Биология-химия атналыгы кысаларында югары класс укучылары өчен "Яшь химиклар" бәйгесе оештырылды.Укучылар химия фәне буенча төпле белемнәрен күрсәттеләр. Балык та тоттылар, кызыклы сорауларгада җавап бирделәр.

Бүген бездә Республикакүләм халык балалар иҗаты “Без бергә” конкурс фестиваленең мәктәп туры узды.Укучылар төрле номинацияләр буенча чыгыш ясадылар. Һәр чыгыш тырышып, җиренә җиткереп әзерләнгән. Укучылар бик теләп катнаштылар. Мәктәп турыннан узган укучылар 21 март көнне район турында катнашачаклар. Аларга уңышлар телибез.

Бүгенге көннең максаты ялгыз ветераннарның хәлен белү, аларга ярдәм итү иде. Шушы уңайдан 6 класс укучылары, педагог-организатор Шарафетдинова Г.Н. җитәкчелегендә пенсионер укытучы Гатауллин И.М.ның өендә булдылар. Алар пенсионер укытучының хәлен белделәр. Илгизәр Мингалиевич бик сөенде, укучыларга рәхмәт эйтте.

Биология укытучысы Мифтахова Гөлнар Гарифҗан кызы башлангыч классларда “Урман аланына сәяхәт” дигән темага класстан тыш чара үткәрде. Укучылар табигатьнең бер тере почмагы буларак урманның тереклек ияләре турында белемнәрен киңәйттеләр. Табигатьтә үз-үзеңне тоту кагыйдәләрен искә төшерделәр. 5 класс укучылары “Мин табигатьне саклауга нинди өлеш кертә алам” дигән темага мини инша яздылар.

Бүген мәктәбебездә янгын күзәтчелеге инспекторы Сотов А.Ю. һәм ОСВОД вәкиле Лесенко А.П. укучылар белән очраштылар. Алар укучыларны, бик үтемле итеп, янгын куркынычсызлыгы һәм сулыкларда , су буйларында үз-үзеңне тоту кагыйдәләре белән таныштырдылар. Укучыларның бу өлкәләрдә булган белемнәрен дә тикшереп карадылар.