Сәламәт тәндә - сәламәт акыл темасына әңгәмә үткәрелде. Командалар арасында  күңелле старт  үткәрелде. Ә нәтиҗәдә ике команданың  дуслыгы җиңде. Ура ! Без җиңүчеләр!

Көнебезне куңелле сәяхәт белән башлап җибәрдек. Авылыбызның ямьле болынына, Ашыт елгасы буена бардык. Анда төрле-төрле, аллы-гөлле, ак-сары, төрле бизәкле күбәләкләр күзәттек. Күбәләкләр турында әңгәмә үткәрелде. ямьле болында төрле уеннар уйнадык. Көнебезне Г. Тукайнын "Бала  белән күбәләк" шигыренә төзелгән мултьфильм карадык, фикерләр алыштык. Көннең икенче яртысында шашка ярышы булды. I урын - Гимадиева Рәзинә, II урын - Ахметов фәнзил, III урын - Ахметшин Руслан. Алларны чын куңелдән көтлыйбыз.

Лагерьда көннәр сизелмичә дә үтеп китә. Бүген матур шигырьләр , җырлар өйрәндек һәм "Кояшкай" лагереның ачылу тантанасын үткәрдек.

 Лагеребызның 3  нче көне "ДУСТЫМ КИТАП" темасына багышланды.Иртәнге зарядка һәм иртәнге аштан соң без авыл китапханәсенә юл тоттык. Китапханәче Халикова Миләүшә апа безне "китап уку серләренә" төшендерде. Яңа чыккан китаплар белән танышканнан соң Абдулла Алиш әкияте буенча эшләнгән фильм карадык. Китапханәдән без "Күп укыган - күп белә" - дигән нәтиҗә белән чыктык.

Күңелле , бик күңелле лагерьда! Ә ничек тәмле һәм файдалы ашаталар...

Күңелле итеп лагеребызның икенче көне башланып китте. Көнебез куркынычсызлык кагыйдәләрен өйрәнүгә багышланды.Имин үтсен ялларыбыз!

Бүген мәктәп яны лагере башланып китте. Бу көн илебездәге зур датага - Балаларны яклау көненә туры килде. Шул уңайдан төрле кызыклы мероприятиеләр уздырылды. Звенолар әзерләгән зур концерт искиткеч булды.

Бүген 4 класс укучылары варислар оешмасына кабул ителделәр.

Бүген тугызынчылар өчен соңгы кыңгырау яңгырады.  Алда торган имтиханнарыгызда уңышлар юлдаш булсын сезгә. Тормыш юлыгыз сикәлтәләрсез булсын иде.  Сезне яраткан, төпле белем биргән, сезгә бары тик яхшылык кына теләгән укытучыларыгызны, мәктәпне онытмагыз.

Очар кошлар күккә күтәрелә
Тиңлибез сезне очар кошларга.
Без фатиха бирәбез сезгә бүген
Өмет белән карап юлларга.

Тормыш булгач булыр кайгы да,
Җилләре дә каршы исәрләр.
Ходай сезгә ныклык һәм сабырлык
Бирсен иде гомер кичәргә.

Акыл камил, ә рух көчле булсын,
Хәләл көч белән сез яшәгез.
Гомер бит ул тик бер генә килә
Җирдә яшеннәрдәй яшьнәгез.

Канатларыгыз гына сынмасын да,
Өметләрне безнең кисмәгез.
Төн пәрдәсен күзгә элгәндә дә
Һәрвакытта безнең истә сез.

Сез кайтыгыз назлы җилләр булып,
Бер сөенеч булып кайтыгыз.
Баш очында Кояш, Йолдыз булсын,
Булсын һәрчак тулган аегыз.

Җирне ямьләр өчен кирәк бит сез,
Озын булсын барыр юлыгыз.
Утка салыр дөнья, суларга да,
Тик бәхетле генә булыгыз!
Тик бәхетле генә булыгыз!

Арчада үткәрелгән "Асфальтта рәсем ясыйбыз" дип аталган рәсем конкурсында 3 урынны алган 8 класс укучысы Ахмадуллина Рузиләне чын күңелдән котлыйбыз. Афәрин, Рузилә!