Тема: Рәсем буенча хикәя төзү." Спорт мәйданчыгында"
Максат: Балаларда бер- берсен тыңлый ,кирәк вакытта башкаларның җавапларын тулыландыра белү сыйфатлары тәрбияләү. Балаларның хәтерен,иҗади күзаллауларын,логик фикерләү сәләтен үстерү.Тәрбияче тәкъдим иткән рәсем буенча зур булмаган күмәк хикәяләр төзеп сөйләү күнекмәләрен камилләштерү,сәламәтлекнең мөһим булуын төшендерү.

Тема: Уйлаганны әвәләү.
Максат: 1.Үз эшеңнең эчтәлеген уйлау сәләтен үстерү. 2.Яхшы нәтиҗәгә ирешү теләге тәрбияләү.3.Үз эшеңә бәя бирү.

Кышын кошларга салкыннар түгел, ә ачлык куркыныч тудыра. Шуны истә тотып, һәр елны   балалар кошларга җимлекләр әзерли. Бу атнада да   әти-әниләр ярдәме белән җимлекләр ясап, аларны бакча һәм өйләре янындагы агачларга элеп куйдылар. Балалар бакчасыннан ук балалар кышлаучы кошларны танырга, аларның тормышы белән кызыксынарга өйрәнәләр. Аларга ярдәм итәргә, табигатькә карата мәрхәмәтле булырга кечкенәдән өйрәтү мөһим.

Сөйләм үстерү. Тема: Рәсем карау "Кошлар килгән җимлеккә". Максат:1.Балаларда кошларга сакчыл караш тәрбияләү, ярдәм итәргә теләк тудыру.                2.Рәсемнен эчтәлеге буенча бирелгән сорауларга дөрес, ашыкмыйча, аңлаешлы итеп җавап бирү күнекмәләрен үстерү.

Билгеле булганча, Россия Федерациясе Президенты Владимир Путин 2025 елны Ватанны саклаучылар елы дип игълан итте. Безнең районда да шушы уңайдан күп чаралар планлаштырыла. 26 гыйнварда районда шушы елны ачуга старт биреләчәк. Бу көнне Арча шэһэреннэн төрле юнэлештэ гуманитар ярдэм төялгэн машиналар колоннасы юлга кузгала.
Бакчабызда әлеге гуманитар колоннаны формалаштыруда катнашу максатыннан акция игълан ителде. Әти-әниләр һәм бакча хезмәткәрләре тарафыннан егетләр өчен шоколад конфетлар, чәй,кофе, тиз әзерләнә торган боткалар җыелды. Барлык катнашучыларга зур рәхмәтебезне белдерәбез!!!

Бакчабызда  искечә Яңа елны бәйрәм иттек.  Гадәт буенча, аны 13 гыйнвардан 14енә каршы иске стиль буенча  билгелиләр. Үз тарихында ел исәбен алыштырган һәр илдә искечә Яңа ел – рәсми булмаган күңелле бәйрәмнәрнең берсе.  Бүген балалар шундый матур, шундый гаҗәеп, шатлыклы, көлкеле җәнлекләргә, матур кар бөртекләренә әверелделәр, шигырьләр сөйләделәр,  биеделәр. Мавыктыргыч уеннар балаларны сихри дөньяда йөзәргә, кунак булып килгән Убырлы карчык белән көлкеле могҗизалар иленә сәяхәт кылдырды.  Бәйрәм “Иске ел” ны озату күренеше белән үрелеп барды.

13 гыйнвар көнне "Арча" үзәк стадионында "Чыршы ябылышы" чарасы һәм Яңа ел бизәлеше буенча бүләкләү тантанасы булып узды.
Наласа балалар бакчасы территорияне Яңа елга бизәү буенча уздырылган "Новогодняя феерия" конкурсында катнашып, III дәрәҗәдәге дипломга лаек булды. Әлеге эштә актив катнашкан бакча хезмәткәрләренә, тәрбиячеләргә, әти-әниләргә зур рәхмәтебезне белдерәбез. Бердәмлектә - көч!!!

Тема: "4 саны"
Максат: балаларны 4 саны белән таныштыру, санарга һәм танырга өйрәтү, дәфтәрләрдә эш.

Тема: "Үзеңнең яраткан җәнлегенне яса". Максат: Балаларны хайваннар фигурасын ясарга өйрәтүне дәвам итү; балаларның кызыксынучанлыкларын үстерү. Чиста-пөхтә эшләү күнекмәләрен ныгыту.

Тема: "Кыргый хайваннар кышын"
Максат: балаларны кыргый хайваннар, аларның кыш көне яшәешләре, тукланулары турында таныштыру, сакчыл караш тәрбияләү.