Бүген мәктәп бакчасы кырмыска оясын хәтерләтә иде. Укучылар да, укытучылар да тырышып эшләделәр. Бакчадан көзге уңышны җыеп алдылар.

.

Бүген терроризмга каршы көрәштә бердәмлек көне уңаеннан Россия Федерациясе халыклары белән бергә без бернинди гаепсезгә гомерләре өзелгән терроризм акты корбаннарын искә алабыз. Терроризм – бүгенге көндә иң дәһшәтле, кан койгыч социаль күренеш. Аның төп максаты – физик көч кулланып халыкны куркыту, төрле дин һәм милләт кешеләренең үзара ышанычын бетерү, дәүләт институтларына психологик басым ясарга омтылу, явыз максатларны тормышка ашыру өчен кешеләрне җәлеп итәргә тырышу. Әлеге төр явызлыкка каршы көрәш – дөнья җәмәгатьчелегенең иң зур һәм катлаулы бурычларының берсе. Аны бары тик бердәм булып кына җиңеп була. Бергаепсез меңләгән кешенең гомерен өзгән, газап һәм тилмерүләр китергән бу рәхимсез җинаятьләргә беркем дә битараф калырга тиеш түгел. Татарстан җирендә күп гасырлар дәвамында йөздән артык милләт вәкилләре дус һәм тату яши. Үзара аңлашу, бер-берсенең гореф-гадәтләренә, мәдәни һәм рухи кыйммәтләренә карата ихтирамлы мөнәсәбәт– республикабызда тынычлыкның һәм иминлекнең төп нигезе. Россия Федерациясендә терроризм актларын булдырмас өчен эшлекле һәм төгәл карарлар кабул ителә. Кешенең бәхетсезлегенә битараф булмау, җаваплылык һәм саклык күрсәтү – үзен чын гражданин итеп таныган һәркемнең олы бурычы. Уртак йортыбызның иминлеге, якыннарыбызның, туганнарыбызның, балаларыбызның, оныкларыбызның исәнлеге безнең һәрберебездән тора дип әйтергә мөмкин. Ватаныбызның бүгенгесе һәм киләчәге өчен без гражданлык хисен, милләтләр бердәмлеген ныгытачакбыз, милли, дини яки социаль экстремизмга каршы көрәш алып барачакбыз. 

 Бүген 5 нче класс җитәкчесе Кәбирова Әнисә Рәшидовна укучыларда класс коллективына карата уңай бәя, класста яхшы психологик микроклимат тудыру максатыннан “Туган көнең белән, 5 класс!” дигән класс сәгате үткәрде. “Минем исемем”, “Кызыклы дәресләр” дигән уеннар укучыларга бик ошады, аларны якынайтты. Класс сәгате укучыларның сәләтләре турындагы әңгәмә белән дәвам итте.

3 сентябрь көнне илебездә  ел  саен терроризмга каршы көрәштә теләктәшлек көне билгеләп  үтелә. 2004 нче  елның  1-3 сентябрендә Бесланда булган коточкыч фаҗигане   халык беркайчан да онытмас. Бу көнне Төньяк Осетиянең Беслан шәһәрендә беренче санлы мәктәпне кулга алу нәтиҗәсендә 334 кеше һәлак булды, шуның 186сы – балалар. Бесландагы коточкыч һәлакәттән соң дистә ел үтсә дә, ул әле дә кичәгедәй күз алдында. Ул вакытта бар кешелек вакыйгаларның ахыры яхшы тәмамлануын теләде, фаҗига урыныннан хәбәр көтте. Шуңа да теракт корбаннарын һәр ел саен бар дөнья искә ала. Безнең мәктәптә дә бу көнне искә алып тәрбияви чара оештырылды. Укучыларга терроризмга каршы илкүләм көрәшкә чыкканда гына нәтиҗәләр яхшы булачагы турында аңлатылды.Һәрвакыт саклану чараларын кулланырга кирәк икәнлеге әйтеп үтелде.

7-11 классларда "Мин ГТО нормаларын үтәргә әзер" дигән темага тәрбия сәгатьләре утте.