Бакчабызда балаларның туган көннәрен истәлекле итеп билгеләп үткәрү матур традициягә әйләнде. Бүген акыллы һәм сөйкемле кызларыбызның берсе- Викториянең туган көнендә "Ак калач", "Каравай" дип аталган җырлы - биюле уеннар уйнадык. Балалар үзләре ясаган рәсемнәрен бүләк иттеләр, матур теләкләрен җиткерделәр.

                 Бүген - кояшлы җәйнең беренче көнендә, балачакның иң матур бәйрәме – Балаларны яклау көне. Елның кайсы гына вакыты булмасын балачакның һәрбер мизгеле рәхәт тә, татлы да булып истә кала. Балаларның киләчәге матур булсын өчен тыныч, имин тормыш, яраткан туган җир, гаилә җылысы, күңелле балачак кирәк. Балачак иле гел шаулап-гөрләп торсын!

                    В добрый путь, наши выпускники! Глядя на этих нарядных ребят, трудно поверить, что когда-то они не могли самостоятельно застегнуть сандалии. Сейчас они готовы покорять новые вершины. Успехов вам, дорогие выпускники!

       Бүген, 22 майда гаилә командалары арасында ВФСК ГТО фестивале узды. Безнең балалар бакчасын активлыгы һәм спортка мәхәббәте белән танылган Сабировлар гаиләсе тәкъдим итте. Гаилә командалары сынаулар узды. Ярышлар йомгаклары буенча Сабировлар гаиләсе 2 нче урынны алды. Лаеклы чыгыш белән котлыйбыз һәм фестивальдә актив катнашуыгыз өчен рәхмәт белдерәбез! Алга таба да спортта уңышлар телибез!

           Бүген, 21 нче май көнне бакчабызда халкыбызның милли бәйрәме - Сабантуй гөрләп узды. Бакчабыз иртәдән үк балаларны дәртле җырлар белән каршы алды. Сабантуйга бүләк җыючылар һәр төркемгә кереп, колгага сөлге җыеп, балаларны уен мәйданчыгына дәштеләр. Сабыйлар рәхәтләнеп күңел ачтылар, төрле милли уеннарда катнаштылар, үзара көч сынаштылар, бүләк алдылар. Бәйрәм һәркемнең күңеленә хуш килде. Сабантуй - ул хезмәт бәйрәме! Сабантуй - ул дуслык бәйрәме! Сабантуй һәркемнең Көтеп алган изге бәйрәме!

              Бүген 20 майда Гарифуллин Тамирлан һәм Гайнетдинова Камилә "Хезмәткә һәм оборонага әзер" Бөтенроссия физкультура-спорт комплексының муниципаль фестивалендә катнаштылар.Балалар 30 метрга йөгерүдә көч сынаштылар,алга авышуларында сыгылмалылык күрсәттеләр һәм 3 нче урынны алдылар! Яшь спортчыларыбызны котлыйбыз!

             20 май - Россиядә Идел елгасы көне итеп билгеләп үтелә. Бүген зурлар төркемендә шушы датага багышлап, экологик чара үткәрелде. Уен формасында үткәрелгән әлеге чарада Идел елгасында яшәүче хайваннар һәм үсүче үсемлекләр турында рәсемнәр карадык, викторина оештырдык, күп кенә мәгълүмат белдек. Бу Бөек елга турында кызыклы легенда укыдык. Әлеге чара балаларда табигатькә карата сакчыл караш тәрбияли, балаларны кызыклы һәм файдалы мәгълүмат белән таныштыра.

        "Экояз-2026" акциясенең сигезенче атнасы "Чиста су"дип аталган чишмәләрне, сулыкларны җыештыруга, чистартуга багышланган иде. Уртанчылар төркеменә йөрүче балалар бу эштә активлык күрсәтеп, эшне чишмәләрне караудан башладылар. Мусин Марсель, әти-әнисе белән берлектә, атаклы якташ язучыбыз Гомәр ага Бәшировның туган авылы Яңасаланың саф сулы данлыклы "Җидегән чишмә"сен җыештыруда катнашты. Чишмәләр-язучының әсәрләрендә туган якның сафлыгын һәм матурлыгын чагылдырган үзенчәлекле урыннар. Авыл кешеләре әле дә аның балачак хәтирәләре белән бәйле суны яратып эчәләр. Балаларыбызның кече яшьтән үк шундый изге күңелле булып үсүләре, әлбәттә, мактауга лаек.

             “Чиста су” акциясе сулыкларны чистарту һәм су ресурсларын саклау проблемаларына игътибарны җәлеп итүгә юнәлтелгән. Әзерлек төркеменең балалары һәм ата-аналары бу акциядән читтә кала алмадылар. Алар елга буйларын, күлләрне чүп-чардан чистарту белән шөгыльләнделәр. Бу чара балаларның экологик культурасын һәм аңлылыгын арттыруга ярдәм итә. Акциягә барлык теләгән кушылырга мөмкин. Әйдәгез, бергәләп табигатьне чиста тотыйк!

            18-24 май көннәрендә республикабызда "Чиста су" дигән акция кысаларында су буйларын, чишмәләрне чүп-чардан чистарту эшләре үткәрелә. Бу табигатьне саклау буенча гаять әһәмиятле чара булып тора. Бу чарада зурлар төркемендә тәрбияләнүче Мөхәммәтова Әминә һәм Ризванов Риназ да абыйсы һәм әти-әниләре белән чишмә һәм елга буендагы чүп-чарны, сынган ботакларны җыеп, тирә-юньгә гаять зур дәрәҗәдә файда иттеләр. Мондый эшләрдә балаларны катнаштыру аларда табигатькә карата сакчыл караш тәрбияли, киләчәктә мәрхәмәтле кешеләр булып тәрбияләнүләрендә бер адым булып тора. Барлык гаиләләрне дә бу бик мөһим эшкә чакырабыз!