Максат: балаларның җиләк-җимеш һәм яшелчәләрнең файдасы турында белемнәрен тулыландыру. Сәламәт яшәүгә ихтыяҗ тәрбияләү. Үз организмнарына карата кайгыртучан мөнәсәбәт булдыру.

Бүген бакчабызда "Яңа ел" бәйрәме үткәрелде. Балалар Кыш бабайга өйрәнгән шигырьләрен сөйләделәр, матур биюләрен биеп күрсәттеләр. Кыш бабайның килүенә алар бик нык куандылар. Шулай ук бәйрәмгә төрле әкият геройлары, Минни Маус, Фиксик та килгән иде. Бәйрәмебез бик күңелле үтте. 

1 нче кечкенәләр төркеменә йөрүче Рамзанның туган көне булды. Аңа 3 яшь тулды. Туган көне белән котларга мультфильм герое Микки Маус килде. Балалар кунак белән берлектә "Ак калач" уенын уйнадылар. Бик күңелле булды.

1нче кечкенәләр төркеме белән яшелчә һәм җиләк-җимешләрне кабатлау. Максат: өстәл өсте уены ярдәмендә яшелчә һәм җиләк-җимешләрне аерырга өйрәнү. Аларнаң икенче яртысын табу, төсләрен, тәмнәрен әйтеп чыгу. 

Бүген башлангыч сыйныф укучыларының "Яңа ел" бәйрәмен карадык.

1 нче кечкенәләр төркемендә әти-әниләр "Яңа ел" темасына багышланган эшләнмәләр алып килделәр. Чыршыларны мамык дискасын, токмачны, лентаны ябыштырып, мәрҗәннәр белән бизәп, йолдыз куеп бик оста һәм матур итеп ясаганнар. Афәрин!

Зурлар төркеме белән рәсемләү шөгыле. Тема: Агачларны бәс каплаган. Максат: балалар белән кышкы табигать турында әңгәмә үткәрү. Ак биткә төрле агачлар ясату. Агач ботакларындагы бәсне рәсемдә краска белән дөрес чагылдыруга ирешү. Балаларда кышкы пейзажга  соклану хисләре уяту.

Уртанчылар төркеме белән иҗади-эстетик сәнгать. Әвәләү шөгыле. Тема: чыршы уенчыклары. Максат: балалар белән түгәрәк, овал формаларны искә төшерү. Үзләре теләгән төсләрне сайлап, түгәрәк яки овал формасындагы чыршы уенчыгы ясату, башка төс белән бизәү.

Безнең балалар бакчасыннан Зиннатуллина Ләлә "Голосок" конкурсында катнашып " Гореф-гадәтләрне саклау" номинациясе дипломы белән бүләкләнде.

Үзебезнең коллектив белән бакчабыз территориясенә кар сыннары ясый башладык. Әлегә анда кыш бабай, кар кызы, смешарик, чыршы, эт сыннары ясалды. Тагын берничә фигура ясарбыз дип уйлыйбыз.