9 һәм 11 сыйныф укучылары ОГЭ һәм ЕГЭлар тапшыралар. Бүген   9 сыйныфлар математикадан ОГЭ эшләделәр.

Лагерьда һөнәр сайлау юнәлешендә дә эш алып барыла. Бүген авылыбызда урнашкан "Ива мебель" фабрикасы белән танышу йөзеннән бирегә экскурсия оештырылды. Экскурсия вакытында  балалар фабрикада эшләнгән мебельләрне карадылар, аларны үрү тәртибе белән таныштылар.

Лагерьда ял итүчеләр өчен "Минута славы" уены уздырылды. Әлеге чарадла һәр укучы үзенең һөнәрен күрсәтте.

Бүген авыл китапханәсенә экскурсия оештырылды. Укучыларны китапханә белән таныштылар, кызыклы китаплар алдылар.

Бүген лагерьда ял итүчеләр өчен укучыларыбыз яратып уйный торган "Күңелле стартлар" уены уздырылды.  Ярыш отрядлар арасында үтте.

Лагерьда ял белән рәттән укучыларның белемнәрен ныгыту өстендә дә эшлиләр. Бу юнәлнштә эш кызыклы уеннар  аша алып барыла.

Бүген мәктәп янында "Кояшкай" ял лагеры үзенең эшен башлап җибәрде. Лагерьда 40 бала ял итәчәк.

1 июнь- балаларны яклау көне уңаеннан лагерьда кызыклы уеннар, рәсем конкурслары, әңгәмәләр уздырылды.

һәр ел саен традицион рәвештә мәктәп күләмендә җәяүле поход оештырыла. Быел ул 26 май көнне узды. Һәр сыйныф табигать кочагында учак ягып бәрәңге пешерде, чәй кайнатты.

Мәктәбебездә  "Соңгы кыңгырау" бәйрәме узды. Бәйрәм тантанасында җирле үзидарә башлыклары, колхоз рәисләре, лаеклы ялдагы укытучылар, әти-әниләр дә катнашты. Бәйрәмдә уку елы дәвамында спорт, сәнгать, уку өлкәсендә уңышка ирешкән укучыларга мәктәп грамоталары тапшырылды. Тантананы чыгарылыш сыйныф укучылары дәвам итте. Бәйрәм җыр-бию, эчтәлекле шигырь юллары белән үрелеп барды.Ахырдан 9 һәм 11 сыйныф укучылары өчен соңгы кыңгырау яңгырады.