Районыбыз мәктәбендә “Туган телләр һәм Халык бердәмлеге” елы уңаенннан республика фестивале узды.Бу фестивальдә безнең “Тиенкәй” балалар бакчасы да катнашты. “ Тиенкәй кызлары”  Вокаль ансамбль номинациясендә 3 нче урынга лаек булдылар.

“Фликер балаларга –иң  яхшы дус”. Фликер - яктылыкны кире кайтаручы әйбер. Ул юлдагы җәяүлене яисә баланы коткарып кала ала. Яктылык җитәрлек булмаган шартларда күренеп торуны тәэмин итеп, яктылык кайтаргыч транспорт йөри торган юлда үзеңне күрсәтүнең бердәнбер ысулы, дияргә дә мөмкин.

-Килегез,кил,кошкайлар.

Сез бит безнең дускайлар.

Бакчабызга куныгыз,

Көн дә кунак булыгыз.

-Чыпчык,чыпчык-чык-чырык,

Җим сиптем,кил тиз очып!

Безнең бакчада һәрдаим юл йөрү кагыйдәләренә багышланган чаралар, төрле күңел ачу кичәләре, рәсем бәйгеләре үткәрелә.

Йолдыз-йолдыз вак кына,

Ак мамык сымак кына.

Өс киеменә куна,

Тәнгә тисә су була.

Кечкенәләр төркеменә йөрүче балалар рәсем эшчәнлегендә кар бөртекләрен ясадылар.

Әни – җирдә иң газиз, иң якын кеше, чөнки ул сине тудырган, күкрәк сөтен имезгән, җыр көйләп бишектә тибрәткән, беренче елмаюыңны күреп куанган, туган телне өйрәткән, халык моңын күңелеңә сеңдергән. Әниләрнең сиңа кылган  изгелеген санап бетерү мөмкинме соң?

    Көннең яктылыгы-кояшта, күкнең матурлыгы-йолдызларда, җирнең гүзәллеге-хатын-кызларда. Сезне бөтен җир йөзен бизәгән Әниләр бәйрәме белән тәбриклибез. Кадерлик без әниләрне, олылыйк! Аларның канатлары каерылмасын, тормыш авырлыкларыннан иңнәре сыгылып төшмәсен! Хатын-кыз һәрвакытта да хатын-кыз булып калсын!

Рәхмәт, әнкәй, гомер бирүеңә,

Төн йокыларыңны бүлүеңә.

Безгә нык канатлар куюыңа,

Ышанычлы терәк булуыңа.

Бүген бакчабызда ,ике төркемдә дә Әниләр бәйрәме узды. Балалар үзләренең матур күлмәкләрен киеп шигырьләрен,җырларын,биюләрен күрсәттеләр.Бәйрәм матур үтте.

Балалар кышкы вакытны бик яраталар. Кыш көне бик күп төрле, кызыклы шөгыльләр һәм уеннар уйлап табарга була бит. Кыш көне балаларның иң яраткан шөгыле-юеш кардан  кар бабай ясау, күп кар табу һәм ишегалдында зур тау ясау. Урамнар кар белән күмелде, балалар  рәхәтләнеп кышкы сәяхәткә чыга.  Куллары белән кар сибәсе,кар көртләрен тотасы,  кар белән уйныйсылары  килә.  Өлкән төркем тәрбияләнүчеләр тәрбияче апалары белән   Кар бабайны  ясап куйдылар. Балалар уртак эшләре белән бик канәгать калдылар.

Кояш чыккач,нурга чумгач

Урам,кырлар, болыннар

Сөенеп бакчага киләбез

Без бәхетле балалар.

Бүген “Сак бул, юка боз”, “Сулыкта үзеңне ничек тотарга” дип исемләнгән слайдлар ярдәмендә әңгәмә үткәрелде. Балаларга сулыкларда, бозда үз-үзеңне тоту кагыйдәләре турында аңлатылды. Төрле рәсемнәр ясалды.  Боз өстендә бәхетсезлеккә очрамыйк, куркыныч урыннарда сак булыйк.