Бүген Арча шәһәренең 11 нче номерлы"Күбәләк" балалар бакчасында районкүләм "Яшь полиглот" бәйгесе булып үтте.
Полиглот – күп телләр белүче дигәнне аңлата. Кеше никадәр күбрәк тел белсә, шулкадәр күбрәк белем алырлык сәләткә ирешә ала, рухи яктан бай була дигән гыйбарә бар. Бакчабыздан катнашучы Мөхетдинова Әнисә өч телдә үзенең осталыгын күрсәтеп, 1 урынга лаек булды. Әфәрин!Әнисәне чын күңелебездән котлыйбыз, алдагы бәйгеләрдә уңышлар телибез.

Воспитанники старшей группы активно участвуют в республиканском конкурсе "Эковесна 2026", 7 неделя проходит под названием " Мы за раздельный сбор" . Воспитанники вместе с родителями принесли первые килограммы  макулатуры. Они собрали 69,741 кг макулатуры.
В мероприятии участвовало 9 детей.

Бүген, 8 май көнне, Бөек Җиңүнең 81 еллыгы алдыннан Наласа "Балачак"балалар бакчасы ,Наласа урта гомуми белем бирү мәктәбе, мәдәният йорты белән берлектә Җиңүнең 81 еллыгына багышланган чара узды. Чара программасына Җиңү бәйрәме, тынычлык, Ватанны саклаучыларның үлемсез батырлыгы турында “ Билгесез солдат” һәйкәленә чәчәкләр куелды, һәлак булучылар бер минут тынлык белән искә алынды.
Без фронтта, тылда көтелгән Җиңүне якынайткан бабайларыбыз, әбиләребез батырлыкларын хәтерлибез һәм хөрмәт итәбез. Аларның фидакарьлеге Ватанга мәхәббәт һәм патриотизм үрнәге булсын, ә җиңүче буынга рәхмәтлелеге безнең йөрәкләребездә һәрвакыт яшәсен!

9 май -  Җиңү көне  якынлашканда   без балалар белән Бөек  Ватан сугышы ветераны Насыйбуллин Илдус бабай  белән очрашуга бардык. Тормышта төрле хәлләрне күргән, ләкин сынмаган, сыгылмаган  кыю ир кеше ул.Илдус бабайга матур теләкләр теләдек, бәйрәм белән котлап үз кулларыбыз белән ясалган котлау открыткасы, күчтәнәчләр тапшырдык.Шулай ук аның бакчасындагы, капка төбендәге, ишек алдындагы чүпләрне җыеп, себереп, тырмалап алдык.Илдус бабай үз чиратында безгә рәхмәт укып, тәм-томнар белән сыйлады.
Без  ветераннарыбыз белән чиксез горурланабыз. Аларның батырлыгы, түземлеге, кыюлыгы алдында баш иябез.

Бөек Җиңүнең  81 еллыгына багышланган "Җиңү тәрәзәләре" Бөтенроссия акциясендә
катнашып, балалар ветераннарга һәм Бөек Җиңүне якынайткан һәркемгә рәхмәт һәм ихтирам белдерәләр!

Ул "Безнең Геройлар янәшәдә яши" дип атала.
Яз җитү белән һәйкәлләрне карау һәм тәртипкә китерү- һәрберебезнең бурычы. Чиста һәйкәл – үткәнгә, тарихка рәхмәт белдерү, ансыз киләчәк юк. Безнең изге бурычыбыз – яшәүче ветераннарны гына түгел, инде безнең арада булмаганнарны да кайгырту, хәтерне саклау һәм Бөек Җиңү тарихын киләчәк буыннарга тапшыру.
Һәйкәлне төзекләндерү – сугышны үткән буын алдында, аларның батырлыгы һәм ныклыгы алдында хөрмәт белдерү. Бу – безнең эшләребезнең кечкенә генә бер өлеше, авылыбызның киләчәген кайгырту, яшь буынның бабаларыбыз хәтерен хөрмәт итүе өчен. Безнең төп бурычыбыз – бу хәтерне еллар буена саклап калу.
Бүген без балалар белән һәйкәл тирәсендәге территорияне тәртипкә китердек, чистарттык. Барысы да күтәренке күңел белән эшләде. Кемдер яфрак җыйды, кемдер аны өемнәргә туплады, кемдер капчыкларга салды. Эшләренең нәтиҗәсен күрү, балалар өчен бик күңелле, горурлык булды, һәркем бу эшкә үз өлешен, җылысын кертте.
Мондый чаралар яшь буынга ватанпәрвәрлек хисләрен тәрбияли. Үз тормышлары бәясе белән, безгә тынычлык һәм ирек бүләк иткән ветераннарыбызны хөрмәтлибез, аларга чиксез рәхмәтлебез.

Көннәр җылы, күктә алсу
Нур сибеп кояш көлә,
Җәйге шатлык, көзге бәхет
Яз белән бергә килә.
 

Габдулла Тукайның әсәрләрен сәнгатьле сөйләү район бәйгесендә катнашып,катнашучы дипломы белән бүләкләнгән Исхакова Зәлияне чын күңелебездән котлыйбыз. Алдагы бәйгеләрдә дә зур уңышлар теләп калабыз!

Балаларга экологик тәрбия бирү көндәлек аралашу, саф һавада йөрү вакытында, төрле уеннар, әңгәмәләр, балалар бакчасында балаларга тәрбия һәм белем бирүнең төп формасы булган эшчәнлекләр аша алып барыла. Үзең яшәгән, эшләгән урыныңны чиста тотарга тырышу, өмәләрендә үз өлешеңне кертү - һәркемнең бурычы. Без дә балалар бакчасы мәйданчыгын һәм аның тирә-ягын чистарту буенча актив эшчәнлекне дәвам иттек. Бүген безгә балалар да кушылды. Иске яфрак, үләннәрне тырмаладылар,корыган куак ботакларын чистартып,себереп куйдылар. Бакчабыз территориясе чиста, матур булды. “Эш беткәч, уйнарга ярый.” дигән бит борынгылар.Шул мәкальгә таянып эшләгәннән соң, уен мәйданчыгына юнәлдек. 

29 нчы апрель көнне Арча шәһәренең 2 номерлы балалар бакчасында " Яшь биючеләр " ( " Вальс Победы") конкурсында катнашып, безнең балалар бакчасында тәрбияләнүче Исхахова Зәлия һәм Гайнетдинов Риназ " Долгожданная встреча" биюен башкарып, 2 дәрәҗәдәге Грамота белән бүләкләнделәр.Аларга киләчәктә дә уңышлар телибез.