1 февраль көнне башлангыч сыйныф укучылары һәм аларның әти-әниләре катнашында "Әти, әни, мин - спорт сөюче гаилә" бәйгесе узды. Спорт уеннары концерт номерлары белән аралашып узды. Гаиләләр төрле номинацияләрдә билгеләп үтелде, грамоталар белән бүләкләнде.

Аттестация нәтиҗәләреннән күренгәнчә, Күәм урта мәктәбеннән  3 укытучы (Хакимзянова Н.И., Садриев Р.М., Сөнгатова Г.З.) югары, 1 укытучы (Садриева А.Г.) беренче категорияләренә лаек булдылар, 1 укытучы (Зарипова Х.Х.) беренче категориягә расланды. Коллегаларны котлыйбыз!  Аларга иҗади уңышлар,сәламәтлек телибез.  

26 нчы гыйнвар көнне Гайнетдинова Алия 9 нчы сыйныф укучылары белән "Авылыбызның күренекле кешеләре" дигән темага ачык тәрбия сәгате үткәрде. Тәрбия сәгате гади хезмәт кешесенә ихтирам тәрбияләү үрнәге булды. Шулай ук укучылар күп төрле һөнәрләр белән танышып киттеләр. Презентация төзү һәм күрсәтү, күренекле кешеләрнең тормыш юлы, авылдышларыбызның хезмәттәге уңышлары белән таныштыру, шулай ук укучыларның фикерләрен үстерү, алдагы көнне күзалларга өйрәтү, максат кую кебек эш төрләре сайлаган сыйныф җитәкчесе Гайнетдинова А.Р.

26 нчы гыйнвар көнне Ганиева Люция 2 нче сыйныф укучылары белән татар теленнән "Сүз төркемнәре. Исем." темасына ачык дәрес үткәрде. Укытучы дәресне  презентация буенча алып барды: зирәклеккә бирем, матур язуга күнегү, рәсемгә карап сүзтезмә, җөмлә һәм хикәя төзү - гадидән катлаулыга үстерешле укыту методикасын кулланды. "Сүз төркеме. Исем" темасына укучылар үзләре кагыйдә чыгардылар.

22-23 нче гыйнварда мәктәп укучылары арасында  хоккей ярышы булып узды. Бәрәскә боз мәйданчыгында биш команда көч сынашты. Күәм командасы беренче урынга лаек булып, медальләр, грамота белән бүләкләнде. Егетләрне бу җиңүләре белән чын күңелебездән котлыйбыз. Аларга спортта һәм укуда зур уңышлар телибез. 

17 нче гыйнварда - Дусым авылында, 18 нче гыйнварда - Каенсар авылында, 19 нчы гыйнварда - Күәм авылындна ата-аналар җыелышлары булып узды. Җыелышларда ата-аналарның педаогик культурасын күтәрү буенча аерым темаларга лекциялар оештыру, алдынгы алымнарны өйрәнү, гаиләдә тәрбия эшенең фәнни алымнарын пропагандалау һәм бала тәрбияләү буенча ата-аналарның үз тәҗрибәсен уртаклашу уңышлы, отышлы чараларның берсе. "Бала тәрбияләүдә гаиләдә ата-аналарның роле" темасына Хәбибуллина А.М. чыгыш ясады. Укучыларның тәртибе, дәрескә йөреше, уку, өлгереш, сыйфат нәтиҗәләре анализланды.

17 нче гыйнвар көнне районның теш табибы Шагиев Тәлгать Мухаметгалиевич укучыларның тешләрен карау максатыннан профилактик чара үткәрде.

В Кубянской средней общеобразовательной школе с 16 по 21 января прошла неделя английского языка. Учащиеся были активными, старались участвовать во всех мероприятиях. За свои знания и умения награждались грамотами. Учителя английского яызка (Борханов Ф.Ф., айнетдинова А.Р.) провели различные конкурсы и соревнования для учащихся с 2 по 11 класса. Особенно запоминались мероприятия такие как: "Знаешь ли ты английский язык", "Конкурс стенгазет "Валентинки"". Из этой недели учащиеся остались довольными и в дальнейшем обещали изучать язык с интересом.

11 нче гыйнвар көнне 6-8 нче сыйныф укучылары "Табигать фәннәре" буенча район күләмендә үткәрелгән олимпиадада  катнаштылар. 6 нчы сыйныф укучысы Борханов Айваз 2 нче урынны яулады.

10 нчы гыйнвар көнне 6-8 нче сыйныф укучылары өчен районда "Рус теле һәм әдәбияты" фәннәре буенча олимпиада булды. Безнең мәктәп укучылар да бу олимпиада да актив катнаштылар. 6 нчы сыйныф укучысы Фазылҗанова Гөлгенә - рус теленнән 1 урын, (укытучы - Нәҗипова Г.Г.) алды. Котлыйбыз.