Коммуникация (аралашу). Тема: "Минем туган җирем". Максат: Туган шәһәребезгә (авылыбызга) карата горурлык хисе тәрбияләү. Үстерелешле диалог, сөйләм күнекмәләрен камилләштерү. Балаларның Ватаныбыз, республикабыз һәм аның символлары турындагы мәгълүматларны арттыру.

Бездә бүген зурлар төркеменә йөрүче Айлинәнең туган көне. Аңа 5 яшь. Шул уңайдан безнең бакчабызга кунакка Минни Маус килде. Ул балаларга төрле уеннар уйнатты,биетте, ярыштырды, көлдерде, сораулар бирде. Балаларга бик күңелле булды.

Уртанчылар төркеме белән пластилиннан әвәләп ясау шөгыле. Тема:"Гөмбәләр". Балалар белән пластилинны әвәләү төрләрен искә төшерү (тәгәрәтү, түгәрәк ясау). Гөмбәнең нинди өлешләрдән торуын ачыклау. Эшне тәртип белән башкаруларына ирешү.

Тема: "Көзге келәм". Максат: Балалар белән көз турында фикер алышу. Кайчы белән эш иткәндә куркынычсызлык кагыйдәләрен искә төшерү. Төсле кәгазьгә яфраклар төшерү һәм кисү. Балалар эшчәнлегенә нәтиҗә ясау.

1 нче кечкенәләр төркеме белән уен площадкасында уйнау. Уен аша балаларда дус, тату, ярдәмчел булу сыйфатлары тәрбияләү.

Максат: Зурлар төркеме белән өйрәнгән саннарны искә төшерү(1-5); 10 га кадәр саннар белән танышу; язылышларын өйрәнү. Балаларда игътибарлылык, мөстәкыйльлек тәрбияләү.

Максат: балаларда китапка карата кызыксыну формалаштыруны дәвам итү;  балаларның игътибарын, хәтерен үстерү; балаларда китапка карата хөрмәт тәрбияләү. Китаптагы рәсемнәрне карап нинди әкият икәнен әйтү; рәсем буенча әкиятне сөйләү. 

Балалар өчен лото уены бик күнелле. Алар яшелчә һәм җиләк-җимешле карточкаларның урынын гына табып калмыйлар, ә шул карточкадагы рәсемгә аңлатма да биреп китәләр. Мәсәлән: алма - түгәрәк формада, яшел, кызыл, сары була, агачта үсә, бик тәмле. 

Максат: Уенда табиб һөнәре турындагы белемнәрен куллана алуларына ирешү, әлеге намуслы хезмәткә кызыксыну уяту; авыру кешегә ярдәм итәргә теләк булдыру, игътибарлылык һәм сабырлык формалаштыру, кызгану хисе тәрбияләү. Табиб өчен кирәкле булган атрибутлар, әсбаплар сайлап алырга, шул кирәк-яраклардан дөрес кулланырга күнектерү. Уен җиһазларына сакчыл караш тәрбияләү.