Бөек Җиңүнең 72 еллыгы якынлашкан көннәрдә мәктәп күләмендә күп кенә чаралар уза. Шундыйларның берсе-һәйкәл янын  җыештыру өмәсе. Өмәдә 8нче һәм 10 сыйныф укучылары катнашты. Һәйкәл яны корган агачлардан, чүп үләннәрдән чистартылды.

Мәктәбебез бердәм рәвештә өмәгә чыкты.Укучыларыбыз һәм укытучыларыбыз көче белән мәктәп территориясе һәм мәктәпнең бакчасы чүп-чарлардан чистартылды.

Тормыш иминлеге нигезләре буенча бердәм ачык дәрес уздырылды. Әлеге дәрестә техника, юл йөрү кагыйдәләре аңлатылды. Яңгул пожар бүлекчәсе җитәкчесе Нияз Шамилевич пожар куркынычсызлыгы кагыдәләрен искә төшереп узды.

Мәктәбебез укучылары һәр ел саен "Марш парков" акциясендә теләп катнашалар. Бу уку елында да сыерчык оялары һәм фотографияләр конкурсында катнаштык һәм призлы урыннарыбыз да бар. Район күләмендә иң матур сыерчык оялары ясап, Салихов Илфар һәм Гарипова Әдиләләр  җиңүчеләр булдылар. Ә Мардян Ренат фотографияләр конкурсында җиңү яулады. Алар грамоталар һәм йомшак уенчыклар белән бүләкләнделәр.

Уку елы тәмамланырга санаулы гына көннәр калып бара. Уку елы ахырында мәктәбебез, традицион рәвештә, ел саен отчет концертлары куя. Концертның быелгысы "Ак күңелле килә каласы..." исеме астында узды. Сәхнәгә иң яхшы дип табылган номерлар гына чыкты..Концертта укучылар белән беррәттән укытучылар да катнашты. Күмәк биюләр, дәртле җырлар тамашачылар күңеленә хуш килде. Концерт алдыннан кул эшләреннән,пешкән ризыклардан ярминкә оештырылды.

"Детская общественная приемная" республикакүләм проетында эшләүче, мәктәбебезнең  11 сыйныф укучысы, Ләйлә Мубаракова әлеге проект эшчәнлеге буенча Мәскәүгә китте. Ул Татарстан командасы составында.

Шәфкатьлелек атналыгы кысаларында игелекле эшләр эшәвебезне дәвам итәбез. Борнак филиалы укучылары авылдашлары Зәлинә Шәмсетдинованың өенә хәл белергә бардылар.Алар кечкенә Зәлинә белән бергә фотоларга төштеләр, уеннар уйнадылар.

Мәктәптә укучыларга һөнәр сайларга ярдәм итү йөзеннән күп чаралар уздырыла. Шундый араларның берсе Борнак башлангыч мәктәбендә узды. Әлеге әңгәмә вакытында һәр профессиянең дә мактаулы һәм кирәкле икәнлегенә басым ясалды.

Кукмара районында 2000-2002 нче елгы егетләр һәм кызлар арасында армспорт буенча ярыш уздырылды. Әлеге  ярышта мәктәбебез укучылары  актив катнашты һәм призлы урыннар яуладылар. Менә безнең батырларыбыз: Сабиров Р.-1 урын, Ризванов И.-2 урын, Хабибуллин Р.-2 урын, Закиров Ф.-2 урын, Салахетдинова Э.-2 урын, Хабибуллина Ә.-3 урын, Кузнецов К.-2 урын, Свиридов А.-3 урын. Молодцы!

 Арчада, Г.Тукай мирасын өйрәнүгә багышланган, "Без Тукайлы халык" дип исемләнгән  6 нчы республикакуләм Г.Тукай укулары булып узды.Әлеге укуларда мәктәбебезнең татар теле һәм әдәбияты укытучысы Шарипова Роза Александровна катнашты һәм 2 призлы урынны яулады. Аңа авыр хезмәтендә уңышлар, сәламәтлек теләп калабыз.