Күңел ачулар дәвам итә. Бүген башлангыч сыйныфлар өчен мәдәният хезмәткәрләре бәйрәм оештырдылар.

   Кадерле дуслар! Яна ел белэн котлаулар кабул итеп алыгыз! Яңа ел бәйрәме матур булып үтсен! Алдагы өр-яңа ел бары бәхет-куанычлар гына алып килсен. Туасы таңнар тыныч булсын. Гомер юлларыбыз шатлык белән тулып торсын һәрчак. Кызыклы очрашулар, бәхетле мизгелләр күп булсын! Эшләребездә уңышлар юлдаш булсын, күңелләребездәге мәрхәмәтлелек бар җиһанны яктыртсын. Йортларыбызга авырулар, хәвеф-хәтәрләр, бәла-казалар килмәсен. Гаиләләребездә бәхет уты һәрвакыт сүнмичә янып торсын! Яңа ел белән сезне, киләсе еллар бәхет китерүче еллардан булсын!

  Кеше сокланырлык әллә нинди хикмәтләр ясый белүче кешеләр турында әнә шулай диләр. Нинди генә эшкә тотынса да, кулы ятып торганга, уңган-булганга шулай диләр андыйлар турында...Мәктәбебез укучылары нәкъ менә шундыйлар рәтендә. Әнә нинди матур эшләнмәләр җыелды яна елны көткәндә. Уңышлар алып кил, Яңа ел!

2-4 класс укучылары сыйныф тәрәзәләрен менә шундый матур сурәтләр белән бизәделәр.

Бүген мәктәбебездә " Хуш киләсең, Яңа ел!" дип аталган бәйрәм үткәрелде. Укучылар зур тырышлык белән әзерләнгәннәр: рәхәтләнеп биеделәр, җырладылар, уеннар уйнадылар.

       Туган телләр һәм халыклар бердәмлеге елына йомгак ясап, 9 нчы класста Г.Әпсәләмов иҗатына багышланган әңгәмә үткәрелде.           Г. Әпсәләмов татар әдәбиятыбызга күп роман-хикәяләр белән баеткан әдип. Иҗатын күренекле галимнәр, тел белгечләре, журналистлар, тәнкыйтьчеләр өйрәнеп, мәкаләләр язганнар.Г.Әпсәләмов безгә “Ак чәчәкләрен” бүләк итүче язучы. “Ак чәчәкләр” романы кеше турында кайгыртучанлык,кешелеклелек,гуманизм идеясе белән сугарылган. Г.Әпсәләмовның әдәби иҗатына сугыш зур йогынты ясый, шуңа күрә ул аның төп темасына әйләнә. Бу тема автор әсәрләренең сугыш чорында иҗат ителгән булуы белән дә бәйле. Мәсәлән, “Икенче гомер”, “Абушахман”, “Төньяк балкышы”, “Хәйбулла солдат”, “Зәңгәр иртә”, “Бөркет токымы”, “Үлемнән көчлерәк” һ.б.ш. хикәяләрен атарга мөмкин. 

Зона буенча шахмат ярышларында инглиз теле укытучысы Саляхова Л.А. 2 урынны алды. Алга таба да зур җиңүләр телибез! Афәрин!

   Безнең иң яраткан әбиләребез һәм әниләребез кышкы озын кичләрдә үзләренең куңел жылылыгын кушып безгә бияләй, оекбашлар бәйлилэр. Шул бияләй, оекбашларнын җылысы аша аларның җан җылысы безгә дэ күчә. Шуңа да нинди көчле суыкларда да безнең кул-аякларыбыз туңмый, җылы тора. Алар бәйләгән бияләйләрне киеп йөрү үзе рәхәт бит. Бүген , ягъни 24 декабрь- Бияләй көне буларак билгеләп үтелә. 7 нче класста шушы темага карата тәрбия сәгате үтте. Һәр укучы өлкәннәр тарафыннан бәйләнгән бияләй, башмаклар тәкъдим иттеләр. Барысы да күз явын алырлык.

Туган телләр һәм халыклар бердәмлеге кысаларында чираттагы чара үткәрелде.  24 декабрьдә  шагыйрь, тәрҗемәче, җәмәгать эшлеклесе, РСФСРның атказанган  мәдәният хезмәткәре Зәки Шәрәфетдин улы Нуриның тууына 100 ел . Зәки Нури-фольклорчы, тәрҗемәче, халыклар дуслыгы җырчысы, Халыклар дуслыгы ордены кавалеры,  фронтовик шагыйрь, 80 гә якын китап авторы.  Аның  бик күп шигырьләре татар композиторлары тарафыннан көйгә салынган һәм алар, халкыбызның яраткан җырларына әверелеп, күбесе халыклашкан да. Яраткан  шагыйребез  иҗатына  багышлап, бүген  6 нчы класста  “Матурлык  һәм  батырлык  җырчысы” дип исемләнгән  класс  сәгате  узды. Әлеге  чарада Зәки  Нуриның  шигырьләре,  аның  сүзләренә  язылган  җырлар  яңгырады.