"Кәгазь  стаканнардан матур чәчәчкләр ясау".  Бүген Наласа балалар бакчасының өлкән төркем балалары   үз куллары белән кәгазь стаканнардан матур чәчәкләр ясадылар. Бу сихри  чәчәкләрне эшчәнлек вакытында,өстәл, дидактик, үстерелешле уеннарда  һәм өстәл театрында кулланырга була. Икенчел чималдан уенчыклар ясау, эшенең кызыклы булуы,  балаларда игътибар үсешенә ярдәм итә,  аның тотрыклылыгы арта, ирекле игътибар формалаша.                

Инеш- күлләр сезне күптән көтә,
Исән- имин кайтып җитегез!

Балалар белән туган ягыбызга кайтучы кыр казларын күзәттек.

Балалар бакчасы территориясендә өмәләр дәвам итә.Бу атнада уен мәйданчыкларындагы карлар таратылды.Чәчәклекләр кардан чистартылды.
Кар астыннан чыккан чүпләр җыелды.

Татарстанда «ЭКОяз-2026»масштаблы экологик акция дәвам итә. Марафонның икенче атнасы хайваннар турында кайгыртуга багышланган һәм «Зоозабота»лозунгы астында уза. Тематик атнаның максаты-йортсыз хайваннар проблемасына игътибарны җәлеп итү , приютларга ярдәм итү, мәче һәм этләргә азык китерү.Безнең балалар бакчасында шулай ук йортсыз хайваннар өчен азык җыю буенча хәйрия акциясе дә узды.Балалар һәм аларның әти-әниләре,бакчабыз хезмәткәрләре бу акциядә актив катнаштылар.Без җыйган азыкны Татарстан Республикасы Балтач районының йортсыз хайваннар приютына җибәрәбез.Һәр балага һәм ата-анага акциядә катнашулары өчен рәхмәтебезне белдерәбез. Бу мәчеләр һәм этләр өчен һәр җыйган азык— ризык кына түгел, ә аларны онытмау билгесе дә.

Тематик зарядкалар балалар өчен иртәнге гимнастиканы файдалы гына түгел, танып белүгә кызыксынуларын арттыра, мавыктыргыч та итә.

Тема: Космос.
Максат:Балаларны беренче очучы Ю Гагарин белән таныштыру,планеталар турындагы белемнәрен камилләштерү.

Бер- бер артлы тезелеп колоннада йөрү,түгәрәк буенча йөгерү.
1.Аяклар аерып басылган, кубик тоткан уң кул аста. Кулларны яннан өскә күтәрергә, кубикны сул кулга күчерергә. Кулларны яннан аска төшерергә .
2.Аяклар җилкә киңлегендә аерылган, кубик тоткан уң кул аста. Алга иелергә, аяк очлары арасына кубикны идәнгә куярга. Тураеп басарга,куллар артта Алга иелеп кубикны уң кул белән алырга,тураеп басарга.
3 Аякларны чалыштырып, кубикны уң кулга тотып идәнгә утырырга. Уңга борылып кубикны алырга. Шуны ук сул якка эшләргә.
4.Аяклар әз генә аерып басылган,кубик аяк алдында. Кубик тирәли ике аякта башта бер аннары икенче аякка сикерергә.
5.Тезелеп колоннада йөрү,кубик тоткан кул баш өстендә.

Тема:Нәрсә ул- космос?
Максат: космос турында башлангыч мәгълүмат бирү. Тирә - юньне табигатьне аңларга һәм сакларга сәләтле социаль актив , иҗади шәхес тәрбияләү.

Кечкенәләр төркеме.Балалар белән әңгәмә үткәрү.

Максат: Балаларда беренче очуны Юрий Гагарин белән танышу аша илебезгә карата горурлык хисләре тәрбияләү.

Бүген, 3 апрель көнне Наласа балалар бакчасында "Кошлар - безнең дуслар" темасына күнелле чара оештырылды. Әлеге чараның максаты - балаларга кышлаучы һәм күчмә кошлар турында күбрәк мәгълүмат бирү,кошларга карата кайгыртучанлык тәрбияләү.Экологиягә кагылышлы мондый чарага Татарстан Республикасының биологик ресурслар буенча дәүләт комитетының " Ашыт" табигый тыюлыгы белгечләре Абрахманова Гөлнара Ильяс кызы,Шәйхетдинов Ильшат Шамил улы, Хурамшина Талия Тәлгать кызы чакырылды.
Бу чарага алдан ук әзерлек эшләре башланды. .Берсеннән - берсе матур сыерчык ояларыннан күргәзмә оештырылды. Шушы темага карата стенд булдырылды.
Тәрбиячеләр бу чараны бик күңелле һәм истә калырлык итеп оештырдылар. Балаларның барысы да актив катнашып , үзләренең белемнәрен күрсәттеләр.
Чара ахырында Шәйхетдинов Ильшат Шамил улы пультлы виртуаль чынбарлык күзлеге белән таныштырды. Балалар виртуаль чынбарлык күзлегеннән файдаланып,экология буенча яңа мәгълүмат үзләштерделәр, кызыксынулары артты.
Хурамшина Талия Тәлгать кызы , Абрахманова Гөлнара Ильяс кызы үзләренең балаларга һәм балалар бакчасы коллективына матур, җылы теләкләрен җиткерделәр. Сыерчык оялары алып килгән балаларга грамоталар тапшырдылар һәм тәрбиячеләрнең хезмәте дә югары бәяләнде. Балалар бакчасы мөдире Гафурова Эльмира Рашат кызы килгән кунакларга олы рәхмәтен әйтте, эшләрендә уңышлар теләде. Шундый матур очрашулар киләчәктә дә насыйп булсын.