Кошларны каршылау көне булачагы алдан хәбәр ителгән иде инде. Мәктәбебезгә “Ашыт” Дәүләт табигый заказнигыннан мохитне саклау буенча  инспекторлар Әхмәтҗанов Рәшит Зиннурович һәм Габдрахманова Гөлнара Ильясовна   кунакка килде. 1-8 нче сыйныф укучылары арасында үткәрелгән “Иң яхшы сыерчык оясы” конкурсына нәтиҗә ясалды.   Башлангыч сыйныф укучылары Заһидуллина Гөлфинә һәм Азалия җиңүче булдылар һәм грамота белән бүләкләнделәр. Калган укучыларга да грамота һәм рәхмәт хатлары тапшырылды. 5 һәм 6 нчы сыйныф укучылары арасында үткәрелгән КВН да бик күңелле узды. Кошлар турында иң күп белүче 5 нче сыйныф укучылары 1 нче урынга, 6 нчы класс укучылары 2 нче урынга лаек булды. Рәшит Зиннурович һәм Гөлнара Ильясовна КВНда катнашкан укучыларга, мохитне саклау буенча үткәрелгән чараларда актив катнашканнары өчен, грамоталар һәм истәлекле бүләкләр тапшырды. Укучылар белән эшне оештыручы химия-биолгия укытучысы Маннанова Лилия Равилевна һәм география укытучысы Гаффарова Дамира Вакиловна Татарстан Республикасы урман хуҗалыгы министрлыгының “Ашыт” Дәүләт табигый заказнигы дипломы белән бүләкләнде.

1 нче класс укучылары өчен зур бәйрәм. Алар әлифбаны укып тәмамлады.  Класс җитәкчеләре  Шиһабиева Лилия Рәфкатевна , башлангычлар һәм аларның ата-аналары катнашында зур бәйрәм оештырылды. Укучылар ярты ел дәвамында укып,  нәрсәгә сәләтле булуларын күрсәттеләр. 

Районда "Елның иң яхшы вожатые" конкурсы булды. Безнең мәктәптән  9 нчы класс укучысы Хәсәнова Зөлфия "Иң иҗади вожатый"номинациясендә җиңүче булды. Зөлфияне яклап чыгыш ясауда 4 нче класс укучысы Нәбиуллина Әдилә дә катнашты.   Вожатыйлар үз эшләрен презентацияләделәр, "Мин - вожатый" исеме астында эссе укыдылар, отрядта эшләү барышында килеп туган педагогик ситуацияләрне хәл иттеләр.  

Бүген бездә Сингапур укуларының з нче этабы бара. Укытучылар яңа укыту алымнары белән танышалар, структураларны дәрестә куллану мөмкинлеген өйрәнәләр.

Хәсәнова Зөлфия "Елның иң яхшы вожатые" конкурсының икенче турына сайлап алынды. Ул бу көннәрдә үз хезмәтен презентацияләү буенча материал туплый. Аңа ярдәмгә 6 нчы класс укучылары да кушылды.

Кош ояларына күргәзмә оештыруны бу уку елында да укучыларыбыз теләп кабул итте . Ниндиләрен генә ясамаганнар! Күз явын алырлыклары да җитәрлек. Кош оялары хуҗаларын көтә. Оештыручылар Гаффарова Д.В., Мәннанова Л.Р. нәтиҗәләр чыгару өстендә эшли. Укучылар  ул нәтиҗәләрне 4 нче чирекнең бернче оештыру линейкасында ишетәчәк.

Бүген бездә районыбыз мәктәпләреннән җыелган укытучылар өчен Сингапур укулары  оештырылды. Район мәгариф бүлегеннән килгән укытучы, методистлар  Гатауллина Л.М.  җитәкчелегендә  укуларның асылына төшендерделәр: теория практик өлеш белән аралаштырылды. Структураларны дәресләрдә куллану мөмкинлекләренә күбрәк тукталдылар. .Алда әле укуларның өченче өлеше дәвам итәчәк. 

Безнең мәктәп укучылары бар эшкә дә өлгерә. Туризм түгәрәгенә йөрүчеләр Фазылҗанов Адель, Хәбибуллин Илмир һәм Рәхимҗанова Айзирә Камалиева Эльмира,  район буенча үз яшьтәшләре белән көч сынашып, 1 нче урынны алып кайттылар. Җитәкчеләре Җәләлиев И.И. -ның тырышлыгы, түгәрәктә тәрбияләнүчеләрнең максатчанлыгы нәтиҗәсендә килде бу уңыш. 

3 нче чирек нәтиҗәләре буенча ата-аналар җыелышы узды . Көн  тәртибендә түбәндәге мәсьәләләр каралды:

-"Сәламәт яшәү рәвеше тәрбияләү" темасына чыгыш-Мәннанова Л.Р;

-"Туберкулезга каршы вакцинациянең мөһимлеге"- санэпидемстанциядән килгән белгеч-Латыпова Фирүзә Фәритовна чыгышы;

-Мәктәптә “Аталар Советы” төзү турында- Муллагалиева Г.Н. чыгышы;

-3 нче чирек нәтиҗәләре , 4 нче чиреккә куелган бурычлар-Закирова Л.Ә. чыгышы.

Ата-аналар өчен балаларның кул эшләреннән төзелгән  ачык күргәзмә эшләде. Ахырдан класста гомуми җыелышлар дәвам итте

23 нче март көнне Түбән Мәтәскә урта мәктәбендә башлангыч профсоюз оешмаларының  волейбол буенча зона ярышлары булып узды.  Ярышта Апаз, Иске Чүриле, Түбән Мәтәскә һәм  Арчаның икенче номерлы урта мәктәпләре  профсоюз оешмалары актив катнашты. Ярыш бик күңелле һәм киеренке барды,  чөнки  уенчылар бик әзерләнеп килгәнәр.  Һәр команда составында директорларның уйнавы  да куанычлы хәл. Киеренке ярышта Апаз урта мәктәбе -  беренче, Арчаның икенче номерлы мәктәбе -  икенче, Түбән Мәтәскә урта мәктәбе - өченче һәм Иске Чүриле мәктәбе дүртенче урынны яуладылар. Түбән Мәтәскә урта мәктәбе дирекциясе һәм профсоюз комитеты тарафыннан һәр командага грамота тапшырылды. Зонада беренче һәм икенче урынны яулаган командалар районда уйнаячак. Аларга зур уңышлар телибез.