Бүген түбән сыйныфлар Олы Мәңгәр мәдәният йортында Альберт Гадел тарафыннан уздырылган фокуслар тамашасы карадылар.

Бүген Республикакүләм мәгариф өлкәсендә эшләүчеләр спартакиадасының соңгы көне булып узды. Әтнә районы укытучылар җыелма командасы составында безнең мәктәптән  Сылу Рөстәмовна (эстафета) һәм Фәрхәд Юнысович (канат тартыш) та бар иде.

Әтнә районы мәктәпләре арасында спартакиада башланып китте. 15 октябрь көнне шахмат ярышы иде. Безнең мәктәп командасы 3 урынны яулады! Җитәкчеләре - Алсу Галятдиновна. Молодцы! Киләчәк уеннарда уңышлар!

Укытучылар көне инде артта калды дисезме? Сездә бит 11 сыйныфлар юк дисезме? Әйе, дөрес, ләкин зыян юк! Бүген безнең мәктәптә үзидарә көне булып узды. 9 нчы сыйныф укучыларыбыз башлангыч сыйныф кына түгел, хәттә урта звенога күчкән 5 нче сыйныфларыбызга да дәрес бирделәр. "Укытучы булу ошады" - дип әйтте алар. Кем белә, киләчәктә укытучы һөнәрен сайлаучылар бәлки артыр.

һәр ел фасылы үзенчә матур. Яңа еллы, Кыш бабайлы кышны көткән вакытта борын төбеннән генә алтын көзебез үтеп бара түгелме соң? Көзге матурлыкны күзәтергә бүген 3 сыйныф укучылары сыйныф җитәкчеләре белән табигатькә чыктылар.

Бүген мәктәпнең "Йолдыз" Яшь инспекторлар дружинасы активы укучылар алдында "Фликерлар - тормыш иминлегенә бер адым" дигән исем астында яктыны кирекайтаргыч элементлар турында чыгыш ясадылар. Кечкенә генә фликерларның нинди зур мөмккә ия булуы турында укучыларга аңлаттылар.

Көн дәвамында "Йолдыз"  яшь инспекторлар дружинасы сыйныфларга рейдлар ясап, укучыларның якты кирекайтаргыч элементларын тикшереп чыгып, булмаганнарга кисәтү ясадылар.

Агымдагы елда укытучылар спартакиадасы Саба районында уздырыла. Буген беренче уен - мәктәп җитәкчеләре җыелма командалары арасында мини-футбол иде. 

Өлкәннәр декадасы кысаларында башлангыч сыйныфлар арасында рәсем конкурсы узды. Барлык укучылар да бик үзенчәлекле һәм эчтэлекле рәсемнәр тәкъдим иттеләр.

Бүген мәктәбебездә икеләтә бәйрәм булып узды. Беренчесе - өлкәннәр көне булса, икенче бәйрәм - укытучылар көне иде. Бәйрәм "Бер күрешү-бер гомер" девизы астында узды. Чынлап та, лаеклы ялга чыккан мөгаллимнәребез һәм мәктәптә әлеге көндә белем бирүче укытучыларыбызның сөйләшер сүзләре, уртаклашырга фикерләре җитәрлек иде. Бәйрәмнең беренче яртысында хөрмәтле укытучыларыбыз өчен укучылар тарафыннан оештырылган концерт программасы узса, икенче өлеше түгәрәк табын артында чәй эчү белән дәвам итте. Килгән өлкән укытучыларыбыз үзләренең җиткерәсе килгән фикерләрен әйттеләр, мәктәп белән танышып чыкканнан соң нинди хисләр кичерүләре белән уртаклаштылар. Әйе, чынлап та, бер күрешү - үзе бер гомер икән!