“ Минем гаиләм-минем байлыгым!”- дип аталган, кечкенәләр төркемендә әңгәмә үтте.Балалар үз гаиләләре турында сөйләп,күрсәтеп, горурланып һәм сөенеп мәгьлүмат бирделәр. Уеннар вакытында да бу күренеш дәвам итте. Чыннан да гаилә, һәр кеше өчен иң зур байлык икән дип әйтеп була. Тәрбияче: Салахова И.Г.

Табигать ул-  безнең  туган йортыбыз.  Менә без бүген дә саф һавада. Көн салкынча, матур кар яуды. Күңелләр күтәренке. Тәрбияче: Халикова С.Г.

Режим моментында  кечкенәләр төркеме балалары төп төсләрне кабатладылар һәм ныгыттылар.                                                                                                                                 Тәрбияче: Насретдинова Д.М.

Кечкенәләр төркемендә дә бик күркәм бәйрәм узды. Шигырьләр сөйләделәр, җыр җырладылар, яфраклар белән бию биеделәр. Хәрвакыт бәйрәмнәребез шулай тыныч,матур үтсен!

Бүген без халкыбызның иң гүзәл бәйрәмнәрнең берсе- “Сөмбелә” бәйрәмен уздырдык. Елның сихри фасылында ,көн белән төн тигезләшкән мәлдә, татар  халкы Сөмбелә бәйрәмен үткәргән. Ул-көзге бәйрәм,уңыш бәйрәме  Сөмбелә “башак” дигән сүз. Җитен чәчле,зәңгәр күзле,зифа буйлы, сүзгә тапкыр,эшкә уңган кызны Сөмбелә дигәннәр. Әлеге бәйрәмдә балалар көз фасылының матурлыгы, мул уңышлары,көзге байлык турында шигырьләр сөйләделәр,җырлар җырладылар, табышмакларга җаваплар таптылар, кызыклы уеннар уйнадылар.Бәйрәм бик күңелле узды.

Көзнең икенче ае- октябрь. Матур кояшлы көн. Балалар белән бергәләп  табигатьтәге узгәрешләрне күзәтәбез.

Балаларның логик фикерләвен,танып-белүне үстерү сабый вакыттан ук башлана. Кечкенәләр төркеме балалары да бик кызыксынып, өстәл уеннары белән таныша. Өстәл уеннары- балаларны уйланырга, эзләнергә,фикер тупларга тормышта кулланырга өйрәтә.

Зурлар төркемендә әвәләү шөгыле. Пластилин белән дөрес итеп эшләргә өйрәнүне дәвам итәбез. Җылытабыз,бүләбез, түгәрәкләр ясыйбыз.

Кечкенәләр төркемендә  форманы аерырга, зур-кечкенә, тар- киң, бөек-тәбәнәк  төшенчәләрен геометрик фигураларны  өйрәнә башлыйбыз. Моның өчен иң кулай адым – уен.