадада ҖИҢҮЧЕ булган 9В  сыйныф укучысы ИШАЛИНА АЙСЫЛУНЫ чын күңелдән котлыйбыз!

Укучыны олимпиадага әзерләгән укытучы Нурисламова Энҗе Әзһәм кызына  зур рәхмәт белдерелә!!!

Кичә шәһәребезнең Аяз Гыйләҗев исемендәге татар дәүләт драма театрында Татарстанның атказанган артисткасы, Дамир Сираҗиев исемендәге республика бүләге лауреаты Шиһапова Энҗе Фрунзевнаның юбилей кичәсе булып узды. Юбилейда актрисаның хезмәттәшләре, Республиканың танылган башка театр режиссерлары, актерлары аның 30 еллык хезмәтенә югары бәя бирделәр. Кичәнең 1 нче өлеше Энҗе Фрунзевна башкаруында тамашачы күңеленә кереп калган образлар тезмәсе форматында, юбилярның эчке кичерешләре белән баетылып төзелгән иде. 2 нче өлешендә исә, аны котлап килгән кунакларга сүз бирелде.

Мулланур Вахитов исемендәге гимназиядә 4 нче ел рәттән “Тылсым” театр студиясен җитәкләгән Энҗе Фрунзевнаны тәбрикләргә гимназия укытучылары һәм укучылары да килде. 2 нче гимназиядә озак еллар дәвамында тәрбия эшләре буенча завуч булып эшләгән Харисова Энҗе Мирзанур кызы һәм хәзерге вакытта әлеге вазыйфаны башкаручы Нурисламова Энҗе Әзһәм кызы Энҗе Фрунзе кызына, гимназия укучыларында театр сәнгатенә карата мәхәббәт уятуы, куйган хезмәте өчен рәхмәтле булуларын җиткерделәр. Киләчәктә дә зурдан – зур уңышларга ирешүен теләделәр.

Юбилей кичәсе онытылмаслык матур хатирә булып истә калды.

27 нче гыйнвар көнне безнең гимназия “Блокада икмәге” Бөтенрәсәй акциясендә катнашты. 1-11 класс укучылары өчен класс сәгатьләре уздырылды. 6В сыйныф укучылары әлеге истәлекле датага багышланган чара күрсәттеләр. Тарих укытучысы Каюмов Ренат Габдрахманович Ленинград блокадасына багышланган дәресләр уздырды.

872 көнгә сузылган Ленинград блокадасын, ул көннең аянычлы тарихын, бер сынык икмәкнең кадере хакында беркемнең дә онытырга хакы юк! Әлеге тарихи дата гимназия укучыларын битараф калдырмады. Ленинград блокадасына багышланган стенд – күргәзмә белән укучылар озаклап таныштылар.

Бары тик рухи яктан көчле булган, гаделлекнең җиңүенә ышанган совет кешесе генә әлеге авырлыкларны җиңеп чыга алган. Илебез , күгебез һәрчак аяз булсын, сугыш афәтләрен күрергә язмасын!

27 нче гыйнар көнне гимназиядә “Туган телдә белем һәм тәрбия бирү: бүгенгесе һәм киләчәге” дигән темага региональ семинар узды. Әлеге семинарда Пермь төбәгеннән килгән методистлар һәм татар теле укытучылары катнашты. Килгән кунаклар “Ике яр”, “Техник модельләштерү”, “Журналистика”, “Милли көрәш”, “Тхэквондо”, “Музей”, түгәрәкләрендә шөгыльләнүче укучыларның дәрестән тыш эшчәнлеге белән таныштылар. Физика кабинетының, спортзал һәм китапханәнең техник яктан югары дәрәҗәдә җиһазландырылуын билгеләп үттеләр. Пермьлеләр “Икенче гимназиядә милли рух сизелеп тора. Шушылай тырышып эшләгәндә генә туган телне үстерегә мөмкин” -, дип гимназия коллективы эшчәнлегенә югары бәя биреп киттеләр.

