9 нчы класс укучылары район буенча игълан ителгән "Иң культуралы класс" конкурсында катнаштылар. Район Укучылар сарае нигезләмә буенча нәтиҗәләр чыгарды. 9 нчы класс укучылары үз яшь категорияләрендә 1 нче урынга ия булдылар. Бу җиңү класс җитәкчесе Шакирова Гүзәлия Камилевнаның эш нәтиҗәсе һәм 9 нчы класс укучыларының активлыклары аркасында яуланды. Молодцы!!!

Бүген Казан арты тарих-этнография музеенда күренекле татар язучысы Гомәр Бәшировны искә алу кичәсе үтте. Бу кичәдә безнең мәктәптән татар теле һәм әдәбияты укытучылары, китапханәче катнашты. Без кабат Г.Бәшировның бөеклегенә тукталдык, ул йөргән юллардан атладык. Язучының туганнары сөйләгән истәлекләрне тыңлап, рухи азык алдык. Ул язган әсәрләр бүгенге көндә дә әһәмиятен югалтмый, киләчәк буыннар өчен югалмас хәзинә китап киштәләрендә саклана. 

Мәктәп янында укучылар өчен көн дә катокка килеп шөгыльләнү мөмкинлеге тудырылган, теләк кенә булсын. Саф һавада йөреп кайту сәламәтлек өчен дә файдалы. Балалар аны үзләре кардан чистартып та тора. Катокта эшчәнлек буенча җаваплылыкны физкультура укытучысы Җәләлиев И.И. контрольдә тота.

Күренекле татар халык шагыйре Габдулла Тукайның 130 еллыгы уңаеннан "Тукай эзләреннән" бәйгесе үтте. Бу бәйгедә безнең укучылар бик актив катнаштылар. Безнең мәктәптән 1 нче класс укучысы Якупов Рүзәл 2 нче (җитәкчесе Шиһабиева Л.Р.),Казиле башлангыч мәктәбеннән 1 нче класс укучысы Йөзлекәев Айназ 3 нче урын (җитәкчесе Арсаева Л.Р.) яулады. 

Балалар оешмаларының эшчәнлеген тормышка ашыру максатында,  республика буенча "Ватан сагында" исемле рәсем конкурсы игълан ителде. Бу конкурста башлангыч класс укучылары бик актив катнаштылар. Иң яхшы рәсемнәр сайлап алына, район Укучылар сараенда үтәчәк икенче турга тапшырыла. 

10 нчы класс укучысы Хәбибуллин Илмир  бүген олимпиадаларга әзерләү буенча Республика үзәгенә экономика фәненнән  укулар узарга китте.

Әдәбият елын инде йомгакладык. Нәтиҗәләр чыгарыр вакыт та җитте. Китапханәче Халисә Камилевна "Иң күп китап укучы", "Иң күп китап укучы класс", "Иң кечкенә китап укучы бала" номинацияләре буенча җиңүчеләрне билгеләде.   Бүген  китапханә    балалар бакчасына йөрүче нәни  кунакларны үзендә кабул итте. Балалар китап белән куллану кагыйдәләрен тыңладылар.

Бүген 11 нче класс укучылары математика һәм рус теле фәне буенча фән укытучыларыннан  консультацияләр ала.

Заместитель директора по учебной работе Закирова Лилия Ахатовна заняла III место в соревнованиях по шашкам среди членов профсоюза учреждений образования Арского района РТ. Поздравляем!