Төхбәтуллина Сәйдә юл хәрәкәте иминлеге буенча шигырь укучылар фестиваль- конкурсында катнашып, катнашучы дипломына лаек булды.Молодец!!!

Яңа ел һәр йортта, һәр гаиләдә көтеп алынган бәйрәм. Яңа ел һәрвакыт могҗиза, маҗаралар һәм гаҗәеп үзгәрешләр бүләк итә.
Балалар бакчасында бәйрәмгә әзерлекне алдан ук башладык: инсценировка төзедек, костюмнар әзерләдек, бергәләп залны бизәдек.Бәйрәмгә кунаклар бик күп килде. Кыш бабай, Кар кызы килү белән җыр һәм бию, уен - көлке, чын бәйрәм башланды/Барлык балалар рәхәтләнеп үзләренең талантларын күрсәттеләр: биеделәр, әйлән - бәйлән әйләнделәр, шигырьләр сөйләделәр, җырлар җырладылар. Кыш бабай кулыннан балаларга бирелгән бүләкләр шатлык хисләре уятты.Балалар күчтәнәчләрне рәхмәт әйтеп алдылар.
Бәйрәмдә әкият геройлары булып киенеп катнашкан бакча хезмәткәрләренә дә бик зур рәхмәт. Бәйрәм бик күңелле, шатлыклы узды, бик матур тәэсирләр калдырды. Яңа 2026 нче ел илебезгә тынычлык, шатлык, куанычлар гына алып килсен иде.

Бакчабызда чыгып килүче "Чишмә башы" газетасының декабрь ае саны дөнья күрде.

Бакча хезмәткәрләре һәм әти-әниләребез ярдәме белән эшләнгән фотозона.

Конкурс "Синичкин день" Молодцы!

Ватанны саклаучылар елына йомгак ясау унаеннан, өлкән һәм мәктәпкә әзерлек төркеме балалары белән урамда хәрәкәтле спорт уеннары оештырылды.
Уеннарның максаты: балаларда патриотик хис, җавапчыллык, үзара ярдәмләшү хисе тәрбияләү, шулай ук коллективта эшли белү, чыдамлык, кыюлык, җитезлек осталыкларын үстерү һәм, әлбәттә, төрле физик күнегүләр аша  балаларның сәламәтлекләрен ныгыту. Балалар ике командага бүленде, һәр  катнашучы җиңү теләге белән янып бик актив катнашты. Балалар үзләрен чын патриот, бердәм, дус команда икәннәрен күрсәттеләр.

Бүген Биектау районы, Ямаширмә авылы "Йолдыз" балалар бакчасында мәктәпкәчә яшьтәге белем бирү учреждениеләре тәрбиячеләре арасында үткәрелүче "Белем һәм тәрбия бирүдә Каюм Насыйри хзмәтләре" республика бәйгесенен йомгаклау конференциясы узды.
Әлеге конференциядә тәрбиячебез Хөсәенова Римма Нәзгать кызы уңышлы чыгыш ясап, 2нче урынга лаек булды. Чын күңелдән котлыйбыз.

Тема: Кошлар- безнең дуслар
Максат: Кошларга карата шәфкатьлелек тәрбияләү, алаларга булышу теләге уяту; сүзлек запасын баету; безнең якларда кышлаучы кошлар белән танышу,аларның нәрсә белән туклануы,кыш көне кешеләр ярдәменә мохтаҗ булулары турында аңлату. Тавышларын аудиоязмадан тыңлау.

Тема: "Суык бизәкләр төшергән".
Максат: Дулкынлы сызыклар, бормалы-сырмалы бөтеркәләр һәм кар бөртекләрен пумала очын җиңел һәм салмак йөртеп рәсем төшерергә күнектерү, шөгыль темасына карата үз хис-тойгыларынны җиткерә белергә өйрәтү. Дизайнерлык күнекмәләрен үстерү.

Тема: Кар бөртекләре
Максат: Кышкы табигатькә карата игътибарлылык,соклану хисләре тәрбияләү.Төркем бүлмәсен бизәү өчен кар бөртекләре ясарга өйрәтү. Кәгазьне берничә кат бөкләп,кайчы ярдәмендә кисеп эшләү күнекмәләрен камилләштерү.