Бакчабызның зурлар төркемендә “ Көз ахыры” – темасына  рәсем  шөгыле  үткәрелде. Балалар  белән көзге  табигать турында әңгәмә  уздырылды һәм аны рәсемдә чагылдырдылар. Аларның рәсемнәре бик эчтәлекле булды. Балалар  үз рәсемнәреннән канәгать калдылар.

«Салават күпере» журналы балалар күңеленә милли орлыклар чәчүче журнал ул. Без дә кечкенә чактан ук «Салават күпере» журналын укып үстек. Журналның матур бизәлеше безне үзенә тартып тора иде. Бала чактан әкиятләрне, мәзәкләрне, шигырьләрне укырга бик ярата идек. Ә инде бигрәктә күңелгә кагылганы биремнәр битендәге рәсемнәрдән аермаларны табу иде. Без ярыша, ярыша аермалар эзли идек.  Хәзерге көндә дә журнал белән бергә атлыйбыз. Балалар тәрбияләүдә, эшебездә кулланабыз. Журналдагы сәхифәләр аша балалар дөньяны танып белергә өйрәнәләр. Кызыклы бәйгеләрендә катнашалар. Шулай ук журналның сюрпризлы уенчыгы да балаларны җәлеп итә. Җырларын өйрәнәбез.”Салават күпере “журналын көтеп алабыз.

Балаларда спортка карата уңай караш,сәламәт яшәү рәвеше тәрбияләү,сәламәтлек өчен файдалы һәм кызыклы эшчәнлеккә өстенлек бирү омтылышы булдыру.

“Халыклар бердәмлеге көне” бәйрәме алдыннан өлкәннәр төркемендә балаларның туган яклары, үзләре яшәгән ил турында күзаллауларын киңәйтү максатыннан “Халыклар бердәмлеге көне”дип исемләнгән  чара үткәрелде. Рус теленә өйрәтүче тәрбияче  Халикова Светлана балаларга  бәйрәмнең тарихын сөйләде. Дидактик уеннар уйнап, алар илебезнең төп символлары турында белемнәрен ныгытты,шигырьләр укыды, Туган ил турында җыр тыңланды.

Бакчабызда әти-әниләр җыелышы үткәрелде. Тема:  “Гомуми үстерелешле балалар бакчасында 2022-2023 нче уку елына алынган бурычлар.” 

Бакчабызның өлкән төркем балалары әти-әниләре берлегендә Канатлы дусларыбыз өчен берсеннән-берсе матур җимлекләр ясадылар. Күгебез аяз, илләребез тыныч булсын!!!

“Сәйяр” балалар һәм яшүсмер театрлары республика фестиваленең муниципаль этабына нәтиҗәләр ясалды. Безнең “Тиенкәй” балалар бакчасы 1 нче урында. Бу балаларыбызның уңышы, җитәкчесе тәрбияче Салахова Ильхамия Галим кызы. Котлыйбыз!!!

Уңыш җыелды,

Аккошлар китте

Матур көз ае

Килеп тә җитте.

Бакчабызның кечкенәләр төркемендә бик күңелле генә уңыш бәйрәме үткәрелде.Балалар җырладылар, биеделәр, шигырьләр сөйләделәр.

Бакчабызда җырлы-биюле көз бәйрәме булып үтте.Максатыбыз:балаларга табигатьтәге көзге үзгәрешләр,көзге  уңыш  турында мәгьлүмат бирү яшелчәләр турында белемнәрен ныгыту, балаларда бәйрәмдә  катнашу, җырлау,бию теләген уяту.

Балаларның сөйләм телен  шомартуда театр уйнау зур урын алып тора. Уен аша балаларның сөйләм теле камилләшә,баей. Ә әкиятләрне уйнау баланың төрле яктан үсешен  белем өлкәләре интеграциясе аша тормышка ашыра. Аларның сөйләм теле үсә,дикцияләре, интонация белән уйнарга өйрәнәләр.