Кошлар - безнең дусларыбыз.
Кошлар, кошлар… Алар белән яңа өметләр, яңа хыяллар күңелдә туа. Яз җитүен барыбыз да көтеп алабыз. Без генә түгел, канатлы дусларыбыз да язны сагына. Җылы яклардан кайтучы кошкайларны без дә көтәбез.
Бөре чуклары белән,
Сыерчыклары белән
Яз килә,яз килә.
Яз тәрәзәдән көлә,
Яз ишекләрдән керә.
Яз ләйсән булып ява,
Язны һәркем ярата.
 

Уен мәктәпкәчә яшьтәге бала тормышында мөһим урын алып тора. Аның ярдәмендә бала шәхес булып формалаша. Уйнаганда балалар үзара дуслаша, мөстәкыйль эш итә, үзләренең уйларын гамәлгә ашыра, дөньяны танып белергә өйрәнә. Зурлар, мәктәпкә әзерлек төркеме балалары төрле конструкторлар белән яратып уйныйлар.
 

Тиенкәй" балалар бакчасында Әниләр бәйрәме булып узды.
Балалар бәйрәмгә бик зур кызыксыну белән әзерләнде , шулай ук әниләренә бүләккә үзләренең кул эшләрен әзерләделәр.
Бәйрәм чарасы бик матур башланды. . Балалар әни турында бик матур җырлар башкардылар, шигырьләр сөйләделәр.
Бәйрәм чарасы бик матур һәм күңелле үтте. Һәрвакыт шулай әниләребезне шундый чаралар белән сөендереп торыйк.
Һәрбер анага да балаларының уңышларына куанып, озын гомер кичерергә язсын.
Нигә бүген бөтен җирдә
Чәчәкләр балкый бездә,
Нигә кояш көлеп карый,
Беләбез һәммәбездә.
Бүген- әниләр бәйрәме,
Бүген җирдә тантана.
Кояш шуңа көлә бүген,
Гөлләр шуңа шатлана

Бүген «Тиенкәй” балалар бакчасында юхди хезмәткәрләре Мурзакова Сириня Масхудовна, Сергудаева Анна Вячеславовна кунакта булдылар. Тәрбияче Халикова Светлана Гариковна зурлар төркеменә йөрүче балалар белән “Крокодил Генага кунакка” дигән исемле дәрес күрсәтте. Сергудаева Анна Вячеславовна балаларга юл йөрү кагыйдәләре буенча әңгәмә үткәрде, шулай ук узләренең бүләкләрен тапшырдылар, кунакларыбыз кәнагәть булып кабат очрашырбыз дип саубуллаштылар.

.

"Тиенкәй" балалар бакчасында Ватанны саклаучылар көненә карата "Әтием -минем терәгем" дигән темага бәйрәм иртәсе булды.
Балара бу бәйрәмдә бик теләп әзерләнделәр, шигырьләр сөйләделәр, җырлар җырладылар. Ә инде малайларның "моряк" биюләрен әтиләре бик яратып кабул иттеләр. Балалар үз куллары белән ясаган бүләкләрне алга бик шатландылыр. Бәйрәмнән һәркем кәнагать кайтып китте.
 

 "Тиенкәй "балалар бакчасы балалары, музыка җитәкчесе Кадыйрова А.С. җитәкчелегендә , район күләм балалар бакчалары арасында үткәрелгән "Созвездие-Йолдызлык - 2019" бәйгесендә катнаштылар. Чын күңелдән котлыйбыз,киләчәктә уңышлар теләп калабыз.

Безнең балалар шашка уйнарга да яраталар. Бу уен төре логик фикер йөртүне арттыра.
 

Муса Җәлил - бөек шагыйрь
Шагыйрь җыры – ялкынлы җыр,
Һичбер кайчан сүнмәс җыр.
Ил-халкымның батыр улы –
Җәлил үзе – үлмәс җыр!
Татар халкының патриот шагыйре Муса Җәлилнең әсәрләренә кызыксыну уяту, аның шигырьләренең бөеклегенә төшендерү, туган илгә мәхәббәт тәрбияләү, авырлыкларга бирешмичә җиңеп чыгарга күнектерү, ихтыяр көчен тәрбияләү өстендә эшне дәвам итү максатыннан "Муса Җәлил - бөек шагыйрь" атналыгы үткәрелде.
 

Юлда йөрү кагыйдәләрен һәрдаим искә төшереп тору һәм аларны төгәл үтәү - безнең бурычыбыз. Һәрберебезгә дә имин юллар.
 

Логик фикерләүгә ирешү – бик озак һәм катлаулы процесс. Ул баладан зур акыл эшчәнлеге, предметлар һәм күренешләрнең гомуми һәм аермалы билгеләрен белүне таләп итә.Математика белем бирү эшчәнлегендә төрле уеннар куллану балаларда чиксез уңай эмоцияләр тудыра, математикадан белемнәрне арттырырга,ныгытырга ярдәм итә.