15 февраль көнне 5-7 сыйныф укучылары авылыбызның бердән-бер сугыш ветераны Рәхим абый һәм сугыш елы балалары Мөхәммәтшин Таһир һәм Дания апа белән очрашты. Очрашуның темасы - "Патриотизм тамырлары" дип атала. Тарих һәм җәмгыять белеме укытучысы Садриев Равил илебез кичергән сугышлар һәм аларның афәте турында кереш сүзе белән ветераннарга сүз бирде. Укучылар өлкәннәрнең фикерләрен кызыксынынп тыңладылар һәм ватанны саклау - изге бурыч, дигән нәтиҗәгә килделәр.

14 нче февраль көнне Күәм урта мәктәбендә "Гашыйкләр көне" бәйрәме билгеләп үтелде. Егет-кызларга кызыклы сораулар бирелде, уеннар уйнатылды, һәр сыйныф бу уңайдан плакат чыгарды. Иң күп котлау открыткасы алучыларны билгеләдек. Бәйрәмне инглиз теле укытучылары Борханов Ф., Гайнетдинова А. алып барды.

"Татарстан Республикасында 2012 ел - тарихи-мәдәни мирас елы" уңаеннан республикакүләм эмблемалар конкурсының район этабында мәктәбебезнең 3 сыйныфтан Яруллин И., Муртазина Н., 5 сыйныфтан Хафизов Р., 6 сыйныфтан Ганиева Г., Хисмәтуллина З., 9 сыйныфтан Шәрифуллина И.ләрнең  эшләре призлы урын алып, республика этабына җибәрелделәр. 

12 нче февраль көнне Россия күләм чаңгы ярышы булып узды. Күәм урта мәктәбе укытучысы Борһанова Римма үз яшьтәшләре арасында I урын, Сафина Резеда II урын яуладылар. Котлыйбыз!

12 нче февраль көнне Югары Атыда авылы кубогына хоккей ярышы булып узды. Безнең команда III урынны яулады. Молодцы!  

11 нче февраль көнне Күәм урта мәктәбендә 1 нче сыйныф укучылары катнашында "Әлифба бәйрәме" булды. Бәйрәмдә әти-әниләр, 4 нче сыйныф укучылары, балалар бакчасының әзерлек төркемендәге балалар катнашты. Бәйрәм бик күңелле үтте. Сыйныф җитәкчесе Борһанова Р.Н.

2011 нче елның ноябрь аенда, информатика "КИТ - 2011" конкурсы үткәрелеп безнең мәктәптән 5-11 сыйныфлардан 22 укучы катнашты. Укучыларның нәтиҗәләре сөендерерлек.

5 нче сыйныф укучылары Сафин Инсаф, Хәбибуллин Айназ 107 балл җыеп районда беренче урын, 6 нчы сыйныф укучылары Фазылҗанова Гөлгенә 93 балл җыеп районда ике, Ганиева Гөлия 88 балл җыеп районда өченче, 7 нче сыйныф укучылары Хафизов Фәрит 78 балл җыеп районда ике, Сираҗиев нуршат 74 балл җыеп районда өч, 11 нче сыйныф укучысы Галиев Ильяс 61 балл җыеп районда икенче урынга лаек булдылар. Молодцы!

3 февраль көнне Күәм урта мәктәбендә традицион кичә - Студентлар белән очрашу булып үтте. Очрашуның максаты 11 нче сыйныфларны студент тормышы белән, уку йортлары белән таныштыру, һөнәр сайлауда юнәлеш бирү. Аралашу уен формасында, чәй табыны артында алып барылды. Мәктәп укучыларына һәм студентларга бәйрәм ошады

2 февральдән Күәм урта мәктәбе базасында "Әтнә районы Мәшгульлек үзәге" белән берлектә пенсионер яшендәге авыл халкы өчен компьютерга өйрәнү курслары башланып китте. 

2 нче февральдә Күәм урта мәктәбендә "Ел укытучысы - 2012" конкурсы үткәрелде. "Укытучының портфолиосы", "Мастер класс", "Дәрес презентациясе", "Педагогик ситуацияләр" этапларын уңышлы үтеп башлангыч сыйныф укытучысы Борханова Р.Н. җиңү яулады һәм район турының беренче этабына тәкъдим ителде.