Поздравляем призёра муниципального этапа Всероссийской олимпиады школьников по русской литературе ученицу 8А класса Хабутдинову Зухру, учитель -Хоснетдинова Рузана Робертовна.

Инглиз теленнән  Бөтенрәсәй күләмендә үткәрелә торган  фән олимпиадасының  муниципаль этабында катнашып 2 укучыбыз призёр булды: Сарварова Лилиана (6А кл) – укытучысы Гараева Ралина Хамзануровна, Амиров Самат (5 кл) – укытучысы Нуртдинова Резеда Загировна. Укучыларны һәм укытучыларны котлыйбыз, алга таба да уңышлар телибез.

8-10 ноябрь көннәрендә Казан шәһәрендә Татарстан Республикасы Яшьләр министрлыгы, «Идел» яшьләр үзәге, Татарстан язучылар берлеге республикакүләм «Иделем акчарлагы» яшь язучылар бәйгесен оештырды. 

Әлеге бәйгедә мәктәбебезнең 10 нчы класс укучысы Нуриева Ләйлә Айзат кызы "Поэзия" номинациясендә 1 нче урын яулады. Ләйләне, укытучысы Гөлназ Кашаф  кызын уңышлары белән котлыйбыз.  

Пучы мәктәбе укытучылары һәм укучылары «Татарча диктант – 2024» Бөтендөнья акциясендә катнаштылар. Акциянең төп максаты – татар теленә һәм мәдәниятенә игътибарны җәлеп итү, татар телен яратучыларны берләштерүгә юнәлтелгән. Диктант өчен язучы Ш.Камалның «Матур туганда» повестеннән өзек сайланды. Диктантның текстын мәктәбебезнең татар теле укытучысы  Гөлназ Муллагалиева  укыды.

Татарстанда инде менә берничә ел рәттән "Китапка икенче тормыш бүләк ит" хәйрия акциясе үткәрелә.Пучы мәктәбе укучылары һәм укытучылары да бу акцияга теләп кушылды. Быелгы уку елында  да акция ярдәме белән мәктәп китапханәсе 80 данә матур әдәбиятка тулыланды. Акциядә катнашучыларга оештыру комитеты тарафыннан грамоталар һәм бүләкләр тапшырылды. 

1-4 класс укучылары арасында:

1 урын- Галиев Марат (4 кл.),

2 урын- Шәмсиева Гүзәл (3 кл.),

3 урын- Макарова Аделина  (3 кл.)    

5-7 класс укучылары арасында:

1 урын- Газизов Няиз (7Б кл.), 

2 урын- Мухаметов Раил(5 кл.), Вазиев Адель, Мирзаянова Әминә (6А кл.), Фазуллина Данияр(7Б кл.),

3 урын- Загртдинов Айзат(7Б кл.),    

8-11 класс укучылары арасында: 

1 урын- Гимранова Ләйсән(10 кл.), 

2 урын- Әбүбәкиров Таһир (8А кл.),

3 урын- Вагизов Ильвир (9А кл.).    

Акция икенче уку елында да дәвам итәчәк. Анда мәктәп укучылары, укытучылары, ата-аналар-теләгән һәркем катнаша ала. Әгәр өегездә укылган китаплар - мәктәп программасы буенча әдәбият, төрле энциклопедия, дәреслекләр бар икән, аларның барысын да мәктәпкә бүләк итә аласыз. Китаплар яхшы хәлдә булырга тиеш. Мәктәп китапханәсе аларны бик теләп кабул итәчәк, ә сезнең китапларыгыз укучыларга файда китерәчәк. Акциядә катнашу ирекле. Анда мәктәп укучылары гына түгел, теләгән барлык кеше, шул исәптән оешмалар да катнаша ала. Үзегезнең элеккеге мәктәбегезгә бүләк ясарга теләсәгез, аны рәхмәт әйтеп кабул итәчәкләр.

Азнакайда Россия торак-коммуналь хуҗалыгының Мактаулы хезмәткәре, ТРның атказанган торак-коммуналь хуҗалыгы хезмәткәре Инсаф Солтанов истәлегенә көрәш ярышлары узды.
Әлеге ярышта укучыларыбыз Салихов Фаяз - 2 нче, Шәйхетдинов Сәид, Шәмсиев Ильяс, Фазуллин Данияр - 3 нче урыннарны яуладылар.
Котлыйбыз!!!

8нче ноябрь көнне Актанышның 1нче мәктәбендә  «Мәгариф системасын үстерүдә мәктәп китапханәсенең эшчәнлеге» темасына район мәктәп китапханәчеләренең семинары узды. Семинар килгән кунакларны каршы алу, чал тарихлы мәктәп тарихы белән таныштыру белән башланып китте.

Мәктәп китапханәчеләре көне уңаеннан, укучылар тарафыннан музыкаль бәйрәм котлавы да чарага ямь өстәде. Мәктәп китапханәчесе Хисамова Нурсия Мулланур кызы эш тәҗрибәсе белән уртаклашты. Семинар эчтәлекле һәм эшлекле оештырылган иде. Әлеге чарада мәктәбебезнең педагог-китапханәчесе Фазуллина Гөлшат Хавил кызы катнашты.

 Пучы мәктәбенең директор киңәшчесе Сарварова Чулпан Мирзашариповна «Китап укучы гаилә – китап укучы ил» исемле республика конкурсының муниципаль этабында катнашып, «Әнинең (әтинең) үз баласы өчен  язылган иң яхшы әсәре” номинациясендә катнашып III урынга ия булды. Котлыйбыз! 

Бөтендөнья татар конгрессы, “Татарлар” газетасы, Татарстан Республикасы Мәгариф һәм фән министрлыгы белән берлектә “Мин – укытучы” бәйгесен игълан иткән иде. Мәктәбебезнең тарих һәм җәмгыять белеме укытучысы Шәрипова Гөлшат Әхмәтшәех кызы әлеге бәйгедә катнашып сертификатка ия булды. Котлыйбыз!

Мәктәбебез китапханәчесе Гөлшат Хавиловна “Иң яхшы мәктәп китапханәчесе - 2024” республикакүләм бәйгесенең район этабында III урынга ия булды. Котлыйбыз!