"Сөйкемле Шүрәле" конкурсында җинеп чыккан эшләр күргәзмәсе белән таныштык. Эшләрнең төрлелегенә сокланып, хозурланып йөрдек.

Яңа Кырлай урта мәктәбе каршында оешкан “Дуслык” мәктәп яны җәйге ял лагерында 12 июнь - Россия көне уңаеннан тәрбия сәгате,викторина,рәсем конкурсы үткәрелде, китаплар күргәзмәсе оештырылды. Бәйрәм иртәсе София Ротару башкаруындагы “Родина моя” җыры астында иртәнге зарядка белән башланып китте. Россия көненә багышланган “Дәүләтебез символлары” дигән темага тәрбия сәгате уздырылды. Бу тәрбия сәгате балаларның дәүләтебез символикасы турында булган белемнәрен ныгытты. Соңыннан балаларның белемнәрен тикшерү максатыннан, викторина уздырылды, Россияне ничек күзалллауларын асфальта рәсем ясап күрсәттеләр. һәм нәтиҗә ясалды. Россия көненә багышланган мероприятиене балалар кулларын йөрәк турысына куеп, дәүләт гимнын җырлап тәмамладылар.

Бүген лагерьда "Театр яктылыкка, нурга илтә " дигән темага бик кызыклы кичә булды. Театрларны, аларны язган язучыларны тануга багышланган сорауларга жаваплар эзләделәр. Кичә ахырында төрле әкиятләрне сәхнәләштереп курсәттеләр.

Лагерь башланганга бер атна үтеп тә китте. Балалар бик теләп йөриләр. Әйдаман апалары аларга төрледән-төрле уеннар, ярышлар, экскурсияләр, кызыклы очрашулар оештыралар. Бүген Яңа Кырлай авылының иң оста шахматчысы Мостафин Мәсхүт абыйлары белән очраштылар. Мәсхүт абый балаларга шахмат турында сөйләде, уйнау серләрен чиште. Соңыннан теләүчеләр белән шахмат та уйнап карадылар. Очрашу күңелле һәм файдалы булды.

Иртәбез иртәнге зарядка белән башланып китте. Тышта салкын һәм янгырлы булу  сәбәпле, план буенча уткәрелергә тиешле саф һавадагы хәрәкәтле  уеннарны спортзалда уткәрергә туры килде.

Дуслык лагеренда бүген "Сөй, хөрмәт ит,  ярат китапны" дигән тәрбия чарасы булып узды. Балалар узләренең яраткан китаплары турында сөйләделәр. Тәрбия чарасы ахырында ел буена кем күбрәк әдәби китаплар укуы турында нәтиҗә ясалды.