Бүген "Ашыт" мәдәният һәм спорт үзәгендә "Без бергә" конкурсының гала концерты булып узды. Гала концертта мәктәбебездән Сәләхетдинов Раяз, Гарипов Эльмир, "Нур" иҗат төркеме (6 сыйныф) һәм Якупова Динә катнашты. Киләчәктә иҗади уңышлар телибез сезгә!

Бүген 1 сыйныфта Гөлия Камилевна "Сәламәтлек - зур байлык" дигән темага ачык тәрбия сәгате күрсәтте. Укучылар сәламәтлекнең мөһимлеге турында сөйләштеләр, сәламәт булу өчен нәрсә эшләргә кирәк, нәрсә эшләргә ярамый - шуны ачыкладылар. Ачык тәрбия сәгате уңай бәяләнде.

14нче апрель көнне 3нче һәм 4нче сыйныфның сәләтле укучылары арасында "АБВГДейка" конкурсы булды. Конкурста Югары Сәрдә башлангыч мәктәбе укучылары да катнашты. 3нче сыйныф буенча Якупов Динә 1урынга, Хәйруллина Иркә 2урынга, Җиһангирова Азалия 3урынга лаек булды. 4нче сыйныф буенча 1урынны Шәрипова Айсинә, 2урынны Ибраһимова Диләрә, 3урынны Гарипов Эльмир алды. Укучылар Мактау грамоталары һәм истәлекле бүләкләр белән бүләкләнде.

Бүген 7 һәм 8 сыйныфлар арасында "Үз уеныбыз" ("Своя игра") дип аталучы чара булып узды.

Тәнәфесләр кызыклы һәм иң мөһиме файдалы уздыру максатыннан 11 апрельдән мәктәбебездә өстәл теннисы буенча чемпионат старт алды. Әлегә егетләребез көч сынаша, киләчәктә чират - кызларыбызда. Теннис өстәле яны кайный: уйнаучылар, җанатарлар - бар да монда!

12 апрель - Космонавтика көне. 12 апрель 1961 елны Юрий Гагарин космоска оча һәм җир шарыбызны читтән күрү бәхетенә ирешә. XX гасырда иң популяр булган кеше - Юрий Гагарин, иң популяр профссия - космонавтка әверелә.Бүген мәктәбебездә сыйныф сәгатьләре нәкъ менә шул темага багышланды.

Мәктәбебездә 9 сыйныф укучылары һәм ата-аналары өчен булачак имтиханнар буенча җыелыш булып узды. Директорның уку-укыту эшләре буенча урынбасары Сәләхетдинова Халисә Хәйдәр кызы имтиханның кайчан һәм ничек узуы турында сөйләде һәм укучыларның имтихан фәннәре буенча әзерлекләрен дә ассызыклап үтте. Шулай ук җыелышта Әтнә хуҗалык техникумының директор урынбасары Гарипова Резида Мәсхүт кызы да катнашты. Ул җыелышта катнашучыларга техникум турында сөйләде, кызыксындырган сорауларга җавап бирде.

"Ашыт" спорт һәм мәдәният үзәгендә XI Cпартакиада кысаларында көрәш буенча ярыш булып узды. Көрәшкә мәктәбебездән Сәләхетдинов Рәсим (9 кл), Филатов Айзат (6 кл), Зиганшин Ранил (3 кл) һәм Сәләхетдинов Раяз (2 кл) катнашты. Үз авырлыгында Сәләхетдинов Рәсим 1 урынны яулады. Укучыларыбызга киләчәктә уңышлар теләп калабыз!

Бүген Нуриева Н.Г. 5 сыйныфлар белән технология фәненнән "Бутербродлар" темасына ачык дәрес уздырды. Укучылар бутербродларның классификацияләре, килеп чыгышы турында легендалар белән генә танышып калмадылар, үзләре дә төрле-төрле бутербродлар ясап карадылар.