Лагерьда "Үрнәк кыз һәм малай" конкурсы узды. Биредә төрле ярышларда балалар үзләрен сынап карадылар. Җиңүчеләргә дипломнар  истәлекле бүләкләр тапшырылды.

Авылыбызның матур урыннарына экскурсияләргә яратып йөрибез. Бүген Югары оч тавына сәяхәт кылдык.  Тау итәгендә урнашкан "Касыйм"коесы янында җыелып фотога да төштек әле.

Лагерьда экология көне узды. Әлеге уңайдан табигать кочагында "Экологик поезд" уены уздырылды. Ярышта 3 отряд ярышты. Һәр ярышны уңышлы үтеп 3нче отряд 1 урынны яулады.

Без лагерьда  көнебезне уйнап кына уздырмыйбыз, ә һәр фән буенча белемнәребезне дә устерәбез. Кызыклы уеннар, конкурслар  аша фән олимпиадаларына әзерлек алып барабыз.

Лагерьда әкиятләр көне узды.  "Әкиятләр яратабыз" дип исемләнгән викторинада, "без артистлар" исемле конкурсларда барлык балалар да катнашты.Сәхнәдә  "Шалкан", "Йомры икмәк", "Су анасы"  әкиятләре куелды.

Бүген лагерьда музейлар көне узды. Укучылар мәктәбебез музеенда булдылар. Биредә алар авыл тарихы белән таныштылар.

"Кояшкай" ял лагере үзенең эшчәнлеген дәвам итә. Бүген Яңгул авылында урнашкан  пожарный депога экскурсия оештырылды. Биредә укучыларга пожар куркынычсызлыгы кагыйдәләре аңлатылды, әлеге бүлекнең эшчәнлеге белән таныштырылды.

"Кояшкай" мәктәп яны лагеренда 12 июнь-Россия көне уңаеннан күп кенә чаралар уздырылды. Укучыларга дәүләт символлары аңлатылды, Россия гимны өйрәтелде. "Детская общественная приемная" проектында эшләүче 11 сыйныф укучысы Ләйлә Мубаракова укучыларга "Мин Росссия гражданины" дип исемләнгән квест уздырды.

Лагерьда җәйге аҗаган уеннары узды. 3 отряд төрле ярышларда көч сынаштылар, серле пакетлар эзләделәр.

Бүген "Кояшкай" лагеренда ял итүчеләр югары оч тавына экскурсиягә бардылар. Алар биредә урнашкан чишмә, аның тарихы белән таныштылар, фотоларга төштеләр.