В  рамках спартакиады среди первичных профсоюзных организаций учреждений образования Арского муниципального района 21 октября на базе Арской гимназии №5 состоялись соревнования по стрельбе и дартсу. Всего приняли участие 162 человека из 48 первичек. Из нашей школы участвовали Фатхуллин Р.Н.( стрельба),Файзрахманов Р.Р.(дартс), Шангараева Л.Р(стрельба) и Гарипова Ф.Ф.( дартс).

    Тарих! Биш кенә хәрефле сүз булса да,үз эченә ул меңнәрчә- миллионнарча елларны, күпме гасырларны сыйдырган. Гомер итү башланганнан бирле бүгенге көнгә кадәр күпме сулар аккан, күпме буыннар алышынган.Галимнәр һаман да тарихыбызны тикшереп торалар, ләкин тарих битләрен актарганда байтак нәрсә безнең өчен әлегә сер булып кала бирә. Балаларда Туган илгә карата патриотик хисләр тәрбияләү, хөрмәт уяту, горурлык хисләре тудыру, аның белән кызыксыну теләген арттыру, Татарстан шәһәрләренең үзенә генә хас булган үзенчәлекләрен күрә һәм соклана белү хисе уяту, укучыларда  халкыбызның туган җиренә, теленә, тарихына, мәдәниятына кызыксыну үстерү максатыннан 7 класста тәрбия сәгате үткәрелде.

     Болгар тарих-археология комплексы ЮНЕСКО Бөтендөнья мирасы исемлегенә кертелде. Укучылар Болгар шәһәренең үткәне, бүгенгесе, киләчәге турында сойләделәр. Болгар турында Татарстан Республикасы мәдәният министрлыгы чыгарган журнал белән таныштылар.

Безнең мәктәптә балаларның сәләтләрен үстерү өчен төрле юнәлештә чаралар оештырыла. Ел дәвамында балаларның физик мөмкинлекләрен ачу, сөйләм телен, музыкаль сәләтләрен үстерү өстендә эш алып барыла. Бу юнәлешләрнең берсе – театр.Һәр ел саен укучыларыбыз белән спектакль әзерлибез. “Тылсымлы дөнья” театр түгәрәгенә йөрүче укучылар район күләмендә үткәрелгән конкурста катнаштылар.  Бу уку елында да  репетицияләр тулы өченә  башланды инде. Балаларда сәхнәгә мәхәббәт елдан-ел арта баруы сизелеп тора. Кем белә бит, киләчәктә бәлки бу балаларны зур сәхнәләрдә күрә алырбыз

2019 елның декабрь аенда моңа кадәр кешедә күзәтелмәгән коронавирус штаммы – COVID-19 пәйда булды. Бүгенге көндә коронавирус йөздән артык илгә үтеп керде, 148 меңгә якын кеше аны йоктырды (Россиядә – 47 кеше), шулардан 5538 кеше вафат (Center for Systems Science and Engineering (CSSE) at Johns Hopkins University (JHU) мәгълүматлары буенча). Болар барысы да коронавируслар гаиләлегенә керүче 40 вирусның берсе SARS-CoV-2 вирусынының бер штаммына бәйле.

КОРОНАВИРУС – кеше һәм хайваннарда сулыш алу әгъзаларын зарарлаучы вирус (атипик үпкә ялкынсынуы (SARS-CoV). 

Профилактик чаралар турында 9 класс укучылары өчен тәрбия сәгате үткәрелде.

Мәктәбебездз "Туган телләр һәм халыклар бердәмлеге елы" уңаеннан чаралар үткәрү дәвам итә. Безнең республикада яшәүче һәр халык бер-берсен хөрмәт итә, дус, аңлашып яши. Бер генә милләт  тә башкалар белән бәйләнешсез яши алмый.  Татарстанда төрле милләт кешеләре яши. Төрле милләт халыкларының  бәйрәм һәм йолаларын өйрнүне дәвам итеп, без бүген рус халкының милли киемнәре, милли бәйрәмнәре һәм йолалары турында сөйләштек. Укучылар милли бәйрәмнәр һәм йолалар турында  мәгълумәт тупладылар һәм иптәшләре белән уртаклаштылар

Бүген  7 класста "Тимер юлда балалар куркынычсызлыгы" дип аталган лекция үткәрелде. Аның максаты - укучыларга тимер юл инфраструктурасы объектларында булганда куркынычсызлык кагыйдәләрен искә төшерү. Балалар һәм яшүсмерләр тимер юлда йөргәндә һәм аларны тиешле булмаган урыннарда якынлашып килүче поезд алдыннан узарга омтылганда җәрәхәтләнергә мөмкиннәр. Шулай ук балигъ булмаганнар тимер юл составына санкцияләнмәгән күтәрелеш вакытында электроток йогынтысыннан да травмалар ала. Нәкъ тә шулар турында укучыларның исләренә төшерелде. Әңгәмә бик эчтәлекле узды.

Якташыбыз  Рифат Җамалга 70 яшь  тулды. Рифат  Җамал -Татарстан Язучылар берлеге һәм идарәсе әгъзасы, Һади Такташ һәм Шәйхи Маннур исемендәге әдәби премияләр лауреаты, Татарстан Республикасының атказанган фән эшлеклесе, фән өлкәсендәге казанышлары өчен Татарстан Республикасының  Дәүләт премиясе лауреаты.

Әлеге чарада  укучылар шагыйрьнең тормыш  һәм  иҗат  юлы  белән  таныштылар, шигырьләрен укыдылар.

Бүген район Мәдәният йортында мәгариф хезмәткәрләрен тәбрикләү тантанасы булды. Мондый бүләкләүгә мәктәбебезнен математика һәм информатика укытучысы Гарипова Ф.Ф. лаек булды. Сезгә яңа профессиональ һәм иҗади казанышлар, уңышлар, сәламәтлек телибез.

Юл йөрү кагыйдәләре, юлның шартлы билгеләре турында белгәннәрен кабатлау; юл йөрү кагыйдәләрен тагын да тирәнрәк өйрәнергә кызыксыну уяту максатыннан 5 нче класста “Юлда йөрү кагыйдәсен белергә тиеш һәркем!” дигән тәрбия сәгате үткәрелде. Укучылар юл йөрү билгеләрен тагын бер кат искә төшереп, кызыклы викторинада катнаштылар, “Юл йөрү кагыйдәләре” көндәлегендәге биремнәрне чиштеләр. 

Укучыларга янгын куркынычсызлыгы кагыйдәләрен аңлату; утның җылылык һәм яктылык чыганагы гына түгел, саксыз эш иткән очракта күп бәла-казалар сәбәпче булуын , “ Янгын- зур фаҗига” икәнен төшендерү, анализлау; ут һәм көнкүреш приборлары белән сак, дөрес эш итәргә өйрәтү максатыннан, башлангыч сыйныфларда тәрбия сәгате уздырылды, укучыларга янгын куркынычсызлыгы темасына рәсем ясарга тәкъдим ителде.