15 нче февраль көнне халкыбызның бөек шагыйре һәм журналисты, хәрби хәбәрче, Советлар Союзы Герое- Муса Җәлилнең туган көне. Шул уңайдан мәктәп китапханәсендә  укучыларга "Муса Җәлил-герой шагыйрь" дигән китап күргәзмәсе тәкъдим ителде. Китап сөючеләр өчен китапханәче Гөлшат Хавил кызы "Татар халкының каһарман улы" библиографик дәрес уткәрде. Укучылар шагыйрьнең тормыш юлы һәм иҗаты белән таныштылар. "Моабит дәфтәрләре" китабына күзәтү ясадылар. Шагыйрьнең  шигырьләрен сәнгатьле итеп укыдылар. Муса Җәлилнең исеме тарих битләренә алтын хәрефләр белән язылган. Менә ничә еллар инде ул халык күңелендә якты бер җыр булып яши.

Җырларым

Җырларым, сез шытып йөрәгемдә
Ил кырында чәчәк атыгыз!
Күпме булса сездә көч һәм ялкын,
Шулкадәрле җирдә хаккыгыз!

Сездә минем бөтен тойгыларым,
Сездә минем керсез яшьләрем.
Сез үлсәгез, мин дә онытылырмын,
Яшәсәгез, мин дә яшәрмен.

Мин кабыздым җырда ялкын итеп
Йөрәгем һәм хаклык кушканны.
Җырым белән дусны иркәләдем,
Җырым белән җиңдем дошманны.

Алдый алмас мине түбән ләззәт,
Вак тормышның чуар пәрдәсе;
Шигъремдәге чынлык, ут һәм сөю —
Яшәвемнең бөтен мәгънәсе.

Үлгәндә дә йөрәк туры калыр
Шигъремдәге изге антына.
Бар җырымны илгә багышладым,
Гомремне дә бирәм халкыма.

Җырлап үттем данлы көрәш кырын,
Җырлап килдем тормыш языма.
Соңгы җырым палач балтасына
Башны тоткан килеш языла.

Җыр өйрәтте мине хөр яшәргә
Һәм үләргә кыю ир булып.
Гомрем минем моңлы бер җыр иде,
Үлемем дә яңрар җыр булып.

1943 ел

  Укытучы һәм остаз елын йомгаклау тантанасында мәктәбебезнең химия һәм биология укытучысы Вагыйзова Алсу Мирзаян кызы мәгариф идарәсенең Мактау грамотасы белән бүләкләнде. Алсу Мирзаян кызын котлыйбыз! Алда да авыр, ләкин мактаулы эшендә зур уңышлар телибез!

 Туган тел айлыгы уңаеннан бүген мәктәптэ татар язучысы, шагыйрь, драматург, галим-филолог һәм фольклорчы, Г. Тукай исемендәге Дәүләт бүләге лауреаты һәм Татарстанның Халык язучысы Нәкый Исәнбәт дәресләре узды. Укучылар Н.Исәнбәт хакында өстәмә мәгълүмат һәм  кызыксындырган сорауларына җаваплар алдылар. 

Бүген Пучы мәктәбе укучылары "Созвездие-Йолдызлык-2024" фестиваленең  сайлап алу турында уңышлы чыгыш ясап кайттылар. Афәрин!

Көрәшчеләребез 10 февраль көнне Минзәлә районы Хуҗәмәт авылында булып узган "Хуҗәмәт ремонт-механика заводы ҖЧҖ" призларына татарча көрәш буенча ачык турнирда катнаштылар. Шактый укучыларыбыз үз авырлык үлчәүләрендә уңышлы чыгыш ясап призлы урыннар яуладылар.
1 нче урын -
Хөснетдинов Рөстәм,
Кашапов Айрат.
2 нче урын -
Шәйхетдинов Сәид,
Салихов Фаяз,
Мухаметов Рәзил,
Шәмсиев Ильяс.
3 нче урын -
Салихов Рамазан,
Рузибоев Тимур.
Афәрин, егетләр!!! Көрәшчеләребезгә һәм остазлары Садри Әнис Мөхәммәтнур улына киләчәктә дә зур җиңүләр теләп калабыз!

9 нчы февраль көнне, Актанышта Фәттаховлар гаиләсе призына үткән көрәш ярышында командабыз лаеклы 2 нче урынны яулады!!! 
Аерым үлчәүләрдә уңышлы чыгыш ясаган укучылар:
1 нче урын -
Салихов Рамазан,
Хөснетдинов Рөстәм,
Шәмсиев Ильяс;
2 нче урын -
Шәйхетдинов Сәид,
Салихов Фаяз
Кашапов Айрат ;
3 нче урын -
Мухаметов Рәзил.
Котлыйбыз! Алга таба да уңышлар юлдаш булсын! 

Туган тел айлыгы уңаеннан бүген мәктәптә - ТАССРның атказанган мәдәният хезмәткәре, ТССРның халык шагыйре Гамил Афзал көне. Шул уңайдан 5 а һәм 10 класс укучылары катнашында әдәби чара узды. Чара мавыктыргыч узды. Оештыручы: татар теле һәм әдәбияты укытучысы Гөлназ Муллагалиева.

Хәрби – патриотик айлык кысаларында китапханәдә "Безнең армия -иң көчлесе!" дигән китап күргәзмәсе төзелеп куелды. Мәктәнең 3нче класс укучылары яу кырларында ятып калган, безгә тыныч тормыш бүләк иткән бабаларыбызны, туганнарыбызны, якташларыбызны искә алды. Укучылар үзләренең бабалары турында сөйләделәр, “Хәтер” китабыннан авылдашларыбызның исемнәрен эзләп һәм үзләрен кызыксындырган сорауларга җавап таптылар.  

Учащиеся МБОУ "Поисевская СОШ"  принимали участие в акции «Одна страна – одна команда».

Рус теленнән республика олимпиадасының йомгаклау этабында мәктәбебезнең 11 класс укучысы Исламова Алинә (укытучысы Шәрифуллина Ангелина Вячеслав кызы)  җиңүче, 7 класс укучылары Тимерова Алинә һәм Исламова Ләйсән (укытучысы Хоснетдинова Рузана Роберт кызы) призер булдылар.  Укучыларны һәм аларның укытучыларын җиңүләре белән котлыйбыз! Алга таба да уңышлар телибез!