Оста куллар һәрвакыт,

Теләсәң, эш табыла.

Эш эшләгәч, тәмле була

Аш та, чәй дә табында.

1 нче кечкенәләр төркеме. Өстәл өсте уеннары уйнау. Балаларның игътибарлылыкларын, мөстәкыйльлекләрен үстерү.

"Чума үрдәк, чума каз"  уены уйнау.

Бүген Арчаның 1 нче номерлы балалар бакчасында "Юный полиглот" конкурсы булып узды. Анда безнең бакчадан мәктәпкә әзерлек төркеменнән Хусаинов Раяз катнашты. Ул 3 телдә шигырь сөйләде һәм III дәрәҗәдәге дипломант дипломы белән бүләкләнде. Котлыйбыз! 

Көнбагыш чәчәге ясау. Максат: балаларгы көнбагыш чәчәген ясау ысулын өйрәтү; кәгазь битенә рәсемне дөрес ясауларына ирешү. Балаларның дөрес төсләрне кулланып рәсемне буяулары. Мөстәкыйльлек, иҗади сәләтләрен үстерү; балаларда матурлыкка соклану тойгылары уяту.

1 нче кечкенәләр төркеме. Чәчәк үсентеләренә су сибү; балаларда үсемлекләргә, чәчәкләргә, гөлләргә карата сакчыл караш тәрбияләү. Балаларның сенсор тою һәм кабул итү сәләтен, игътибарын, күзәтүчәнлеген үстерү. 

Туп ярдәмендә "Син беләсеңме?" уены уйнау. Уенны мәктәпкә әзерлек төркемендәге бала уйната. Ул калган балаларга сораулар бирә, ә алар үз чиратында тупны тәгәрәтеп сорауга җавап бирәләр. Бу уенның әһәмияте шунда: монда төсләр дә, саннар да, яшелчә һәм җиләк- җимешләр дә атала һәм русча тәрҗемәләре дә әйтелә. Әкиятләр дә, гаилә әгъзалары да искә төшерелә. Шул рәвешле башка сораулар да бирергә мөмкин.

Бездә бүген Камиләнең туган көне. Аңа 4 яшь. Без Камиләгә озын гомер, сәламәтлек, тәртипле, инсафлы бала булып үсүен телибез. Иптәшләре белән гел дус, тату  уйнасын; шундый ук ярдәмчел һәм игътибарлы булып калсын.

Тема: Ташбака әвәләү. Максат: Балаларга ташбака әвәләү эзлеклелеген аңлату. Һәр өлешен дөрес итеп башкаруларына ирешү. Соңыннан эшләренә бәя бирү.