Туган тел! Һәркем өчен дә газиз сүз бу. Туган илебезнең, торган җиребезнең кадерле булуын да без иң элек туган тел аша тоябыз. Һәр халыкның туган теле – ул, иң элек, аның мәдәнияте,тарихи көзгесе.Безнең телебез – матур, бөек тел. Аның ничәмә-ничә гасырлык тарихы бар. Ә матурлыгы халык җырларында, әдипләребез иҗатында чагыла.“Туган телен кадерләгән халык үзе дә кадерле булыр” – ди халык мәкале.

21 нче февраль Халыкара туган тел көне дип игълан ителде.  Шул уңайдан, халкыбызда туган телебезгә карата мәхәббәт, горурлык хисләре тәрбияләүне, телебезнең сафлыгы, матурлыгы, аһәңлеге өчен көрәшүне максат итеп китапханәдә "И туган тел, и матур тел..." исеме астында китап күргәзмәсе оештырылды һәм укучыларга тәкъдим ителә. Рәхим итегез! 

Мәктәптә Туган тел айлыгы уңаеннан 15 февральгә кадәр "Батырлыкта - матурлык", "...Матур ил шул безнең илебез, ал чәчәкле безнең җиребез" темаларына шигырь конкурсы игълан ителеп, укучылар тарафыннан бик күп иҗат эшләре кабул ителде. Нәтиҗә Халыкара туган тел көнендә ясалачак.

Педагог- библиотекарь нашей школы,Фазуллина Гульшат Хавиловна, приняла участие в мастер-классе на тему: "Современная школьная библиотека модельная перезагрузка". 

15 нче февраль көнне халкыбызның бөек шагыйре һәм журналисты, хәрби хәбәрче, Советлар Союзы Герое- Муса Җәлилнең туган көне. Шул уңайдан мәктәп китапханәсендә  укучыларга "Муса Җәлил-герой шагыйрь" дигән китап күргәзмәсе тәкъдим ителде. Китап сөючеләр өчен китапханәче Гөлшат Хавил кызы "Татар халкының каһарман улы" библиографик дәрес уткәрде. Укучылар шагыйрьнең тормыш юлы һәм иҗаты белән таныштылар. "Моабит дәфтәрләре" китабына күзәтү ясадылар. Шагыйрьнең  шигырьләрен сәнгатьле итеп укыдылар. Муса Җәлилнең исеме тарих битләренә алтын хәрефләр белән язылган. Менә ничә еллар инде ул халык күңелендә якты бер җыр булып яши.

Җырларым

Җырларым, сез шытып йөрәгемдә
Ил кырында чәчәк атыгыз!
Күпме булса сездә көч һәм ялкын,
Шулкадәрле җирдә хаккыгыз!

Сездә минем бөтен тойгыларым,
Сездә минем керсез яшьләрем.
Сез үлсәгез, мин дә онытылырмын,
Яшәсәгез, мин дә яшәрмен.

Мин кабыздым җырда ялкын итеп
Йөрәгем һәм хаклык кушканны.
Җырым белән дусны иркәләдем,
Җырым белән җиңдем дошманны.

Алдый алмас мине түбән ләззәт,
Вак тормышның чуар пәрдәсе;
Шигъремдәге чынлык, ут һәм сөю —
Яшәвемнең бөтен мәгънәсе.

Үлгәндә дә йөрәк туры калыр
Шигъремдәге изге антына.
Бар җырымны илгә багышладым,
Гомремне дә бирәм халкыма.

Җырлап үттем данлы көрәш кырын,
Җырлап килдем тормыш языма.
Соңгы җырым палач балтасына
Башны тоткан килеш языла.

Җыр өйрәтте мине хөр яшәргә
Һәм үләргә кыю ир булып.
Гомрем минем моңлы бер җыр иде,
Үлемем дә яңрар җыр булып.

1943 ел

  Укытучы һәм остаз елын йомгаклау тантанасында мәктәбебезнең химия һәм биология укытучысы Вагыйзова Алсу Мирзаян кызы мәгариф идарәсенең Мактау грамотасы белән бүләкләнде. Алсу Мирзаян кызын котлыйбыз! Алда да авыр, ләкин мактаулы эшендә зур уңышлар телибез!

 Туган тел айлыгы уңаеннан бүген мәктәптэ татар язучысы, шагыйрь, драматург, галим-филолог һәм фольклорчы, Г. Тукай исемендәге Дәүләт бүләге лауреаты һәм Татарстанның Халык язучысы Нәкый Исәнбәт дәресләре узды. Укучылар Н.Исәнбәт хакында өстәмә мәгълүмат һәм  кызыксындырган сорауларына җаваплар алдылар. 

Бүген Пучы мәктәбе укучылары "Созвездие-Йолдызлык-2024" фестиваленең  сайлап алу турында уңышлы чыгыш ясап кайттылар. Афәрин!

Көрәшчеләребез 10 февраль көнне Минзәлә районы Хуҗәмәт авылында булып узган "Хуҗәмәт ремонт-механика заводы ҖЧҖ" призларына татарча көрәш буенча ачык турнирда катнаштылар. Шактый укучыларыбыз үз авырлык үлчәүләрендә уңышлы чыгыш ясап призлы урыннар яуладылар.
1 нче урын -
Хөснетдинов Рөстәм,
Кашапов Айрат.
2 нче урын -
Шәйхетдинов Сәид,
Салихов Фаяз,
Мухаметов Рәзил,
Шәмсиев Ильяс.
3 нче урын -
Салихов Рамазан,
Рузибоев Тимур.
Афәрин, егетләр!!! Көрәшчеләребезгә һәм остазлары Садри Әнис Мөхәммәтнур улына киләчәктә дә зур җиңүләр теләп калабыз!

9 нчы февраль көнне, Актанышта Фәттаховлар гаиләсе призына үткән көрәш ярышында командабыз лаеклы 2 нче урынны яулады!!! 
Аерым үлчәүләрдә уңышлы чыгыш ясаган укучылар:
1 нче урын -
Салихов Рамазан,
Хөснетдинов Рөстәм,
Шәмсиев Ильяс;
2 нче урын -
Шәйхетдинов Сәид,
Салихов Фаяз
Кашапов Айрат ;
3 нче урын -
Мухаметов Рәзил.
Котлыйбыз! Алга таба да уңышлар юлдаш булсын! 

Туган тел айлыгы уңаеннан бүген мәктәптә - ТАССРның атказанган мәдәният хезмәткәре, ТССРның халык шагыйре Гамил Афзал көне. Шул уңайдан 5 а һәм 10 класс укучылары катнашында әдәби чара узды. Чара мавыктыргыч узды. Оештыручы: татар теле һәм әдәбияты укытучысы Гөлназ Муллагалиева.