Республикакүләм "Будь бдительным на льду" рәсем конкурсының район этабында җиңүчеләрне котлыйбыз: Мухаметзянова Зөһрә (3 кл.) һәм Авхадиев Марсель (6 кл.). Шулай ук Хөснетдинова Зөһрә катнашучы грамотасы белән бүләкләнде. Котлыйбыз, укучылар! Уңышлар сезгә!

Бүген мәктәбебез укучылары прокурор урынбасары белән очрашты.

Бүген укытучылары быз коллективы Казанга, Камал театрында булып кайтты. "Мәхәббәт ФМ" дип аталучы спектакль һәрберебезнең күңеленә үтеп керде: җырлатты, елатты, елмайтты. 

Бүген мәктәбебез килгән кунаклардан, сату-алу атмосферасыннан гөрләп торды. Чөнки бүгендә бездә Әниләр көне уңаеннан ЯРМИНКӘ булып узды. Ярминкәдә кайбер сыйныфлар сату белән шөгыльләнсә, берничә сыйныф кафе ясап, кунакларында шунда кабул итте. Ярминкәдән соң сыйныфлар әниләрен өчен котлаулар һәм чәй эчү оештырдылар.

Бүген мәктәбебездә "Предпринимательство" дигән темага бердәм тәрбия сәгатьләре булып узды.Бу тәрбия сәгате дөньякүләм "Эшмәкәрлек атналыгы" кысаларында үткәрелде. Укучылар сыйныф җитәкчеләре белән эшмәкәрлелек кайчан ничек килеп чыккан, эшмэкэрнең нинди хокуклары һәм бурычлары бар, шул турыда әңгәмә алып бардылар.

Бүген мәктәбебездә зур очрашу булып узды. Очрашуга Әтнә районы БК каршындагы балалар хокукын яклау комиссиясе сәркатибе Наилә Бахаветдинова, ПДН инспекторы Дамир Хәдиев, район психологы Фазылҗанова Лидия һәм социаль үзәктән Алсу Марселевна килде. Очрашуның төп максаты: укучыларның хокук бозуларын профилактикалау.

 Арча педагогик көллиятендә уздырылган Россиякүләм башлангыч сыйныфлар арасында уздырылучы математика буенча олимпиадада 2 сыйныф укучысы Җиһаншина Ильгия призёр булды. Ильгия һәм аның укытучысы Зөлфия Гөмәровнаны җиңүләре белән чын күңелдән котлыйбыз! Киләчәктә дә зур уңышлар сезгә!

"Спорт- ул яшәү чыганагы! Спорт - ул сәламәтлеккә юл!" Бүген шушы лозунг астында мәктәбебездә укучылар һәм укытучылар арасында волейбол ярышы булып узды. Уенда катнашучы һәрбер кеше уңай һәм позитив энергия алуы шиксез.

Арча педагогик көллиятендә уздырылучы "Осення пора" Россиякүләм шигырь сөйләүчеләр конкурсында мәктәбебезнең 2 сыйныф укучысы Сәләхетдинов Раяз абсолют җиңүче булып билгеләнде һәм грамота белән бүләкләнде. Ул Роберт Миңнуллинның "Бәрәңге алышабыз" шигырен музыкаль бизәлеш астында сөйләде, "Бәрәңге" җырын җырлады. Раязга һәм аны әзерләгән җитәкчесе Зөлфия Гөмәровнага алда да зур уңышлар теләп калабыз! Зур җиңүегез белән сезне!   

Тышта ап-ак кар булуга карамастан, көз айлары әле дәвам итә. Бүген мәктәбебездә шаулатып-гөрләтеп "Уңыш бәйрәме"н уздырып җибәрдек. Бәйрәмебезгә кунакка "Мәңгәр" күмәк хуҗалыгы рәисе Айдар Шәрипов, авыл җирлеге башлыгы Вазыйх Хисматуллин килде.