Көннең яктылыгы кояшта, күкнең матурлыгы йолдызларда, җир йөзенең гүзәллеге әниләрдә . Ана! Әни! Нинди бөек исем! Дөньяда әниләрдән дә газиз, изге зат юктыр.Бүген Г.Тукай әдәби-мемориаль музеенда, музей хезмәткәрләре белән берлектә, башлангыч классларның әниләр бәйрәме узды. Барлык укучылар бу көнне түземсезлек белән көттеләр,әниләренә дип үз куллары белән бүләкләр дә әзерләделәр.Әниләр дә, укучылар да үзләрен төрле уеннарда сынадылар.Бәйрәм бик күңелле узды.

   Бүген мәктәбебездә, иртәнге линейка вакытында, математика, физика һәм информатика атналыгына нәтиҗә ясалды. Төрле конкурсларда, викториналарда җиңүче, иң тапкыр, иң зирәк укучыларга грамоталар тапшырылды.

   Атналык кысаларында мәктәбебездә төрле чаралар дәвам итте. Укучылар бик теләп "Башваткыч", "Формула яз" конкурсларында катнаштылар. Алар иптәшләрен үзләре ясаган башваткычлар белән таныштырдылар, формулаларны белүләрен исбатладылар.

11 нче класс укучысы Шәрипов К. “Бәхетле тарихлар” баларга ярдәм фонды оештырган IV «Глаголица”  Бәйсез балалар әдәбият премиясе конкурсында катнашып II дәрәҗәдәге лаурет булды,  диплом, планшет белән бүләкләнде һәм  бер атна”Байтик” лагеренда белемнәрен камилләштерде.

Бүген Казан шәһәренең "Полимер" мәдәният сараенда "Алтын Лира" Бөтенроссия балалар һәм яшүсмерләр иҗаты фестиваль-конкурсы гөрләп узды. Конкурста безнең мәктәпнең 2 нче класс укучысы Сөнгатуллин Д.Р.(Җитәкчесе Солтанова Г.Р.)уңышлы чыгыш ясап, 3 нче урынга лаеклы булды. Уңышыгыз белән котлыйбыз! Киләчәктә тагын да зурырак үрләр яулавыгызны теләп калабыз.

Әни, әнкәй, нәнәй… Бу якты дөньяга килгәч тә безне, йомшак куллары белән сыйпап, ак биләүгә биләүче, еласак, җыр көйләп юатучы, татлы йокыдан иркәләп уятучы, яшәргә көч-дәрт бирүче, гомер буена кайгы–шатлыкларыбызны уртаклашучы, тормышыбызның бизәге, таянычы, акыллы уй–фикерләре белән тормыш дигән олы юлдан алып баручы ул. Кадерле, газиз әниләребез! Сезне бәйрәмегез белән чын йөрәктән котлыйбыз. Сезгә ныклы сәламәтлек, озын гомер телибез. Балаларыгызга картайган көннәрегездә дә терәк булып, ә сезгә, гомер буе алар янәшесендә, кадер–хөрмәттә яшәргә язсын.

Бүген 10-11 класс укучылары арасында "Кызыклы математика" уены узды. Укучылар уенның төрле этапларында  бик актив катнаштылар. Математик мәсьәләләр чиштеләр, рәсемнәр ясадылар, викторина сорауларына җаваплар бирделәр. Нәтиҗәдә 10 нчы класс укучылары җиңү яуладылар.