Үсте матур чәчәкләр,

Гел кояшка үрелеп.

Балкып тора җиребез,

Яшеллеккә төренеп.

Буген тантаналы лагерьны ябу көне булды. Сабантуй бәйрәме булды.

Күңелле Сабан туйлары,

Бүген бәйрәм, зур бәйрәм.

Матур җырлый җырлый-җырлый

Уйныйбыз әйлән-бәйлән.

Бүген безнең өчен иң дулкынландыргыч көн. Чөнки без бүгенге көнебезне "Кайгы һәм хәтер көне" дип игълан иттек. "Беркем дә, бернәрсә дә онытылмый" темасына әңгәмә уздырдык. Сугышка карата шигырьләр, рәсемнәр конкурсы булды. "Без тынычлык яклы" дип исемләнгән бу конкурста балалар бик актив катнаштылар

Бүген безнең өчен иң шатлыклы көннәрнең берсе булды. Без Яңа Кырлайга экскурсиягә бардык. Экскурсия барыбыз өчен дә бик файдалы һәм мавыктыргыч булды. Экскурсиядән кайткач без үз кулларыбыз белән Г. Тукай иҗаты буенча поделкалар эшләп экскурсиядә алган белемнәребезне ныгыттык.

Без бүген экологик темага төрле эшләр башкардык. Табигать - безнең иң зур байлыгыбыз. Аны сакларга кирәк. Һәм без экологик эмблемаларга конкурс оештырдык. һәр укучы бу эшне бик теләп башкарды. Кирәксез материаллардан бик матур эшләнмәләр ясадык. Көн ахырында табигать турында кызыклы кроссворд чиштек. Шулай итеп тагын бер көнебез файдалы үтте.  

Бүген музыка көне. Үзебезнең яраткан җырларыбызны җырладык. Музыка буенча белемнәребезне "Көйне таны" уены белән тикшердек. Көнебезне саф һавада музыкаль - хәрәкәтле уеннар белән дәвам иттек. Ике звено арасында "Рифма" уены бик күңелле үтте. Көн артыннан көнебез шулай күңелле үтә.

Укучылар пожар куркынычсызлык кагыйдәләре белән таныштылар. Лагерь буенча эвакуация ясалды. "Тамчы" һәм "Дуслык" командалары арасында КВН уткәрелде. Нәтиҗәдә ике команда арасында дуслык җиңеп чыкты. Саф һавада хәрәкәтле уеннар уйнадык. Көнебез куңелле һәм файдалы үтте.

Бүгенге көнебезне "Яшел ут"  көне диеп атадык. Көнебез юл йөрү кагыйдәләрен искә төшерү, юл билгеләрен белүне тикшерүгә багышланды. Шул нисбәттән уздырылган әңгәмә, рәсем конкурсы, юл билгеләре ярдәмендә оештырылган инсценировка бик отышлы булды. Имин булсын юлларыбыз!!!

Бүгенге көнебез "Уен көне" диеп игълан ителде. Көнебез "Мобильный телефон-вещь нужная, но опасная" дип аталган әңгәмә белән башланып китте.  Без аларга телефонның кирәкле һәм шул очракта зарарлы әйбер икәнен аңлаттык. Көннең икенче яртысында "Минем яраткан  уенчыгым" темасына рәсем конкурсы оештырылды. Ике звено арасында уздырылган футбол матчы балаларны тагын да җанландырды.