Алсу гөлләргә күмелгән

Безнең тирә-як.

Гүзәл гөлләрдән дә гүзәл

Безнең балачак... (Х.Вахит)

Балаларны яклау көне уңаеннан, безнең балалар бакчасында "Бәхетле балачак" дип исемләнгән күңелле чара үткәрелде. Әлеге чараны тәрбиячеләр саф һавада, кызыклы һәм мавыктыргыч итеп үткәрергә тырыштылар. Төрле уеннар, биремнәр аша балаларның белемнәрен тикшерделәр, төрле кызык хәлләрдән чыгу юлын эзләделәр. 

Безнең балалар бакчасында чыгарылыш кичэсе булып узды. Бәйрәм балалар, мөгаллимнәр, ата-аналар күңелендә матур мизгелләр калдыра. Балаларның бәйрәмдә катнашулары, шигырьләр сөйләве, җырлавы, килешле итеп вальс әйләнүләре һәркемнең күңеленә хуш килә. Балалар үзләрен уңган, зирәк, акыллы итеп таныталар. Сөенечле, моңсу мизгелләр күп булды бәйрәмдә. Әти-әниләр бакчабызга, тәрбиячеләргә, мөгалимнәргә һәм барча бакчабыз хезмәткәрләренә карата матур җылы сүзләр, теләкләр җиткерделәр. Бүген без бакчабызның мәктәпкәчә яшьтәге балаларын тормышның янә бер баскычына күтәрәбез - мәктәпкә озатабыз, һәм киләчәктә дә алар белән горурланырбыз, дип бәйрәмне йомгакладык без.

"Тапкырлар һәм зирәкләр"

Тел дигән дәрья бар

Дәрья төбендә мәрҗән бар,

Белгәннәр чумып алыр,

Белмәгәннәр коры калыр.

Зурлар төркемендә ,ике команда арасында ярыш үткәрелде.

Бакчабызның кечкенәләр  төркемендә тәрбияләнүче Хикматуллина Камиля Шамил кызы, тәрбияче Насретдинова Диләрә Марат кызы җитәкчелегендә, " Гаилә һәм мәктәп" журналы редакциясе КФУ белән берлектә бәйге игълан итте. Камиля бу бәйгедә катнашып Сертификат  алды. Әфәрин , котлыйбыз!!!

Җиңү көне - Халык тантанасы,

Яз теренгән янар кочакка.

Җир чәчәкләр тергән күкрәгенә

Йөз балкытып карый кояшка.

Җиңү көне хакында балалар белән әңгәмә уздырдык һәм рәсем ясадык.

"И туган тел, и матур тел, әткәм-әнкәмнең теле

Дөньяда күп нәрсә белдем син туган тел аркылы.

Г.Тукай

Татар халкының бөек шагыйре Г.Тукайның туган көне уңаеннан, безнең балалар бакчасында," Без Тукай оныклары" дип аталган шигырь бәйгесе үткәрелде. Бәйге алдыннан, аның тормыш юлы, иҗаты белән таныштыру эшен  дәвам итү,аның күпкырлы иҗатына мәхәббәт тәрбияләү төп максат итеп алынды.Аның әкиятләренә,шигырьләренә карата рәсем , кул эшләре күргәзмәләре оештырылды.

19 нчы апрель- Районыбыз оешканга 30 ел булды.  Шул уңайдан бүген кечкенәләр төркемендә "Кайбычым  минем туган ягым!" темасына матур шөгыль үтте. Тәрбияче Насретдинова Д.М. Кайбыч тарихы белән таныштырды. Балалар  "Язмышым син, Кайбычым " җырын җырладылар.

Котлыйбыз сине, Кайбычым!

Чисталык безнең ишек алдыннан башлана.

Бездә бүген кунакта Буа районыннан  территориаль җитәкчелегенең алдынгы белгече Мурзакова Сиринә Мәсхүт кызы булды. Ул балаларга юл йөрү кагыйдәләре буенча тест үткәрде. Юл билгеләре һәм юлда йөргәндә үз-үзеңне тоту кагыйдәләре турында әңгәмә алып барды.Балаларның белемнәрен тикшереп карады. Балалар сынатмадылар, сорауларга дөрес җавап кайтардылар. Кунагыбыз буш кул белән килмәгән,китаплар бүләк итте.Без Сиринә Мәсхүт кызына зур рэхмэт әйтәбез һәм тагын очрашулар көтеп калабыз!

Космонавтика көне

Безнең бакчабызда бүген- космонавтика көне билгеләп үтелде. Безнең җир шары- зур түгәрәк формада, анда елга- күлләргә,диңгез- океаннарга, тауларга,болыннарга, урман-кырларга бик күп урын җиткән. 1961 нче елның 12 нче апрелендә совет космонавты Юрий Гагарин “Восток-1” космик корабында “Байконур” космодромыннан старт алган һәм дөньяда беренче булып Җир шарын урап очкан.