9-11 сыйныф укучылары өчен 8 март бәйрәме уңаеннан "Уңган кызлар" бәйгесе уздырылды. Әлеге кичәдә 9 һәм 11 сыйныф кызлары көч сынашты. Егетләребез кызларны бәйрәм белән котлап матур җырлар, кызыклы скетчлар куйдылар. Кичәнең икенче өлешендә бәйрәм дискәтүге оештырылды.

Мәктәптә һөнәр сайлау юнәлешендә күп эш алып барыла. Төрле профессия кешеләре белән очрашулар, экскурсияләр еш оештырыла. Шундый оччрашуларның берсе Яңгул авылында урнашкан мөгезле эре терлек фермасында узды. Укучылар биредә эшләүчеләр, фермадагы эш тәртибе, төрле техника белән таныштылар.

Оборона- масса һәм спорт айлыгы кысаларында мәктәп күләмендә "Әти, әни һәм мин- спорт сөюче гаилә" дип исемләнгән гаилә бәйрәме узды. Бәйрәм саф һавада үтте. Гаиләләр  спортта үзләрен сынап карадылар. Шул ук вакытта килгән кунаклар самоварь чәе белән кайнар коймактан да авыз иттеләр. Ярышта катнашкан гаиләләргә мәктәп грамоталары тапшырылды.

Мәктәбебез укучылары һәм укытучылары район күләмендә ГТО нормалары тапшырдылар.

Район күләмендә Алмаз Нотфуллин истәлегенә татарча көрәш ярышы оештырылды. Әлеге ярышта мәктәбебезнең көрәшчеләр командасы катнашты һәм район командалары арасында 1 урынны яулады. Молодцы, егетләр! Алга табада сынатмагыз!

Хыял" балалар оешмасында "Ватанны саклаучылар" көне уңаеннан "Бәйрәм белән!" дигән кичә үткәрелде. Кичәне 8 сыйныф укучылары оештырды. Кызлар егетләребез өчен бик матур концерт куйдылар. Икенче өлештә егетләр өчен кызыклы ярышлар уздырылды. Бәйрәм бик күңелле узды. Бәйрәмнәр белән сезне, ир-егетләр!

Мәктәптә оборона-масса һәм спорт айлыгы кысаларында армия сафларында хезмәт итеп кайткан, мәктәбебезнең элекеге укучысы, Рәдиф Назипов белән очрашу уздырылды. Рәдиф укучыларга бүгенге кондә армия сафларында хезмәт итүнең әһәмияте турында сөйләде. "Физик әзерлегең көчле булса,армия хезмәтенең бер авырлыгы да юк"- ди ул. Очрашу ахырында укучыларны кызыксындырган сорауларга җаваплар бирде.

21 февраль- туган тел көне буларак билгеләп үтелә. Әлеге уңайдан бүген мәктәптә күп кенә чаралар узды. Иртән һәр сыйныфта туган телебезгә багышланган "Туган телем-иркә гөлем" дип исемләнгән әңгәмәләр үткәрелде, 5 һәм 6 сыйныф укучылары арасында "Үз телеңне беләсеңме?" исемле КВН да оешкан төстә үтте. Башлангыч сыйныф укучылары арасында узган әкиятчеләр конкурсы  укучыларыбызның туган телләрен яратуларына ачык бер мисал.

Мәктәп күләмендә традицион аҗаган уены узды. Әлеге көн мәктәптә чын бәйрәм төсе алды. Иртәдән үк мәш килеп ярышларга әзерләнгән укучыларга карап укытучылар да үзләренең мәктәп елларын искә алдылар. Аҗаган  строевой җыр конкурсы белән башланып китте. Аннары уенның иң күңелле моменты, серле пакет эзләү башланды. Һәр сыйныф махсус карта буенча хәрәкәт итеп яшерелгән пакетны табып, анда язылган биремне үтәргә ашыкты. Укучыларыбыз беренче медицина ярдәме күрсәтү, противогаз кию, пожар куркынычсызлыгы, интеллектуаль ярыш, отжимание ясау, граната ату кебек ярышларны да уңышлы уздылар. Уен ахырында урыннар билгеләнде, җиңүчеләргә мәктәп грамоталары тапшырылды.

2001-2002 нче яшүсмерләр арасында Татарстан  күләмендә "Сабантуй" газетасы призына татарча көрәш бәйгесе узды. Әлеге ярышта районыбыз командасы катнашты. Команда составында мәктәбебез укучысы Хабибуллин Руфил дә бар иде. Бу ярышта ул матур көрәш үрнәкләре күрсәтеп беренче урынны яулады. Молодец!