Октябрь - хокук айлыгы уңаеннан мәктәп күләмендә, "Парламент дәресләре -2012"  положениясенә нигезләнеп, тәрбия чаралары планлаштырылды. Бүген башлангыч сыйныф укучылары белән Сафина Резеда(4 сыйныф җитәкчесе) "Минем хокукларым һәм бурычларым" темасына  тәрбия сәгате үткәрде.

3 октябрь көнне 3 сыйныфлар әби -бабаларын кунакка чакырдылар. Сыйныфтагы 6 малай күңелле ял кичәсе оештырдылар. Сыйныф җитәкчесе Ганиева Люция.

  2 октябрь көнне мәктәбебезгә ямь өстәп өлкән буын укытучылар һәм теххезмәткәрләр очрашуга килделәр. Укучылар Садриев  Равил абыйлары иҗат иткән сценарий буенча өлкәннәребезне бәйрәм белән котладылар. Җыр һәм бию, нәфис сүз белән үрелеп барган очрашу күңелле узды. Сәнгать мәктәбенең  "Баян" һәм "Гитара" түгәрәге җитәкчесе  Галиев Илнарның баянда уйнап җырлавы өлкәннәребезне яшьлек елларына алып кайтты.  

1-6 октябрь -" Яшь алмашлар " атналыгы үткәрелә. Бүген "Чәчәкләр патшалыгы" күргәзмәсе. Укучылар бик теләп катнаштылар.

Мәктәп  бакчасында  карлыган  төпләрен  арттырдык.Укучыларыбыз  бик  тырышып  эшләде.

Һәр җирдә бер хикмәт көтә,

Бүген гади көн түгел.

Бүген - Өлкәннәр бәйрәме,

Шуңа шатлана күңел, - дип башланып китте 2 сыйныфларда Өлкәннәр бәйрәме. Сыйныф җитәкчесе Борһанова Римма апалары белән бик матур шигыръләр, җырлар , биюләр өйрәнеп, көзге яфраклардан  эшләнгән композиция һәм ясалма чәчәкләр белән әби-бабайларын бәйрәм белән котладылар.  Бу очрашу  истәлеге өлкәннәрнең һәм укучыларның да күңелендә озак сакланыр.

29 сентябрь көнне  4 сыйныф укучылары , сыйныф җитәкчесе Сафина Резеда, "Бер яшьлектә, бер картлыкта" - Өлкәннәр көненә багышланган кичә үткәрделәр.Әбиләр тәмле бәлешләр  белән чәй эчә-эчә,  сорау -биремнәр үтәп, балаларының бәйрәм белән котлауларын тыңлап, изге теләкләрен җиткерделәр. 2 сәгать вакыт сизелми дә үтте.

Технология дәресләрендә, укытучылары  Төхфәтуллина Фәрдия җитәкчелегендә, 5-7 сыйныф кызлары чәчәк орлыклары җыеп, саклауга куйдылар.

Алар: 2сыйныф укучылары Борханов Әмир, Гатауллин Булат, 4 сыйныфтан Яруллин Инсаф, 10 сыйныфтан Шәрифуллина Илүзә.

24 нче сентябрь көнне 3 сыйныф укытучысы Ганиева Люция башлангыч сыйныф укучылары өчен  "Янгын куркынычсызлыгы кагыйдәләрен төгәл үтә" исеме астында тәрбия чарасы үздырды. Укучыларның элек алган белемнәре тирәнәйтелде, викторина үткәрелде һәм укучыларга рәсем конкурсына катнашу буенча өй эше бирелде.