Китап уку элек-электән кеше кхңелендә иң җылы хисләрне тудыручы, матурлык, яхшылык, яктылык уятучы, доньяны күрә белергә, кеше булырга өйрәтүче булып тора. Баланың яшь үзенчәлегенә карап, аларга китапны дөрес итеп сайлап алу мөхим бурычларның берсе булып тора. Рәсемле китаплар карау баланың фантазиясен баета. Балаларда белем чыганагы буларак китапка кызыксыну булдыру; сорауларга тулы җавап бирергә, сүзләрне ачык итеп әйтергә өйрәтү; китапларга карата сакчыл караш тәрбияләү максатыннан бездә балалар белән китаплар карадык.

Саф һавада йөрү сәламәтлекне ныгыту өчен иң мөһим чараларның берсе булып тора. Саф һавада балалар күп уйный, хәрәкәт итә. Хәрәкәт итү матдәләр алмашын, кан әйләнешен тәэмин итә, аппетитны үстерә. Балалар каршылыкларны җиңәргә өйрәнә, җитезлектә, кыюлыкта камилләшә. Аларда хәрәкәт итү үсә, кәеф күтәренкелеге тотрыклана.Саф һавада булу акыл үсеше өчен дә файдалы. Күзәтүләргә нигезләнеп балаларның танып белү даирәсе камилләшә, белем дәрәҗәсе үсә. Кызыксынучанлык, иҗадилык формалаша. Дөрес итеп оештырылган саф һавада булулар балаларның һәр яклап үсеше өчен дә файдалы. Безнең балаларның да урамда уйныйсылары килеп кенә тора.Без балалар белән саф һавага чыгып табигатьне күзәтәбез,хәрәкәтле уеннар уйныйбыз.Балалар саф һавада йөрергә бик яраталар.