Бүген мәктәбебездә тәрбия сәгатьләре әнә шул темага багышланган иде.

Бүген мәктәбебездә "Сыйныфлар дуслыгы" дип исемләнгән чара булып узды. Бу чарага 5 тән алып 9 сыйныфлар катнашты. Һәрбер сыйныф чарага 4 чыгыш әзерләргә тиеш иде: 1) Таныштыру 2) Күмәк җыр 3) Күмәк бию һәм 4) "Хыял мәктәбе" яисә "Киләчәк мәктәбе" дигән темага ирекле чыгыш. Чара укучыларны якыннанрак таныштыру өчен "Славянский базар" дигән тренингтан башланып китте. Тренинг таләбе буенча укучылар 3 минут дәвамында бер берсе белән күрешеп, исемен атарга һәм буш вакытларда нәрсә белән шөгыльләнергә ярата, шул хакта сөйләргә тиеш иделәр. Шулай ук барлык сыйныф укучылары бергә кушылып озынлык буенча, чәч төсләре буенча да төзелеп басып карадылар. Алкышлар нигезендә күпме кеше кыш, җәй, көз һәм яз көннәрендә туганлыкларын да белдек. Кыскасы...бик күңелле булды! Чара ахырында һәр сыйныфка номинация бирелде: 
5 сыйныф - "Иң дус", 6 сыйныф - "Иң шук", 7 сыйныф - "Иң үзенчәлекле", 8 сыйныф - "Иң тәртипле" һәм 9 сыйныф - "Иң бердәм".

Бүген 3 сыйныф укучылары белән Зәлия Хәмитовна "Дуслык" темасына ачык тәрбия сәгате күрсәтте. Укучылар "дуслык" төшнчәсенең асылда ни аңлатканына төшенү максатыннан күп төрле мәсәлләр чиштеләр, уеннар уйнадылар, хикәя тыңлап анализладылар. Тәрбия сәгате ФГОС таләпләренә туры килеп әзерләнгән, укучылар теманы, максатны үзләре китереп чыгардылар һәм дәрес ахырында үзләре үк нәтиҗәләр ясадылар. Тәрбия сәгатендә катнашкан укытучылар тарафыннан уңай бәя бирелде.

Бүген ял итүче балаларыбыз өчен могҗизалы көн иде: отрядлар бик тә күңелле уен форматында карта итеп ясалган квест биремнәрен станцияләрдә үтәделәр, күңелле стартларда катнаштылар, Яңа ел символы булган бик матур Әтәчләр ясадылар. 

Бүген лагерь балалары өчен тарихка юл ачылды. Укучылар төрле тарихи кызыклы материаллар белән уен аша таныштылар, үзләрнә күп мәгълүмат тупладылар. Шулай ук, авылыбызның истәлекле тарихи урыннарында булып кайттылар.

Бүген укучылар әкиятләр иленә сәяхәт иттеләр: әкиятләр куйдылар, сөйләделәр, яздылар, геройларына пантомиолар оештырдылар. Бик күңелле булды!

Бүген лагерыбызда сәнгать көне иде. Отрядлар арасында бию-баттл, рәсемнәр конкурсы, мини-концерт булып узды. Кинозалда ял иткән арада рәхәтләнеп  сәнгать төрләрен күрсәтүче фильмнар карадылар. Шулай ук татар халкыбызның иң матур уеннары булган йөзк салыш уенын да бик теләп уйнадылар. 

Бүген мәктәбебезнең 8 олимпиадада урын алган укучыларыбыз Район ёлкасына бәйрәмгә бардылар.

Бүген лагерьның көн тематикасы "Кино, мультфильм һәм музыка" иде. Балаларыбыз мультфильм геройлары ясап алар турында сөйләделәр, "Кино иленә сәяхәт" дип исемләнгән уен-викторинада катнаштылар, саф һавада чана шуып кайткач кинозалыбызда рәхәтләнеп мультиклар карадылар.