27 нче гыйнвар «Шатлык» Яшьләр үзәгендә шәһәребез укучылары арасында КВН командаларының ярымфинал ярышы уздырылды. Гимназиябезнең “Демокрит – стелит” КВН командасы да бу ярышка ныклап әзерләнде. Гимназия Спикеры Нотфуллина Мәликә җитәкләгән КВН командасы 3 нче урында калды. Әлеге команданы җиңүләре белән котлыйбыз! Киләчәктә зур уңышлар телибез.

Гимназиябез командасы шәһәрнең мәктәпләре арасындагы "Ак Ладья" исемле турнирда 3нче урынны яулады һәм 25нче февральдә башланачак Татарстан беренчелегенә катнашу хакы яулады!
Гимназиябез командасы уенчылары:

1. Әхмәдишин Илхан 

2. Хөснуллин Тимерхан 

3. Хәмитов Самир 

4. Харисова Нәҗибә 

Команданың уңышыннан тыш, Әхмәдишин Илхан , беренче тактада 2нче урынны алып, шәхси зачётта да приз яулады!

Афэрин, Рамиль Таhиржанович! Уз эшен яратып башкарган укытучы, укучыларын рухландырып, жинучелэр тэрбияли.

Уважаемые выпускники прошлых лет!

Прием заявлений на сдачу ЕГЭ в 2022 году продлится до 1 февраля 2022 года.

Место приема заявлений: 334 кабинет управления образования (здание Мэрии города. Адрес: пр.Х.Туфана, д.23). За один день необходимо заказывать пропуск по номеру телефона: 30-55-60

График приема заявлений: вторник, четверг (9-17.00 часов).

Перечень документов:

1) оригинал паспорта

2) копия паспорта (стр.с фотографией, стр.с пропиской)

3) копия СНИЛС

4) копия аттестата об окончании 11 класса или копия диплома колледжа/техникума

5) копия справки об инвалидности (при наличии)

Студенты учреждений среднего профессионального образования (колледжей, техникумов) подают заявление в образовательном учреждении.

Номер телефона для справок: 30-59-34.

2021 елның 10 ноябреннән 22 декабренә кадәр  укучыларның бөтенроссия 
һәм республика фән олимпиадаларының муниципаль этабы үткәрелде.
Гимназия укучылары олимпиадаларның муниципаль турында актив 
катнаштылар. Барлыгы 112 укучы катнашты, 6 укучы - җиңүче, 
21 укучы - призер булды.Барлык җиңүчеләрне һәм призерларны
 чын күңелдән котлыйбыз! 
Укучыларны олимпиадага әзерләгән  укытучыларга зур рәхмәтебезне 
белдерәбез! 

16 нчы гыйнвар Мөслимдә көрәшче, дәрәҗәле судья - Корбанов Фәрит Камил улы истәлегенә V нче Республикакүләм көрәш бәйгесе уздырылды. Бу бәйгедә Әлмәт, Саба, Алабуга, Актаныш, Мөслим, Сарман, Тукай, Әгерҗе, Азнакай, Кукмара, Яр Чаллы шәһәр-районнарыннан, Башортостан Республикасыннан - барлыгы 200 дән артык көрәшче катнашты. Яр Чаллы шәһәренең Мулланур Вахитов исемендәге гимназия укучылары да читтә калмады. 36 килограммлы үлчәүдә гимназиябезнең 7В сыйныфы укучысы Мухаметов Рамазан 1 нче урынны яулады. Әлбәттә бу җиңүләр җиңел генә бирелми. Һәрдаим күнекмәләргә йөрү, сәламәт яшәү рәвеше алып бару, дөрес туклану - тренер куйган таләпләр. Яшь көрәшчеләрне Татарстанның Атказанган физик культура хезмәткәре, Бөтенрәсәй категорияле судья, югары категорияле тренер - Шәмсевәлиев Илгиз Вәгыйз улы тәрбияли. Бу җиңүләр тынгысыз җанлы тренерның тырышлык нәтиҗәсе. Шуны да әйтеп үтәргә кирәк: Илгиз Вәгыйзович 2021 елда "Ел тренеры" исеменә лаек булган. Афәрин, Илгиз Вәгыйзович! Киләчәктә дә зур уңышлар теләп калабыз.

