8нче ноябрь көнне Актанышның 1нче мәктәбендә  «Мәгариф системасын үстерүдә мәктәп китапханәсенең эшчәнлеге» темасына район мәктәп китапханәчеләренең семинары узды. Семинар килгән кунакларны каршы алу, чал тарихлы мәктәп тарихы белән таныштыру белән башланып китте.

Мәктәп китапханәчеләре көне уңаеннан, укучылар тарафыннан музыкаль бәйрәм котлавы да чарага ямь өстәде. Мәктәп китапханәчесе Хисамова Нурсия Мулланур кызы эш тәҗрибәсе белән уртаклашты. Семинар эчтәлекле һәм эшлекле оештырылган иде. Әлеге чарада мәктәбебезнең педагог-китапханәчесе Фазуллина Гөлшат Хавил кызы катнашты.

 Пучы мәктәбенең директор киңәшчесе Сарварова Чулпан Мирзашариповна «Китап укучы гаилә – китап укучы ил» исемле республика конкурсының муниципаль этабында катнашып, «Әнинең (әтинең) үз баласы өчен  язылган иң яхшы әсәре” номинациясендә катнашып III урынга ия булды. Котлыйбыз! 

Бөтендөнья татар конгрессы, “Татарлар” газетасы, Татарстан Республикасы Мәгариф һәм фән министрлыгы белән берлектә “Мин – укытучы” бәйгесен игълан иткән иде. Мәктәбебезнең тарих һәм җәмгыять белеме укытучысы Шәрипова Гөлшат Әхмәтшәех кызы әлеге бәйгедә катнашып сертификатка ия булды. Котлыйбыз!

Мәктәбебез китапханәчесе Гөлшат Хавиловна “Иң яхшы мәктәп китапханәчесе - 2024” республикакүләм бәйгесенең район этабында III урынга ия булды. Котлыйбыз!

Бүген, 21нче октябрь көнне, Яр Чаллы шәһәренең 56нчы санлы урта гомуми белем бирү мәктәбендә  "Функциональ грамоталылыкны үстерүдә педагогларның һәнәри компетенциясен күтәрү буенча методик эшнең уңышлы практикалары" темасы астында Республика семинары узды. Семинарда укучыларда функциональ грамоталылыкның һәр төрен үстерүгә юнәлтелгән ачык дәресләр, дәрестән тыш эшчәнлек, мастер-класслар каралды, чыгышлар тыңланды. Чара эчтәлекле һәм эшлекле булды, әлеге семинарда мәктәбебез завучы Нуртдинова Резеда Загировна катнашты. 

Сегодня, 21 октября, в средней общеобразовательной школе № 56 г. Набережные Челны прошел Республиканский семинар "Успешные практики методической работы по повышению профессиональной компетенции педагогов в развитии функциональной грамотности". На семинаре были рассмотрены открытые уроки, внеурочная деятельность, мастер-классы, слушались выступления учащихся, направленные на развитие каждого вида функциональной грамотности. Мероприятие было насыщенным и деловым, на семинаре приняла участие завуч нашей школы Нуртдинова Резеда Загировна.

"Көмеш кыңгырау" газетасының  41нче санында  7а классы укучылары Элина Закированың "Рәхмәт!", Илмир Дәүләтовның "Һәрчак янымда" шигырьләре басылып чыкты. Укытучылары Муллагалиева Гөлназ Кашаф кызы. Афәрин! Укучыларга иҗади уңышлар теләп калабыз!

Заманча укытучы - ул тикшеренүче, педагог, тәрбияче. Һәм иң элек, педагогик культурасы югары булган кеше. Шундый девиз астында 16 октябрьдә «Аерым фәннәрне тирәнтен өйрәтүче 2 нче санлы Актаныш урта гомуми белем бирү мәктәбе» муниципаль бюджет мәгариф учреждениесендә регионара семинар узды. Әлеге чарада мәктәбебезнең башлангыч класс укытучысы Акмалова Айзирә Хәбип кызы катнашты.

Мәктәбебезнең 6 класс укучысы,  Заманова Рузия, Гамил Афзал исемендәге "Яшь каләмчеләр" Республикакүләм иҗат фестивалендә 3 нче урын яулады.
Фәтхетдинова Нәзилә (5 кл.),Кашапова Зилә (5кл.) ,Салихов Фаил (7кл.) ,Закирова Эльвина(10 кл.) ,Имамова Энҗе (11кл.) кызыксындыру бүләгенә ия булдылар. Укытучылары Муллагалиева Голназ Кашаф кызы, котлыйбыз!!!

Мәктәбебез укучылары махсус хәрби операциядә катнашучы ир-егетләребезгә ярдәм җыю акциясенә кушылды.

"Россия- мои горизонты" дәресләре кысаларында профориентация юнәлеше буенча Пучы мәктәбенең 7А сыйныф укучылары ( сыйныф җитәкчесе Зарипова Гөлназ Әмирхан кызы) АРЭСта экскурсиядә булды. Укучыларга энергетиклар хезмәте турында бик тә эчтәлекле, кызыклы очрашу үткәрделәр. Укучыларга мондый дәрес бик тә ошады.