Бүген Пучы урта гомуми белем бирү мәктәбенең 10 класс укучысы Нуриева Ләйлә республикакүләм "Сәләткә нур булган йолдызлар" ачык әдәби конкурсында шигърият номинациясендә 3 нче урын, чәчмә әсәрләр номинациясендә Гран-при яулады. Укытучысы Гөлназ Кашаф кызы Муллагалиева Рәхмәт хатына ия булды. Ләйләне, Гөлназ Кашаф кызын җиңүләре белән котлыйбыз һәм киләчәктә дә уңышлар телибез!!!

Учитель истории нашей школы Шарипова Гульшат Ахматшаеховна приняла участие в работе Регионального научно-практического семинара "Современные подходы к патриотическому воспитание школьников". 

Пучы мәктәбе "Җиңү тәрәзәләре" акциясенә кушылды. «Җиңү тәрәзәләре " акциясе-мәктәпнең бизәге генә түгел. Бу үзеңә һәм әйләнә-тирәдәгеләргә тарихи хәтерне саклауның мөһимлеген искә төшерү ысулы. Иҗат аша балалар ветераннарның батырлыгын хөрмәт итәргә, тынычлык һәм Ирек кыйммәтләрен аңларга өйрәнәләр.

Мәктәбебез коллективы һәм укучылары Бөек Җиңүнең 80 еллыгына багышланган "Җиңү җыры җырлый Актаныш" патриотик акциясенә кушылды. Афәрин!

Җиңү таңын көтә һәрбер йөрәк,
Җиңү таңы атсын тизрәк.
Аяз күкләр, тыныч көннәр килсен,
Күңелләрдә бары шул теләк!

Татарча көрәш буенча  4-6 апрель көннәрендә Казан шәһәрендә яшүсмерләр арасында узган Рәсәй беренчелеге 60 кг үлчәү авырлыгында мәктәбебезнең 9 сыйныф укучысы Кашапов Айрат 1 нгче урын яулады.  Айратны зур җиңүе белән котлыйбыз! Аңа киләчәк тормышында һәм спортта уңышлар, яңа җиңүләр телибез. Остазы - Садри Әнис Мөхәммәтнур улы. 

Булачак 1 нче сыйныф укучылары мәктәп  белән танышу максатыннан безгә кунакка килделәр. 

Татар әдәбияты фәненнән республика олимпиадасының йомгаклау этабында мәктәбебезнең 11 нче класс укучысы Ганиева Адилә уңышлы чыгыш ясап, призер булды. Адиләне, укытучысы Гөлназ Кашаф кызын уңышлары белән чын күңелдән котлыйбыз!   

Татар теленнән республика олимпиадасының йомгаклау этабында 5 нче класс укучысы Фәтхетдинова Нәзилә, 6 нчы класс укучысы Гыйльфанова Гөлназ, 10 нчы класс укучысы Закирова Эльвина уңышлы чыгыш ясап, призер булдылар. Укучыларны, укытучылары Гөлназ Кашаф кызын зур уңышлары белән чын күңелдән котлыйбыз! Афәрин!

Ибраһим Хәлфин исемендәге республика фәнни-гамәли конференция нәтиҗәләре буенча мәктәбебезнең тарих һәм җәмгыять белеме укытучысы Гөлшат Әхмәтшәех кызы җиңүче булды. Гөлшат Әхмәтшәех кызын зур уңышлары белән котлыйбыз һәм киләчәктә дә уңышлар телибез!

25-27 февраль көннәрендә Мамадыш районы Түбән Ушма авылында 2009-2010 нчы елгы яшүсмерләр арасында татарча көрәш буенча Татарстан беренчелеге узды. Бәйге РСФСРның спорт остасы, Мамадыш шәһәренең мактаулы гражданины Р.Я.Мөхәммәтшин истәлегенә "Ялкын" журналы призларына үткәрелде.
Бу мәртәбәле турнирда "Татарча көрәш" түгәрәгендә шөгыльләнүче Кашапов Айрат 60 кг үлчәүдә 1 урын яулап "Татарстан чемпионы" исемен алуга иреште.  Шулай ук, Рузибоев Тимур 55 кг үлчәүдә 3 урынны яулады!   Айратны,Тимурны  һәм остазы Әнис Мөхәммәтнур улын ихлас котлыйбыз. Айратка Рәсәй чемпионатында да зур җиңүләр теләп калабыз!