Гарифуллин Айдар Хәкимҗан улы Яр Чаллы шәһәрендәге М.Вахитов исемендәге икенче гимназия тарихын баетып, мәктәп бинасына ремонт ясатып, татар мохитында укучылар тәрбияләнсен өчен барлык шартларны тудырып, хезмәт юлын тагын да җаваплырак вазифага алыштырды. Айдар Хәкимҗан улы үзенең тормыш кредосы хакында җиткергән фикерләре сезгә дә кызык булыр, дип уйлыйбыз.

“Минем тормыш кредосы: бүгенге заманның тәрбияле, белемле кешесен тәрбияләү . Ул бар яктан матур булырга тиеш: уйлары, кылган гамәлләре, корган тормышы белән, җәмгыятькә китергән файдасы белән. Моның өчен мин үзем куйган таләпләргә җавап бирергә, укучылар, хезмәттәшләрем өчен шәхси үрнәк булырга тиешмен.

Минем өчен мәгариф ул белем учагы. Аның ялкыны сүнмәсен, мөгаллимнәр - укыту, укучылар уку, иҗат итү дәрте белән янсын өчен, миңа төп белемемнән тыш мәгарифтә менеджмент юнәлешендә алган өстәмә белемем, тарих укытучысы булып эшләвем дә ярдәм итте. Хезмәтемнең нәтиҗәсен үзем җитәкләгән коллектив уңышларында күрдем: 4 ай эчендә гимназиягә ремонт ясау; «Татарстан Республикасы муниципаль бюджет гомуми белем бирү оешмаларында туган телдә белем бирүнең иң яхшы тәҗрибәләре» республика бәйгесендә җиңү; коллективымдагы укытучыларның тәҗрибәләрен үстерү, ягъни «2020 елның иң яхшы психологы», «Иң яхшы татар теле укытучысы», «Укытучы-эксперт», «Ин дус сыйныф» бәйгеләрендә җиңү һәм истәлекле бүләкләргә ия булу. Моннан тыш гимназиянең укыту-тәрбия системасы эшчәнлеге белән танышу өчен, безгә Татарстан Республикасы Президенты Рөстәм Миннеханов, Дәүләт Советы Рәисе Фәрит Мөхәммәтшин, Татарстан Республикасы Мәгариф һәм фән министры Рөстәм Һадиуллин эшлекле визит белән килде.

Бүгенге вәзгыять һәр кешенең туган иленә, халкына мөнәсәбәтеннән туа. Йөз елдан артык тарихка ия гимназия - илгә файда күрсәтүче меңләгән укучылар тәрбияләп үстергән уку йорты . Гимназияне тәмамлаган укучылар танылган спортсменнар, сәнгать әһелләре, дәүләт эшлекләре, төрле һөнәр ияләре булсалар да , үз гимназияләренә, укытучыларына рәхмәтле була белүләре белән матурлар. Мин шул матурлык тәрбияләүнең дәвамчысы, шуңа күрә замананың авыр йөген үз җилкәмә алырга курыкмыйм, чөнки минем барыр юлым матурлыкка тоташа”.

Матур гамәлләре белән гимназия тарихын бизәгән директорыбыз Айдар Хәкимҗан улына без бик рәхмәтле. Гимназия директоры вазифасын үз җилкәсенә алган Набиуллина Лиза Рихман кызына җаваплы хезмәтендә уңышлар, гимназия традицияләрен дәвам итеп, уртак көч белән мәктәбебезнең яңа матур үрләр яулавын телибез.