Инглиз теле укытучысы Саляхова Л.А. "Говорим и поем по английски" дип аталган кичә үткәрде. Укучылар үзләренең сәләтләрен инглиз телендә күрсәттеләр.  Инглизчә җырлап,шигырьләр  сөйләп тамашачыларны сокландырдылар. Шигырьләр батырлык, җир йөзендәге тынычлык тематикасын үз эченә алган иде.

   Бүген, 16 нчы февраль көнне,   халкыбызның танылган шагыйре Муса Җәлилгә багышланган кичә татар, инглиз, рус телләрендә үтте.  Аны әзерләүчеләр- татар теле һәм әдәбияты укытучысы Гайнуллина Рәфия Әдһәмовна, рус теле һәм әдәбияты укытучысы Гарипова Ләйлә Борхановна һәм инглиз теле укытучысы Саляхова Лилия Әхмәтгалиевна . Укучылар шагыйрьнең балачагын, тормышын чагылдырган презентация карадылар, өч телдә шигырьләрен сөйләделәр. Залда шагыйрьнең әсәрләре буенча китап күргәзмәсе ясалган иде. 

    Мәктәптә инглиз һәм рус теле атналыгы башланды. Атналыкның беренче көнендәге "Мәхәббәт дуслыктан башлана" дип аталган кичәне инглиз теле укытучысы  Саляхова Лилия Әхмәтгалиевна үткәрде.   Әлеге  бәйрәм чарасын  югары класс укучылары  түземсезлек белән көтеп алдылар. Бу көн иртәдән  һәркем дусларына тәбрикләү сүзләрен инглизчә җиткерде,  ә кичә барышында укучылар үзләре белән оригиналь итеп таныштырдылар, осталыкларын, сәләтләрен күрсәттеләр.

Муса Җәлилнең туган  көнен искә алып үткәрелгән  "Җәлил кечкенә дусларына" дигән  әңгәмә үткәрелде. Укучылар шагыйрьнең тормыш юлы һәм иҗаты белән таныштылар, шигырьләрен укыдылар.  Сабыем.ру сайтында С.Маршактан тәрҗемә ителгән М.Җәлилнең "Читлектәге  хайван балалары" исемле шигыре балаларга бигрәк тә ошады.

     Печмәнтау башлангыч мәктәбендә ата-аналар өчен математикадан ачык дәрес булды. Дәрес  барышынды туган сорауларга җавап биреп укытучы Миләүшә Шәйхетдиннова чыгыш ясады. Беренче класс укучысының укырга өйрәнүендә әти-әнинең дә өлеше бик зур икәнлеген  әйтте. Әти-әниләр балаларның белемнәреннән канәгать калдылар.  

11 февральдә мәктәп укучылары арасында Бөек Җиңүнең 70 еллыгына багышланган чаңгы ярышлары булды. Осталыкта һәм җитезлектә сынашу өчен мәктәпнең чаңгы юлына барлык малайлар һәм кызлар стартка басты. Беренчелекне алучылар:

4-5 класслар арасында Махмутова Зәринә, Ахметов Фәнзил;

5-6 класслар арасында Гиззатуллина Илүсә, Фаттахов Инсаф;

8-9 класслар арасында Габдрахманова Гөлнара, Шарафиев Ислам. Молодцы!

     Битләрне алсуландырырлык  салкыны, әйләнә-тирәне каплаган ап-ак кары  белән килгән кыш – чаңгы спорты белән мавыгучылар өчен зур куаныч. Рәхәтләнеп  яраткан  шөгылең белән мавыгырга, бер үк вакытта яздагыча яктырткан кояштан көч алырга, сәламәтлегеңне ныгытырга була. Чаңгыда шуу буенча укучылар арасында  узган спартакиада моның нәкъ  менә  шулай  икәнлеген күрсәтте.Мәктәптәге 1 сыйныфтан алып 9 сыйныфка кадәр барлык укучылар да чаңгыга басты. Һәркем сәламәтлеген ныгытып, яхшы кәеф алып таралды.

     Арчаның балалар китапханәсендә "Җирдә Җиңү хакына" дигән исем астында  шигырь сөйләүчеләр бәйгесе үтте. Анда  безнең мәктәптән 6 нчы класс укучысы Гарипов Илүс, 4 нче класс укучысы Фаттахова Лилия катнаштылар  һәм район Мәдәният идарәсенең Рәхмәт хатлары белән бүләкләнделәр.

   Мәктәбебез укучылары районда булып узган "Созвездие-Йолдызлык-2015" бәйгесенең сайлап алу турында катнаштылар. Нәни укучыларыбызга уңышлар телибез.

   Печмәнтау башлангыч мәктәбендә ачык дәрес булып үтте. Ачык дәрес башлангыч класс укучыларының мәктәп методик берләшмәсе кысаларында узды. Шәйхетдиннова М.Г. дәресне "Әдәбият елы"на багышлап уздырды. Дәрестән соң фикер алышулар түгәрәк өстәл артында дәвам итте.