21 октябрь көнне 8-11 класлар арасында "Көзге фантазия" дип исемләнгән күргәзмә оештырылды. Укучылар бу эшкә бик җитди караганнар. Табигый материаллардан һәм җиләк-җимешләрдән оригиналь фигурлар килеп чыккан. Молодцы!

20 нче октябрь көнне мәктәбебездә 8-11 нче сыйныфларның "Көзге бал" бәйрәмнәре булды. Һәр класс бик ныклап әзерләнгән. Кичә күңелле уеннар, матур җырлар, дәртле биюләр белән үрелеп барды. Бәйрәм искиткеч матур, эчтәлекле булды. Афәрин, булдырдыгыз, рәхмәт!

Көзге муллык бәйрәменең «Йөзек кашы» – күргәзмә. Бүген күргәзмәләр бәйгесендә башлангыч класс укучылары катнашты. Монда нинди генә төр геройлар юк! Урманнан кыргый җәнлекләр дә, йорт хайваннары да килгән! Шундый да оста, искитмәле зәвык белән эшләнгән әйберләр. Әйтик, җылы якның жирафы – кишердән, аю – бәрәңгедән, яшь кәләш белән кияү–кабактан. Симәнке һәм кабак төшләреннән иҗат ителгән картиналар, банан-апельсин, лимон кабыкларыннан иҗат ителгән көзге сурәтләр күз явын алып тора, һәркайсы «җиңүче» ләр булдылар.

Бүген хезмәттәшебез Хәбриев Шамил Садыйк улының туган көне. Сезне җан тибрәлешегез яктылыкка омтылып, дөньяга килгән көнегез белән котлыйбыз! 60 яшь ул нибары 60 кыш, 60 җәй һәм 60 яз гына. Йөзегездә нур уйнап торганда, сезнең өчен ул гомерегезнең җәе генә. Әле аның көзе дә, кышы да, кабат әбиләр чуагы да булыр. Сезгә бездән бер генә теләк — саулык, ә тән сихәтлеге ул — озын гомер, шатлык, бәхет һәм күңелеңдәге илаһи нур тамчысы. Киләчәктә балаларыгыз вә оныкларыгызның игелеген, шәфкатен күреп, тормышка сөенеп яшәргә язсын.

Күпме генә бәхет теләсәк тә

Бик аз булыр кебек тоела.

Кирәк чакта ярдәм итәсез,

Шәфкатьле сез һәрбер кешегә.

Шуңа сезне бар да яраталар,

Дус-ишләр дә йөри килгәләп.

Сау-сәламәт булып туксанны да,

Үткәрергә язсын бергәләп.

Бүген «SaMoSтоятельные Дети» проектында катнашучы “ЭRON” отряды, педагог-организатор Шарафетдинова Г.Н. җитәкчелегендә “Здоровая пробежка” акциясен уздырды.

Укытучылар көне уңаеннан "SMS дети" республикакүләм проектта катнашучы "ЭRON" отряды мәктәптә  "Укытучыңны котла" акциясен уздырды. Укучылар барлык укытучыларга изге теләкләрен җиткереп, матур букетларын бүләк иттеләр, газета чыгардылар.

Бүген Г.Тукай мемориаль музеенда Россия композиторлар берлеге әгъзалары белән җылы очрашу булды.Делегация Рәшит Калимуллин җитәкчелегендә  Кытайдан, Авсртралиядән, Башкортстаннан, Красноярскидан һәм Казаннан килгән иде. Араларында Резеда Ахияроваь, Илһам Байтирәк һәм яшь композитор Алсу Сцнгатуллина да бар. Екатерина Коврикова бик матур итеп рояльда  композиторларыбызның әсәрләрен  башкарды. Тере музыка укучыларыбыз кунеленә хуш килде. Мондый очрашулар ешрак булсын иде дигән теләктә калабыз.