12 нче ноябрь көнне Арча 3 нче мәктәп - балалар бакчасында "Татарча өйрәнәм" исемле мәктәпкәчә яшьтәгеләр төркеме өчен татарча олимпиаданың район туры булып узды. Безнең бакчадан Шагидуллина Ясминә белән Сабиров Кәрим катнашты. Аларга уңышлар телибез!

                  Көз ае бәйрәмнәргә бай. Бүген бакчабызның уртанчылар төркемендә "Алтын көз бездә кунакта" дип исемләнгән бәйрәм үткәрдек. Бәйрәмгә хөрмәтле әтиләребез дә килгән иде. Балалар әтиләре белән төрле кызыклы уеннар уйнадылар. Матур җырлар, көз турында һәм әтиләргә багышлап сөйләгән шигырьләр белән үрелеп барган әлеге чарада балалар да, зурлар да бердәм катнашты. Бәйрәмебез күңелле үтте!

           Бүген зурлар төркемендә "Әтиләр - көз бәйрәмендә кунакта" дип исемләнгән иртә булды.  Бу матур чарада балалар әтиләренә үзләренең һөнәрләрен күрсәттеләр.  Бик тырышып өйрәнгән җырларын җырладылар,  шигырьләрен сөйләделәр,  биюләрен күрсәттеләр.  Бәйрәмебезгә ямь өстәп,  кунакка Көз кызы белән Урман сакчысы килде.  Балалар әтиләре белән төрле ярышларда катнашып,  көч сынаштылар.  Бәйрәм күтәренке күңел белән үтте.  Соңыннан балалар әтиләренә үзләре ясаган бүләкләрен тапшырдылар.

               Курчак театры-балалар бакчасының көндәлек эшчәнлегендә еш кулланылган уеннарның берсе булып тора. Балалар өчен курчак театры эстетик тәрбия, сөйләм һәм әйләнә-тирә мохитне үстерү белән генә чикләнми, чөнки алар тел үсешен дә яхшырта. Театр төрләре белән танышу балалар эшчәнлегенең театральләшкәнен , аларның эчке дөньясын активлаштырачак.

                Бүген барлык төркемнәрдә дә "Татарстан Республикасы Конституциясе көне" темасына әңгәмәләр узды.Балалар Татарстан республикасының хокукларын һәм бурычларын үз эченә алган закон белән таныштылар. Аны барыбыз да үтәргә тиеш: президент та, өлкәннәр дә,әлбәттә инде,балалар да.

              Мәктәпкә әзерлек төркемендә "Татарстан Республикасы Конституциясе көне" темасына әңгәмә үткәрелде. Балалар Татарстан  Конституциясе илнең иң төп законы, анда гражданнарның барлык хокуклары һәм бурычлары барлыгын белделәр.  Республикабызга карата мәхәббәт хисе тәрбияләделәр.

         Бүген зурлар төркемендә Татарстан Республикасы Конституциясе турында әңгәмә булды.  Әңгәмә барышында балалар Татарстан Республикасының Төп Законы дигән төшенчә белән танышылар.  Балалар бакчасында билгеле бер кагыйдәләр булган кебек,  әһәмиятле кагыйдәләр илебез һәм республикабыз тормышында да бар,  һәм һәркем аларны үтәргә тиеш икәнлеген белделәр. Бу кагыйдәләр буенча һәркем бер-берсен хөрмәт итәргә,  табигатьне, аның байлыкларын,  истәлекле урыннарны,  мәдәниятебезне сакларга  тиешлекне белделәр.  Шулай ук һәркемнең яшәргә,  укырга һәм эшләргә хокукы барлыгын да аңладылар.  Шулай ук балалар Татарстан Флагы һәм Гербы Гимны нәрсәне аңлатканын белделәр.  Республикабызның Рәисе турында да кыскача мәгълүмат бирелде.  Әңгәмә ахырында балалар законнарны үтәү -  дуслыкта һәм тынычлыкта яшәү өчен төп шарт  икәнлеге турында нәтиҗә ясадылар.

Мәктәпкәчә яшьтәге күпчелек балалар бик хәрәкәтчән һәм актив, аларга үз игътибарларын туплау авыр. Шашка уеннары ярдәмендә балалар үз максатларына ирешүдә сабыр,  булырга, үзләрендә эшкә сәләтлелек, вакыт җитмәү шартларында логик бурычларны хәл итә белергә өйрәнәләр, хәтерләрен өйрәтәләр, үз-үзләрен тәртипкә китерергә өйрәнәләр.