Безнең мәктәп укучылары бар эшкә дә өлгерә. Туризм түгәрәгенә йөрүчеләр Фазылҗанов Адель, Хәбибуллин Илмир һәм Рәхимҗанова Айзирә Камалиева Эльмира,  район буенча үз яшьтәшләре белән көч сынашып, 1 нче урынны алып кайттылар. Җитәкчеләре Җәләлиев И.И. -ның тырышлыгы, түгәрәктә тәрбияләнүчеләрнең максатчанлыгы нәтиҗәсендә килде бу уңыш. 

3 нче чирек нәтиҗәләре буенча ата-аналар җыелышы узды . Көн  тәртибендә түбәндәге мәсьәләләр каралды:

-"Сәламәт яшәү рәвеше тәрбияләү" темасына чыгыш-Мәннанова Л.Р;

-"Туберкулезга каршы вакцинациянең мөһимлеге"- санэпидемстанциядән килгән белгеч-Латыпова Фирүзә Фәритовна чыгышы;

-Мәктәптә “Аталар Советы” төзү турында- Муллагалиева Г.Н. чыгышы;

-3 нче чирек нәтиҗәләре , 4 нче чиреккә куелган бурычлар-Закирова Л.Ә. чыгышы.

Ата-аналар өчен балаларның кул эшләреннән төзелгән  ачык күргәзмә эшләде. Ахырдан класста гомуми җыелышлар дәвам итте

23 нче март көнне Түбән Мәтәскә урта мәктәбендә башлангыч профсоюз оешмаларының  волейбол буенча зона ярышлары булып узды.  Ярышта Апаз, Иске Чүриле, Түбән Мәтәскә һәм  Арчаның икенче номерлы урта мәктәпләре  профсоюз оешмалары актив катнашты. Ярыш бик күңелле һәм киеренке барды,  чөнки  уенчылар бик әзерләнеп килгәнәр.  Һәр команда составында директорларның уйнавы  да куанычлы хәл. Киеренке ярышта Апаз урта мәктәбе -  беренче, Арчаның икенче номерлы мәктәбе -  икенче, Түбән Мәтәскә урта мәктәбе - өченче һәм Иске Чүриле мәктәбе дүртенче урынны яуладылар. Түбән Мәтәскә урта мәктәбе дирекциясе һәм профсоюз комитеты тарафыннан һәр командага грамота тапшырылды. Зонада беренче һәм икенче урынны яулаган командалар районда уйнаячак. Аларга зур уңышлар телибез.

  әр  нилектән җирдә яз булганын белмәгәннәр.Алар ямьле язны  җылы яктан кара каргалар алып килә дип уйлаганнар.Табигать яшәрүгә йөз тотканда,каргалар килү хөрмәтенәбәйрәм ясый торган булганнар .Аны   “Карга боткасы “дип атаганнар.

  Казиле башлангыч мәктәбендә үткәрелгән бәйрәмдә  авыл халкы да күңел ачты.Балалар өйләргә йөреп йомырка җыйдылар,теләкләр теләделәр,халыкны бәйрәмгә чакырдылар.Ярма ,сөт алып карга боткасы пешерделәр.Ботка пешкән арада төрле уеннар уйнадылар ,җырлар җырладылар,такмаклар әйтештеләр.Аннан бергәләп ботка ашадылар.Ботканың бер өлешен каргаларга дип ялан өстенә сиптеләр .

Әти-әниләр һәм балалар көче белән оештырылган ярминкәдән һәркем канәгать калды.

Бүген Арча педагогия көллиятендә «Илһам» бөтенроссия яшь язучылар бәйгесенең II этабы узды. Безнең мәктәптән «Яшь шагыйрь» номинациясендә Гаффарова Әнисә, “Яшь драматург” номинациясендә Хәсәнова Зөлфия чыгыш ясады. Укучыларның иҗатын  бәяләү комиссиясендә мәртәбәле шагыйрьләр катнашты. Иҗат кешесенә бирелгән уңай бәя аның күңелен үсендерә генә. Безнең укучыларыбыз да киләчәктә яхшырак әсәрләр язып танылырлар дигән теләктә калабыз. Бәйгенең нәтиҗәләре 13 нче апрельдә игълан ителәчәк.

Район буенча "Елның иң яхшы вожатые" конкурсы игълан ителгән иде. Безнең мәктәптән бу конкурста катнашу өчен Хәсәнова Зөлфия тәкъдим ителде. Бу көннәрдә ул вожатый портфолиосы тутырды. Зөлфиягә уңышлар телибез.

Бүген бездә зур бәйрәм . Ел саен үткәрелә торган укучылар ярминкәсен бу уку елында да  көтеп алдык.  Һәр класс үз көче белән сату почмагы оештырды.Сатуда ниләр генә юк!  Сатып алучылар теләген искә алып эшләгәннәр укучыларыбыз. Шунда ук тамак ялгап алырга да мөмкинлек булдырылган. Сатучылар ролендә-укучылар үзләре. Товарыңны бик яхшы итеп мактый белгәндә генә үтәчәген  аңлап эш итте  алар. Авыл халкы да бу чарада теләп катнашты. Ярминкәне оештырганда  теләктәшлек күрсәткән ата-аналарга рәхмәтебезне җиткерәбез.

Менә инде икенче ел Арчада матур күренеш -19 нчы гасырга хас стильдә бию ярышы уздырыла. Берсеннән -берсе матур итеп чыгыш ясаган парларга  карап туймаслык.. Безнең мәктәптән балда 8 нче класс укучылары Сибәгатуллина Илүзә, Вәлиев Азамат, Фазылҗанов Ришат, Харрасова Ләйсән, Фазылҗанов Адель, Заһидуллина Алия, Сабиров Азат, Рәхимҗанова Айзирә катнашты. Биюне сәхнәгә куючы 10 нчы класс укучысы Шиһабиева Энҗе булды, ә коллектив белән инглиз теле укытучысы Исмәгыйлева Г.А. җитәкчелек итте. Алар "Югары артизтизм осталына ия" номинациясе буенча җиңү яуладылар. Мәктәп данын яклап, зур тырышлык белән чыгыш ясаганнары өчен без аларга зур рәхмәтебезне җиткерәбез.

Татарстан Республикасы мәгариф министрлыгының методик хаты, район мәгариф бүлеге боерыгы нигезендә 5-11 нче класс укучылары белән социаль-психологик тест үткәрелде. Тестны үтәү аноним, каршылык күрсәтүчеләр булмады.  Класс җитәкчеләреннән,  район мәгариф бүлегеннән билгеләнгән  психолог Зөлфия Илфировнадан   торган  эшче төркем үз вакытында мониторинг нәтиҗәләрен башкарып чыкты. 

Сәнгать мәктәбе филиалына йөрүче укучылар шагыйрә Клара Булатованың иҗатына багышланган XI Республикакүләм “Дулкыннар” бәйгесендә катнаштылар. “Оркестлар һәм  инстументаль ансамбльләр” номинациясендә Харисов Айбулат –I урынга, Курайчылар ансамбле II урынга лаек булды.  Укучыларга киләчәктә зур уңышлар телибез, җитәкчеләре Харисов Рәдис Рафисовичка рәхмәт җиткерәбез.