Ерак җирне якын итеп

Кошманыбызга килгәнсез.

"Тиенкәй" исемле бакчабызны

Күреп китик дигәнсез.

"Тиенкәй" балалар бакчабыз кунаклар кабул итте.Татарстан Республикасы Президенты каршындагы Татар телен саклау һәм үстерү мәсьәләләре комиссиясе рәисе Марат Әхмәтов, районыбыз җитәкчесе Альберт Рәхмәтуллин һәм башка җитәкчеләр килде. Балаларыбыз кунакларга шигырьләр,җырлар җырладылар.Марат Әхмәтов балаларга бүләкләр дә тапшырды.

Февраль аеның кояшлы матур көнендә патриот шагыйребез Муса Җәлилнең туган көнен билгеләп үтәбез.

Каның белән язган җырларыңны
Тетрәп укый сине бөтен җир,
Буыннардан буыннарга килер,
Мәңге үлмәс, Муса, синең җыр!

Зурлар төркемендә, татар халык көнкүреш җиһазлары белән таныштыру узды.

Без суыктан курыкмыйбыз, бүген саф һавага чыктык.Кечкенәләр төркеме кыш турында белемнәрен тирәнәйттеләр,Кышкы табигатьнең матурлыгын күзәттеләр.

Суыктан без курыкмыйбыз,

Рәхәтләнеп уйныйбыз.

Кар бөртекләрен куып,

Уйнаудан һич туймыйбыз.

Бүлмә гөлләренең узләренә генә хас үзенчәлекләре буенча  , бер-берсеннән аерырга,аларның әһәмиятен , бүлмә гөлләренә карата сак караш тәрбияләү йөзеннән буген өлкәннәр төркемендә дәрес үтте. Балалар гөлләр турында белемнәрен ныгыттылар.

Татарстан Республикасында яшәүче халыкларның телләрен, мәдәниятен, гореф-гадәтләрен саклау һәм үстерү, республиканың күпмилләтле халкының бердәмлеген ныгыту максатыннан, 2021 нче ел туган телләр һәм халыклар бердәмлеге елы дип игълан ителде.” Тиенкәй” балалар бакчасында Туган тел елына багышланган планның беренче  эш төре “Татарстан Республикасы халыкларының  гореф- гадәтләре, йолалары,мәдәнияте” дигән темага зурлар, мәктәпкә әзерлек төркеме балалары белән әңгәмә үткәрелде

Тәрбиячеләрнең һөнәри осталыгына бәя бирүче “ Ел – тәрбиячесе- 2021” конкурсы башланып китте. Аның беренче туры балалар бакчасында үткәрелде, ә бүген 21 нче гыйнвар көнне Кайбыч  балалар  бакчасында конкурсның район этабы узды. Бу конкурста “ Тиенкәй” балалар бакчасы тәрбиячесе Насретдинова Диләрә Марат кызы   I нче урынны яулады. КОТЛЫЙБЫЗ!!!

Аңа әле алда зур сынаулар көтә. Зууур уңышлар теләп калабыз.

Балаларның һәрьяклап үсешендә дидактик уеннарның әһәмияте бик зур. Уен – баланың тормышка әзерләнү күнекмәсе ул, уен – ул белем һәм тәрбия чыганагы. Шул ук вакытта дидактик уен тирә – юньне танып, иҗади күзалларга , фикерләргә дә өйрәтә торган чыганак. Уенда балалар болар белән генә чикләшмичә, предметның төсен, формасын, тәмен, сыйфатын,, зурлыгын, нинди материалдан ясалганлыгын да ачыклыйлар.

Шөгыльләрдә, режим моментларында уеннарны еш куллану нәтиҗәсендә балалар физик һәм психик яктан ару – талуны сизмиләр, пассив балалар активлаша, ә хәрәкәтчәннәре тынычлана.

Безнең бакчабызның һәр төркемендә дидиктик уеннар балаларның яшь  үзенчәлекләренә, сөйләм теленең үсешенә, логик фикерләү, уйлау сәләтләренә карап урнаштырылган . Уен өчен уңайлы шартлар да тудырылган.

Без бүген чыршы янында

 Әйлән –бәйлән уйнадык.

 Кыш бабайны каршылап,

  Яңа җырлар җырларбыз.

    Кечкенәләр төркемендә Яңа ел иртәсе булды. Кыш бабай, Кар кызы, Кар әби һәм Куян балалар белән бергә рәхәтләнеп күңел ачтылар, тәмле-тәмле бүләкләр өләштеләр.