Бүген Мәктәптән тыш эшләр үзәгендә "Пионериягә 95 яшь" дигән зур бәйрәм-чара булып узды. Бәйрәмгә күп еллар вожатый булып эшләгән мөхтәрәм тәрбиячеләр, һәрбер мәктәптән активист укучылар һәм тәрбия эше буенча директор урынбасарлары катнашты.

15 - 20 май аралыгында мәктәбебездә ВИЧ һәм СПИДка каршы профилактик чаралар уздырыла. Бүген һәрбер сыйныфның тәрбия сәгатьләре нәкъ шул темага багышланган иде. 

15 май - гаилә көне. Без аны үзебезнең мәктәбебездә дә билгеләп үттек: тәрбия сәгатьләрендә укучылар сыйныф җитәкчеләр ярдәме белән гаиләнең кеше гомерендә иң мөһим институт булуына төшенделәр; башлангыч сыйныфлар һәм аларның әти-әниләре катнашында "Мама, папа, я - спортивная семья" дигән девиз астында чара узды.

 Бүген "Ашыт" спорт һәм культура үзәгендә Республиканың Балалар оешмалары советы вәкилләре катнашында зур чара - "Форум Юных Граждан" булып узды. Бу чарага Әтнә районы мәктәпләреннән 100 якын укучы катнашты. Алар арасында безнең 8 сыйныф укучылары Мусин Марсель, Ахмадиев Гадел һәм Шакиров Риназ да бар. Бу форум кысаларында укучылар төрле тренингларга катнаштылар, бергә фикер алыштылар һәм форум ахырында үзләренең кызыксындырган сорауларын Фәрит Мансуровичка тәкъдим итеп җаваплар да алдылар.

Бүген 7 сыйныф җитәкчесе Рәзинә Харисовна укучылары белән ачык тәрбия сәгате уздырды. Тәрбия сәгатендә хайваннарның да хокуклары булуы турында сөйләшеп фикер алыштылар.

Проектлар яклау дәвам итә! Бүген 5-6 сыйныфлар үзләренең проектларын әти-әниләре, сыйныфташлары һәм укытучылары каршында якладылар. Иртәгә 3-4 сыйныфлар да проектлары белән таныштырачаклар. 

Бүген Олы Мәңгәр авылының һәйкәле янында Бөек Җиңү көненә багышланган митинг узды. Митингта укучыларыбыз һәм укытучыларыбыз "Үлемсез полк" (Бессмертный полк) акциясенә катнаштылар. 

Бүген мәктәбебез стадионы XI Спартакиада зачётына оештырылган футбол ярышына уенчыларны каршы алды.

Бүген Әтнә районы Мәктәптән тыш эшләр үзәгендә 2016-2017 уку елының нәтиҗәләренә багышланган зур педсовет утырышы узды. Педсоветта түгәрәк җитәкчеләре үзләренең эш нәтиҗәсен күрсәтте. Бию түгәрәгенә йөргән укучыларыбыз педсоветта "Катюша" биюе белән чыгыш ясадылар. "Кул эшләре" түгәрәген алып барган Хәйретдинова Алиянең укучылар белән бергә эшләгән кул эше 1 уенга лак булды.