Мәктәбебездә белем бәйрәме бик күңелле узды.

Бәйрәмгә кунакка килгән Маша белән Буратино да бәйрәм кичәсенә аерым бер ямь өстәделәр. 11 сыйныф укучылары көче белән әзерләнгән тантана җырлар, биюләр белән үрелеп барды. Мәктәпкә тәүге тапкыр укырга килгән беренче сыйныф укучылары да үзләренең матур чыгышлары белән әти-әниләрен, укытучыларны сөендерләр.

Белем бәйрәме көнне ветеран укытучыларны өйләренә барып котлау, чәчәк бәйләмнәре бүләк итү бездә матур бер традициягә әйләнде. "Хыял" балалар оешмасы әгъзалары һәр уку елында бу эшкә җаваплы карыйлар. Бәйрәмгә килә алмаган лаеклы ялдагы укытучыларның өйләренә барып котлаулар җиткерәләр, чәчкәләр бүләк итәләр.

Бәйрәм тантанасыннан соң сыйныфта тынычлык дәресләре узды. 

Мәктәптә яңа 2017-2018 уку елына әзерлек бара. Кабинетларда тәрәзәләр, идәннәр буялды, мебельләр төзекләндерелде. Мәктәп территориясе чүп үләннәреннән чистартылды.

Укучыларыбыз җәйге каникулларда. Кемдер лагерьларда ял итә, кемдер туганнарына кунакка китә, кемнәрдер өйләрендә әти-әниләренә ярдәм итә. Ә менә бер төркем укучыларыбыз Яңгул авылында урнашкан  эшмәкәр Галиуллин Рөстәмнең җиләк  җирендә хезмәт куя. Алар биредә чүп утыйлар, өлгергән җиләкләрне җыялар, эшләгән эшләре өчен һәр атна саен  хезмәт хакы алып баралар.

Мәктәбебезнең  22 укучысы 9 сыйныфны уңышлы гына тәмамлап кулларына аттестатлар алдылар.  Без аларны уңышлары белән котлыйбыз, сәламәтлек, ЕГЭларга тырышып әзерләнүләрен теләп калабыз.

Бүген 11 сыйныфның 8 укучысы мәктәп белән саубуллашты. Алар кулларына өлгергәнлек аттестатлары алып олы тормыш юлына аяк бастылар. Укучылар, киләчәктә сезгә бәхет-шатлык теләп калабыз. Хыялларыгыз тормышка ашсын!

Бүген сугыш батырларын искә алдык. Шул уңайдан авыл уртасына куелган обелискка һәм Советлар Союзы Герое Габдулла Гарифуллин каберенә чәчәкләр куйдык

"Кояшкай" лагеренда Сабантуй узды.Әлеге  бәйрәмдә авыл сабантуйларында уздырыла торган барлык ярышлар да оештырылды. Ярышларда катнашкан һәр бала бүләкле булды. Бәйрәм балаларга бик ошады.