22 февраль көнне башлангыч сыйныф атналыгы кысаларында Ландыш Фарисовна 1-4 сыйныфлар катнашында математик ярыш уздырды. Укучылар математика фәне буенча үзләренең белемнәрен тикшерү белән беррәттән бик күп кызыклы һәм кирәкле мәгълүмат та тупладылар.

Башлангыч сыйныфлар атналыгы дәвам итә. Бүген Туган тел көне буларак, Хөснетдинова Гөлия Камилевна башлангыч сыйныфлар өчен "Туган телем - иркә гөлем" дип исемләнгән чара уздырды. Чара барышында укучылар Туган телебезнең матурлыгы, аһәңлелеге хакында әңгәмә алып бардылар, күренекле татар шагыйрьләренең иҗаты белән таныштылар.

21 февраль - Туган тел көне буларак билгеләнеп үтә. Бүген дә мәктәбебездә Туган телебез - бөек Тукай теле - Татар телен олылау кичәсе булып узды. Кичә барышынды Татар теле турында күп матур шигырьләр, җырлар тыңланды. Шулай ук, телебез турында кызыклы мәгълүматлар да тупладык.

Мәктәбебездә бүгеннән башлап башлангыч сыйныфлар атналыгы старт алды. Димәк, көн саен башлангычлар өчен төрле интеллектуаль уеннар, комана ярышлары, чаралар узачак. Бүген - беренче көн. 1-4 сыйныфлар белән Муллагалиева Зөлфия Гөмаровна "Экология" дип исемләнгән уен уздырды. Укучылар ике команда оештырып ("Чисталык" һәм "Йолдызлар") бүленеп төрле биремнәр чиштеләр: сүзләр төзү, капитаннар ярышы, экологик мәсьәләләр чишү һ.б. Уен бик күңелле барды.

16нчы февраль көнне башлангыч сыйныф укытучысы Хасанова Зәлия Хамитовна 3нче сыйныф укучылары белэн әдәби укудан ачык дәрес уздырды. Укучылар дәрестә мәсәлләр укыдылар, эффектив эш формалары кулланып әсәрләрне анализладылар.

14нче февраль көнне математика укытучысы Камалетдинова А.Г. 8нче сыйныф укучылары белән "Квадрат тигезләмәләр чишү" темасына математикадан ачык дәрес уздырды. Дәрес укучыларны ТДИ на әзерләүгә юнәлтелгән иде.

Бүген Олы Мәңгәр мәдәният йортында шаулап-гөрләп укучылар, укытучылар һәм мәктәпне тәмамлаган булсалар да сагынып кайткан укучыларыбыз тарафыннан әзерләнгән зур концерт-тамаша булып узды.